វីដេអូពេល Secret ឈ្នះ EDP! ឃើញហើយរំភើបអាចស្រក់ទឹកភ្នែកមិនដឹងខ្លួន

2015-01-19 19:23:56
ចំនួនមតិ 0 | ចំនួនចែករំលែក 0

ចន្លោះមិនឃើញ

អារម្មណ៍ដ៏រន្ធត់ ភ័យញ័រដៃញ័រជើងរហូតបើកញើសជោកថ្ងាស មិនត្រឹមតែកើតមានចំពោះក្រុមកីឡាករកម្ពុជា Secret និងក្រុមកីឡាករម៉ាឡេស៊ី EDP Team AK នោះទេ សម្រាប់ទស្សនិកជនទូទាំងពិភពលោកដែលបានទស្សនាការប្រកួតរវាងក្រុមកីឡាករទាំង ២ នៅវគ្គផ្ដាច់ព្រ័ត្រក្នុងព្រឹត្តិការណ៍ MATIC 2015 ក៏ទទួលបានអារម្មណ៍ទាំងអស់ហ្នឹងដែរ ព្រោះលទ្ធផលនៃការប្រកួតគឺស្វិតស្វាញពេក ដេញគ្នាយ៉ាងប្រកៀកតាំងពីប្រកួតដំបូងរហូតដល់ទទួលបានពិន្ទុ ៤ ទល់នឹង ៤។

អាន៖ ជយោ! Secret កម្ពុជាឈ្នះពានរង្វាន់អន្តរជាតិ MATIC 2015 ហើយ

ជាលទ្ធផលនៅប្រកួតទី ៩ ដែលជាប្រកួតកាត់សេចក្ដី ក្រុមកម្ពុជា Secret ជាអ្នកទទួលបានអារម្មណ៍សប្បាយរីករាយ និងរំភើបរកពាក្យអ្វីនិយាយមិនចេញ ទាំងខ្លួនជាក្រុមថ្មី មិនដែលមានបទពិសោធន៍ ខណៈក្រុមដែលមានបទពិសោធន៍ប្រកួតជោកជាំទាំងក្នុងស្រុក និងលើឆាកអន្តរជាតិ ហើយក៏ធ្លាប់គ្រងតំណែងជើងឯ MATIC 2012, EDP Team AK របស់ប្រទេសម៉ាឡេស៊ីជាអ្នកទទួលបានអារម្មណ៍សោកស្ដាយ ដោយត្រូវក្រុមកម្ពុជា Secret យកឈ្នះទាំងប្រកៀកប្រកើយក្នុងលទ្ធផល ៥ ទល់នឹង ៤។

ជាមួយលទ្ធផលជាប្រវត្តិសាស្ត្រកីឡាអេឡិចត្រូនិកក្នុងប្រទេសកម្ពុជានេះ រូបភាពសប្បាយៗរបស់ក្រុមកីឡាករជម្រើសជាតិក្រោយទទួលបានជ័យជម្នះនៅវគ្គផ្ដាច់ព្រ័ត្រជាច្រើនសន្លឹក Sabay បានចែកជូនប្រិយមិត្តទស្សនារួចហើយម្សិលមិញនេះ។ ហើយតាមរយៈរូបភាពនោះ ប្រិយមិត្តប្រហែលជាមិនដឹងថាពួកគេមានអារម្មណ៍តានតឹងយ៉ាងណាទេពេលប្រកួត។

អាន៖ Mutan ប្រធានក្រុម Secret ជាកីឡាករល្អបំផុតប្រចាំ MATIC 2015

ដូច្នេះនៅទំព័រនេះ Sabay នឹងចែកចាយអារម្មណ៍រន្ធត់ ការយកចិត្តទុកដាក់ពេលកំពុងប្រកួត និងសប្បាយរីករាយរបស់ពួកគេជាវីដេអូវិញម្ដង ដែលអាចធ្វើប្រិយមិត្តរំភើបចិត្តរហូតដល់ស្រក់ទឹកភ្នែកដោយមិនដឹងខ្លួនជាមួយនឹងសកម្មភាពរបស់ពួកគេក៏ថាបាន។

តោះកុំឲ្យខាតពេលយូរ ទស្សនាទាំងអស់គ្នា៖ http://youtu.be/rV2dtiauRNI

ចុចទីនេះ ដើម្បីតាមដានព័ត៌មាន MATIC 2015៕

អត្ថបទ៖ ភីឆាយ