JX ផ្ដល់រង្វាន់មហាសាលឧបករណ៍ហ្គេមម៉ាក Razor ដល់អធិរាជកាំបិតធំ

2015-02-18 15:30:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ដើម្បីអបអរការបង្ហាញវត្តមានរបស់បក្សម៉ីង សេវាកម្សាន្តដែលមានវ័យចំណាស់ជាងគេក្នុងប្រទេសកម្ពុជា និស្ស័យស្នេហ៍ដាវទេព JXII បានរៀបចំកាដូពិសេសដ៏ធំដែលមិនធ្លាប់មានពីមុនមក គឺការផ្ដល់ជូនជាឧបករណ៍ប្រើប្រាស់កុំព្យូទ័រម៉ាក Razer ដែលជាម៉ាកដ៏ល្បី និងពេញនិយមបំផុតចំពោះកីឡាករអេឡិចត្រូនិកអាជីពលើពិភពលោក ដល់កំពូលអធិរាជកាំបិតអគ្គីបក្សម៉ីង។

អាន៖ GM Lin ផ្ដល់រង្វាន់ជូនម្ចាស់សំណាងក្នុងព្រឹត្តិការណ៍ការពារដើមណូអែល

កំពូលអធិរាជបក្សម៉ីងចំនួន ១០០ រូបដែលមានកម្រិត Level ខ្ពស់ជាងគេ (គ្រប់នគរ) នៅថ្ងៃទី ១៣ ខែមិនា ឆ្នាំ ២០១៥ នឹងទទួលបានរង្វាន់ពិសេសពីសេវាកម្សាន្តនិស្ស័យស្នេហ៍ដាវទេព JXII ដោយកំពូលអធិរាជចំនួន ១០ រូបនឹងទទួលបានរង្វាន់ជាសម្ភារៈប្រើប្រាស់កុំព្យូទ័រម៉ាក Razer រួមមាន កាសស្ដាប់ត្រចៀក និង Mouse, ឬក្ដាចុច(Keyboard) និង Mouse ជាជម្រើសរបស់កំពូលអធិរាជបូករួមទាំងផ្លាកបញ្ជាចូលបក្សម៉ីងចំនួន ១០ និង ២ ៥០០ Sabay Golds ខណៈអធិរាជកាំបិតអគ្គីដែលទទួលបានចំណាត់ថ្នាក់លេខ ១១ ដល់លេខ ១០០ នឹងទទួលបានផ្លាកបញ្ជាចូលបក្សម៉ីងចំនួន ២ និង Sabay Golds ចំនួន ២ ៥០០។ ធ្វើម៉េចទើបអាចក្លាយជាម្ចាស់រង្វាន់ទាំងនេះបាន?

ដើម្បីចូលរួមធ្វើជាម្ចាស់រង្វាន់ដ៏ពិសេសមិនធ្លាប់មានពីមុនមកក្នុងប្រវត្តិសាស្ត្រកីឡាអេឡិចត្រូនិកនេះបាន អ្នកកម្សាន្ត JXII ទាំងអស់ត្រូវ Log In ចូលទៅកាន់គណនី Mysabay រួចចុះឈ្មោះជាមុនសិន ដោយប្រិយមិត្តត្រូវជ្រើសរើសឈ្មោះតួអង្គ និងឈ្មោះនគរដែលតួអង្គប្រយុទ្ធរបស់ប្រិយមិត្តកំពុងធ្វើដំណើរផ្សងព្រេង។

សម្រាប់ការចុះឈ្មោះនេះ ដើម្បីឲ្យការប្រកួតប្រជែងស្វែងរកកម្រិត Level មានភាពស្មើគ្នា ក្រុមការងារសេវាកម្សាន្ត JXII ឬ System នឹងជ្រើសរើស ទទួលពាក្យចុះឈ្មោះអនុញ្ញាតឲ្យតែតួអង្គបក្សម៉ីងដែលមានកម្រិត Level ចាប់ពី Level 10 ដល់ Level 24 ចូលរួមប៉ុណ្ណោះ សម្រាប់តួអង្គដែលមានកម្រិតចាប់ពី Level 25 ឡើងទៅមិនអាចចូលរួមប្រជែងក្នុងព្រឹត្តិការណ៍នេះបានឡើយ។

អាន៖ JX ត្រៀមខ្លួនម៉ាឡូយសម្រាប់ស្វាគមន៍ការមកដល់នៃបក្សម៉ីងស្អែកនេះ

ព្រឹត្តិការណ៍ស្វែងរកកំពូលអធិរាជកាំបិតធំបានចាប់ផ្ដើមពីថ្ងៃនេះតទៅហើយ។ ដូច្នេះចាំកាលបានបង្កើតតួអង្គថ្មី រួចចូលបក្សម៉ីង ដើម្បីស្វែងរកកម្រិត Level និងធ្វើជាម្ចាស់រង្វាន់ដ៏មហាសាលនេះ?

សម្រាប់ព័ត៌មានបន្ថែម កុំភ្លេចតាមដានជាមួយទំព័រហ្វេសបុកផ្លូវការរបស់សេវាកម្សាន្ត JXII៕

អត្ថបទ៖ ភីឆាយ