តម្លៃបន្ទប់សណ្ឋាគារប្រណិតៗលំដាប់ផ្កាយនៅភ្នំពេញ អ្នកអាចមិនដឹង!

2015-02-21 13:00:01
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅភ្នំពេញមានសណ្ឋាគារច្រើនស្អេកស្កះ ប៉ុន្តែសណ្ឋាគារប្រណិតអាច មានមិនច្រើននោះទេ។ ខាងក្រោមនេះគឺជាតំលៃ បន្ទប់សណ្ឋាគារប្រណិតៗលំដាប់ផ្កាយ៥នៅភ្នំពេញ៖

-សណ្ឋាគារណាហ្គាវ៉ើល(Naga World)

ក្នុងមួយយប់តម្លៃចាប់ពី ១៥០ ដុល្លារ រហូតដល់ ៨០០០ ដុល្លារ ។ តម្លៃ ៨០០០ ដុល្លារ ក្នុងមួយយប់ ត្រូវបានចាត់ទុកជាបន្ទប់ល្អបំផុត ដែលមានឈ្មោះថា វិមានស្វីត។ វិមានស្វីតមានបន្ទប់ទទួលភ្ញៀវ និងបន្ទប់គេងបំពាក់ដោយគ្រឿងសង្ហារឹមល្អប្រណិត។ បន្ទប់ប្រភេទនេះភាគច្រើនជាមហាសេដ្ឋីមកពីក្រៅប្រទេសជួលស្នាក់នៅ។

-សណ្ឋាគារអ៊ីនធឺកង់ទីណង់តាល់(Intercontinental)

ក្នុងមួយយប់ ២០០ ដុល្លារ សម្រាប់បន្ទប់ធម្មតា តម្លៃជាង ៣០០០ដុល្លារ សម្រាប់បន្ទប់ល្អបំផុត មានគ្រែមួយ បន្ទប់ទទួលភ្ញៀវ បន្ទប់ប្រជុំ អាងហែលទឹក និងកន្លែងហាត់ប្រាណ។ បន្ទប់ប្រភេទនេះមានឈ្មោះថា រ៉ូយ៉ាល់ ស្វីត(Royal Suit)។

-សណ្ឋាគារ Sofitel Phnom Penh Phokeethra

តម្លៃទាបបំផុតជាង ៣០០ដុល្លារ ទៅជាង ៣០០០ ដុល្លារ។ បន្ទប់ល្អបំផុតនេះ មានឈ្មោះថា អូប៉េរ៉ា ស្វីត (Opera Suit) ។ អូប៉េរ៉ា ស្វីត មានបន្ទប់គេងពីរ បន្ទប់ទទួលភ្ញៀវ បន្ទប់ប្រជុំ អាងហែលទឹក និងកន្លែងហាត់ប្រាណ។

-សណ្ឋាគារ Raffle Hotel Le Royal

តម្លៃចន្លោះពី ២៥០ដុល្លារទៅ ៣៥០ដុល្លារ សម្រាប់បន្ទប់ធម្មតា និងបន្ទប់ល្អប្រណិត មានតម្លៃចាប់ពី ២៥០០ ដុល្លារ ទៅ ៣៥០០ ដុល្លារ។ តម្លៃនេះនៅមិនទាន់គិតថ្លៃសេវា និងពន្ធនៅឡើយ។ បន្ទប់ប្រណិត សម្រាប់សណ្ឋាគារនេះ ភាគច្រើនជាប្រមុខរដ្ឋ និងប្រមុខរាជរដ្ឋាភិបាលបរទេសមកស្នាក់នៅ។