នារីម្នាក់ក្នុងគ្រោះថ្នាក់ចរាចរណ៍ជាមួយ ហ្វីហ្វី ក៏ជាតារាដែរ?
- 2015-03-05 17:38:48
- ចំនួនមតិ 0 | ចំនួនចែករំលែក 0
នារីម្នាក់ក្នុងគ្រោះថ្នាក់ចរាចរណ៍ជាមួយ ហ្វីហ្វី ក៏ជាតារាដែរ?
ចន្លោះមិនឃើញ
បើតាមសិល្បករ អ៊ឹម ជីវ៉ា បានបញ្ជាក់ថា នារីម្នាក់រួមដំណើរជាមួយ ហ្វីហ្វី ហើយជួបគ្រោះថ្នាក់ចរាចរណ៍នៅស្រុកកំពង់សិលា ខេត្តកោះកុង កាលពីម្សិលមិញនេះ ក៏ជាតារាម្នាក់ផងដែរ។
រូបថត Facebook៖ ហ្វីហ្វី ជួបគ្រោះថ្នាក់ចរាចរណ៍ម្សិលមិញ
ប្រភពដដែលបញ្ជាក់ថា នាងមានឈ្មោះហៅក្រៅថា "អា អរ" ដែលទើបប្រឡូកក្នុងវិស័យសិល្បៈមួយរយៈខ្លី និង មានទីលំនៅ នៅភ្នំពេញ ហើយពូកគេភាគច្រើនទៅណាមកណាជាមួយគ្នា។ ជីវ៉ា និយាយថា៖ "បើតាមខ្ញុំដឹង គាត់ទើបចាប់ផ្ដើមសម្ដែងបានតិចតួចទេ បើប្រៀបធៀបជាមួយ អាហ្វី ដែលចូលសិល្បៈមុន"។
ជាមួយគ្នានោះ អ៊ឹម ជីវ៉ា បានរៀបរាប់បន្ថែមថា គ្រោះថ្នាក់ចរាចរណ៍តាមបណ្ដោយផ្លូវជាតិលេខ ៤ ខាងលើនេះ មិនបណ្ដាលឱ្យស្រីស្អាតទាំងពីរនាក់នេះ រងរបួសធ្ងន់ធ្ងរនោះទេ ដោយគ្រាន់តែដាច់រលាត់ផ្នែកខាងក្បាល។ ចំណែកតារាសិចស៊ី ហ្វីហ្វី ដែលរងគ្រោះរហូតសន្លប់នោះ គឺបណ្ដាលមកពីការភ័យស្លន់ស្លោខ្លាំងពេក ពេលរថយន្តរេចង្កូតធ្លាក់ពីផ្លូវហើយទៅជ្រុលទៅបុកដើមឈើនៅអែបនោះ។
ហ្វីហ្វី នៅកណ្ដាលក្នុងថ្ងៃខួបកំណើត
ទោះបីជាយ៉ាងណា ហ្វីហ្វី បានដឹងខ្លួនវិញ បន្ទាប់ពីការជួយអន្តរាគមន៍ពីសមត្ថកិច្ច និង អ្នកភូមិក្បែរហើយតារាស្រីទាំងពីរនេះ ក៏បានធ្វើដំណើរមកទីក្រុងភ្នំពេញវិញ ហើយចូលព្យាបាលនៅមន្ទីរពេទ្យមួយនៅម្ដុំផ្សារដើមថ្កូវ។ ប្រភពដដែលបញ្ជាក់ថា ពូកគេបានចេញពីមន្ទីរពេទ្យតាំងពីល្ងាចមិញម្ល៉េះ ខណៈរថយន្តម៉ាកបាឡែនត្រូវបានសណ្ដូន និង កំពុងជួសជុលក្នុងយានដ្ឋាននៅឡើយ។
អ៊ឹម ជីវ៉ា បានចេញមុខអះអាងថា គ្រោះថ្នាក់ចរាចរណ៍ចំពោះតារាស្រីទាំងពីរ មិនជាប់ពាក់ព័ន្ធនឹងគ្រឿងស្រវឹងនោះទេ ប៉ុន្តែ ជាគ្រោះថ្នាក់ចៃដន្យ ព្រោះផ្លូវជាតិលេខ ៤ នេះ ជាប់ចំណាត់ថ្នាក់មានគ្រោះថ្នាក់ច្រើន៕
អានអត្ថបទ៖ វ៉ាង ស្រីណូ អស់អាលីងហ្មង…!
អានអត្ថបទ៖ ទីបំផុត មូន ម៉ារ៉ា ចូលរោងការស្រេច
អានអត្ថបទ៖ ប៉ែន ចំរ៉ុង ចាប់ផ្ដើមដើរកាត់សក់ការទាំងភ័យព្រួយ
អត្ថបទ៖ សំ ជំនាញ