ធ្លាយរូបសង្សារ Miley Cyrus ឱបកៀកកើយនារីអាថ៌កំបាំង

2015-03-17 16:52:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងពិធីជប់លៀងមួយ នៅទីក្រុង Cabo San Luca ប្រទេសមិកស៊ិក កាលពីថ្ងៃអាទិត្យ លោក Patrick Schwarzenegger មិត្តប្រុសរបស់តារាចម្រៀង Miley Cyrus ត្រូវគេថតបានសកម្មភាព កំពុងផ្អែមល្ហែមជាមួយនារីស្រស់ស្អាតមិនស្គាល់អត្តសញ្ញាណម្នាក់។

ស្លៀកខោផ្កាជើងខ្លីលេងខ្លួនទទេ កូនប្រុសវ័យ២១ឆ្នាំរបស់តារាហូលីវូដ Arnold Schwarzenegger បានឱប និងដើរកៀកកើយនារីស្លៀក Bikini ស្រស់សោភាម្នាក់ យ៉ាងស្និទ្ធស្នាលប្រៀបដូចជាគូស្នេហ៍។

ក្រោយលេចធ្លាយរូបល្អូកល្អិនទាំងប៉ុន្មាន តារាសំបូរពុកមាត់ខាងលើ បានចេញមុខបកស្រាយ តាមបណ្ដាញ Twitter ថា រឿងរ៉ាវទាំងប៉ុន្មាន មិនដូចអ្វីដែលពួកគេឃើញនោះ ហើយលោកក៏មិនក្បត់ មិត្តស្រី Miley Cyrus ឡើយ។

“មនុស្សស្រី មានមិត្តភ័ក្ដិប្រុស ចំណែកមនុស្សប្រុស មានមិត្តភ័ក្ដិស្រី...ខ្ញុំមិនដែលធ្វើអ្វីក្បត់មិត្តស្រីខ្ញុំទេ … Omg នាង (នារីអាថ៌កំបាំង) ជាមិត្តភ័ក្ដិដ៏ល្អរបស់ខ្ញុំ"។

សូមបញ្ជាក់ថា តារាសម្ដែង បង្ហាញម៉ូដ Patrick និងតារាចម្រៀង Pop សំបូររឿងអាស្រូវវ័យ២២ឆ្នាំ Miley Cyrus បានស្រឡាញ់គ្នា ៥ខែមកហើយ បើគិតមកដល់ពេលនេះ។ នេះបើតាមការឱ្យដឹងរបស់គេហទំព័រ Daily Mail៕