មីក្រហមពិសេសបង្កប់ប្រហិតស្នូល ទាំងឆ្ងាញ់ទាំងជួយសុខភាពរសជាតិថ្មីប្លែកមាត់

2015-03-24 15:20:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ឆ្លងផុតទ្វាកញ្ចក់ទៅដល់ក្នុង តន្ត្រីកំពុងលាន់រងំតិចៗ ពេញបរិវេណហាងដណ្ដប់ដោយចំហាយត្រជាក់ល្មមពីម៉ាស៊ីនត្រជាក់ និងគ្របក្រាលដោយអំពូល ពន្លឺលឿងចាស់ចាំងស្រទន់រឹមៗពីលើ។

អតិថិជនគ្របវ័យទាំងខ្មែរ បរទេស ដែលមកដល់ហាង ក្រហម (Kramhom Noodle Bar) នេះ ភាគច្រើនមុខតែតម្រង់រកឈុតល្បីផុតលេខប្រចាំហាង និងជាការកែច្នៃប្លែកដំបូងរបស់កូនខ្មែរមិនចម្លងពីនរណា គឺ មីក្រហមពិសេស Signature Krahom Noodle Soup ជំនួយសុខភាព។

អ្នកប្រហែលជាធ្លាប់ទទួលទានញឹកញាប់ឬម្ដងម្កាល នូវមីស៊ុប មីទាញ ធម្មតាតាមហាងនានា។ ប៉ុន្តែ មីក្រហមស៊ុបពិសេស ដែលមិនធ្លាប់មានទាល់តែសោះនោះ មុខតែទាក់ទាញចិត្តលោកអ្នកមិនខានទេ។ សរសៃមីសំប៉ែតៗ ទន់ល្មើយពណ៌ក្រហម លាយឡំជាមួយបន្លែស្ពៃខ្ចីៗ ដុំប្រហិតស្រោបគ្រឿងពិសេស ចំណិតពងមាន់ចម្អិនឲ្យឆ្អិនត្រឹម៧០ទៅ៨០ភាគរយទន់ៗ ត្រូវបានតម្រៀបក្នុងចានស៊ុបក្ដៅហុយៗចោលក្លិបឈ្ងុយឈ្ងប់។

គ្រាន់តែយកចង្កឹះចាប់សរសៃមីដាក់ចូលមាត់ គឺមានអារម្មណ៍ថាទន់ បង្កប់រសជាតិឆ្ងាញ់ប្លែក មិនដូចមីដែលធ្លាប់ញ៉ាំកន្លងមកសោះ។ សាច់ផុយល្មម ត្រូវនឹងទឹកស៊ុបមិនប្រៃ មិនសាប មិនផ្អែម តែញ៉ាំមួយស្លាបព្រាហើយ ទ្រាំមិនញ៉ាំមួយស្លាបព្រាទៀតមិនបាន។ ឯដុំប្រហិតវិញធំមែន ហើយប្លែកនោះគឺមានបង្កប់ស្នូលបន្លែគ្រឿងនិងម្រេចខ្ចីមួយៗ បង្ហើរក្លិនប្រហើរ។

ក្រហមស៊ុបពិសេស ល្បីប្រចាំហាង ក្រហម បណ្ដោយផ្លូវ៣២២

តាមអ្វីដែល Sabay ចុះអង្កេត និង សាកសួរទៅអ្នកគ្រប់គ្រងប្រចាំហាងក្រហមគឺថា មីក្រហម មិនត្រឹមតែសំរឹទ្ធិសម្រាំងឲ្យលេចឡើងនូវរសជាតិពិសេសប្លែកគេទេ តែក៏ផ្ដោតសំខាន់លើសុខភាពអ្នកញាំ ជាអាទិភាព។ មីក្រហមពិសេស បានធ្វើឡើងដោយគិតគូរពី ឱជារសឯក គុណភាព និងសុវត្ថិភាពហូបចុក ចំពេលដែលទីផ្សារចំណីអាហារកំពុងគំរាមកំហែងដោយ សារធាតុគីមី គ្មានស្បើយ។

បុគ្គលិកហាងថា រសជាតិ សោភ័ណភាព គុណភាព និងសេវាកម្ម មីក្រហមពិសេស នៅហាង ក្រហម កំពុងទទួលការគាំទ្រពី យុវវ័យ និងអតិថិជនគ្រប់វ័យ មិនថាបរទេស ខ្មែរនោះទេ។ ក្រៅពីទទួលយករសជាតិដែលច្នៃចេញពីកូនខ្មែរ អតិថិជន ក៏នឹងអាចនឹងជួបជុំ ជជែកគ្នាលេង ជាលក្ខណៈឯកជន គ្រួសារ និងមិត្តភ័ក្ដិ ក្នុងហាង ដែលមានបរិយាកាសស្ងប់ស្ងាត់ រ៉ូម៉ែនទិក និងតុបតែងបែបពេញនិយម។

សរសៃមីផលិតថ្មីៗ

ខុសពីហាងៗនានាដែលប្រើមីដុំទិញធូរថ្លៃស្រាប់ៗ មីក្រហម គឺធ្វើថ្មីៗភ្លាមៗដោយដៃតែម្ដង។ គ្រឿងផ្សំគឺជ្រើសរើសពិសេស ដូចជាម្សៅប្រភេទលេខ១នាំពីបទេស កិនលាយជាមួយគ្រឿងផ្សំបែបធម្មជាតិ រួមនឹងមើមបន្លែម្យ៉ាងពណ៌ឈាមជ្រូកខ្ចីដែលសម្បូរកាកសរសៃ និងសារធាតុសរីរាង្គ ជំនួយដល់សុខភាពអ្នកញ៉ាំ ដូចជា បង្កើនអុកស៊ីហ្សែន ជំរុញចលនាឈាមរត់ និងរំលាយអាហារ។ ពេលកិនចេញជាសរសៃៗ មីមានសណ្ឋានទន់ស្វិត និងពណ៌ក្រហមស្វាយ តែមិនមែនជាពណ៌ចេញពីការដាក់ពណ៌ទេ គឺពណ៌ធម្មជាតិចេញពីមើមបន្លែកិនលាយម្សៅតែម្ដង។

ចុងភៅកំពុងធ្វើមីដែល កិនឡាយពីម្សៅ គ្រឿង និងមើមបន្លែពណ៌ស្វាយ

ទឹកស៊ុប 

បន្លែប្រើក្នុងស៊ុប គឺយកតែបន្លែថ្មីៗស្រស់ ដាំដុះបែបធម្មជាតិ។ សាច់គោ និងមាន់ យកតែសាច់ល្អ ផុយឆ្ងាញ់ ធ្វើឲ្យទឹកស៊ុបមិនទ្រលាន់ មិនខ្លាញ់ ញាំមិនណាយ។

ប្រហិតខ្ចប់គ្រឿងពិសេស 

មិនខុសពីសរសៃមី និងទឹកស៊ុបទេ ប្រហិត ក៏ត្រូវបានចុងភៅប្រចាំហាង ធ្វើដោយផ្ទាល់ដៃ។ សាច់គោត្រូវបានកិនជាមួយគ្រឿងទេស មុននឹងយកទៅខ្ចប់ម្រេចខ្ចីនិង បន្លែ គ្រឿងគ្រៅ ចិញ្ច្រាំចូលគ្នាដាក់ចម្អិន។

ប្រហិត បង្កប់ស្នូលពិសេស

ហាងក្រហម បើកបម្រើប្រិយមិត្តពីម៉ោង ៧:៣០ព្រឹកដល់ ១០យប់។ ចង់ដឹងថា មីពិសេស ប្រចាំត្រកូលរបស់ហាង ក្រហម មានអ្វីប្លែក ជាប់មាត់បែបណានោះ អាចសាកជាមួយគ្នានៅផ្ទះលេខ ២០៤ZA ផ្លូវ៣២២ សង្កាត់បឹងកេងកង១ គឺចម្ងាយប្រមាណ៥០ម៉ែត្រ ពីចំណុចកែងរវាងផ្លូវ ៣២២ជាមួយ ផ្លូវត្រសក់ផ្អែម។ បើចុះពីផ្លូវនរោត្តម អ្នកត្រូវមកត្រង់តាមផ្លូវ៣២២ (ទល់មុខសាកលវិទ្យាល័យបញ្ញាសាស្ត្រកម្ពុជា) រហូតជិតដល់ផ្លូវ ត្រសក់ផ្អែម រួចសំគាល់មើលស្ដាំដៃ។

នៅពេលព្រឹកលោកអ្នកនឹងទទួលបានការបញ្ចុះតម្លៃរហូត៣០% និង ១៥%សម្រាប់ថ្ងៃត្រង់ និង ល្ងាច។ តោះ! ចាំអីទៀត ទៅភ្លក់ មីក្រហម ពិសេសទាំងអស់គ្នា!

អាចចូលទៅកាន់វេបសាយហាង ក្រហម ដើម្បីមើលមុខម្ហូបពិសេសៗ សូម ចុចត្រង់នេះ...! ឬ ទាក់ទងហាង ក្រហម តាមទូរសព្ទលេខ ០២៣ ៦៩៩ ៧២២២។

អានអត្ថបទ៖ នរណាខ្លះចូលចិត្ត ប៊្លូម៉ាការីតា? ពេលនេះអ្នកអាចធ្វើញ៉ាំខ្លួនឯងយ៉ាងងាយ!