សមាជិកជម្រើសជាតិកំពុងប្រមូលផ្ដុំអនុញ្ញាតឱ្យសម្រាក ៣ ថ្ងៃ ក្នុងពិធីបុណ្យចូលឆ្នាំខ្មែរ
- 2015-04-15 13:00:02
- ចំនួនមតិ 0 | ចំនួនចែករំលែក 0
សមាជិកជម្រើសជាតិកំពុងប្រមូលផ្ដុំអនុញ្ញាតឱ្យសម្រាក ៣ ថ្ងៃ ក្នុងពិធីបុណ្យចូលឆ្នាំខ្មែរ
ចន្លោះមិនឃើញ
ក្រុមកីឡាករ-កីឡាការិនី ជម្រើសជាតិកម្ពុជា កំពុងតែប្រមូលផ្ដុំនៅមជ្ឈមណ្ឌលជាតិហ្វឹកហ្វឺនកីឡា ក្នុងរាជធានីភ្នំពេញ រយៈពេលជិត ៦ ខែ សម្រាប់ត្រៀមចូលរួមប្រកួតក្នុងព្រឹត្តិការណ៍កីឡាស៊ីហ្គេមឆ្នាំ ២០១៥ នៅប្រទេសសិង្ហបុរីខាងមុខ នឹងអនុញ្ញាតឱ្យឈប់សម្រាករយៈពេល ៣ ថ្ងៃ ដើម្បីចូលរួមអបអរសាទរពិធីបុណ្យចូលឆ្នាំប្រពៃណីខ្មែរនេះ។
កម្ពុជា ចូលរួមស៊ីហ្គេមឆ្នាំ ២០១៣ កន្លងទៅនៅមីយ៉ាន់ម៉ា
លោក ប៉ុន សុខ នាយកមជ្ឈមណ្ឌលជាតិហ្វឹកហ្វឺនកីឡាបានលើកឡើងថា កីឡាករដែលកំពុងតែប្រមូលផ្ដុំនេះ អនុញ្ញាតឱ្យឈប់សម្រាកតាមការកំណត់របស់រដ្ឋាភិបាលដូចអ្នកធ្វើការធម្មតាដែរ ហើយផុតថ្ងៃកំណត់ត្រូវចូលហ្វឹកហាត់ដូចធម្មតាឡើងវិញ។
កីឡាចំនួន ២១ ប្រភេទ បានចូលជំរំប្រមូលផ្ដុំ ស៊ីហ្គេមឆ្នាំ ២០១៥ ពីថ្ងៃទី ៦ មករា រហូតដល់ ៥ មិថុនា ឆ្នាំ ២០១៥ ដោយមានកីឡាករ-កីឡាការិនីសរុបចំនួន ៣៩២ នាក់។ កីឡាទាំង ២១ ប្រភេទមាន ហែលទឹក, អត្តពលកម្ម, វាយសី, បាល់បោះ, ប្រដាល់ (សាកល), ប្រណាំងកង់ (Road bike), ជិះសេះ (Equestrian), គុនដាវ, បាល់ទាត់, វាយកូនហ្គោល, កាយសម្ព័ន្ធ, យូដូ, ប៉េតង់ (ប៊ូល), បាល់អោប, សីប៉ាតាក្រ, វាយកូនឃ្លីលើតុ, តេក្វាន់ដូ, វាយកូនបាល់, ទូកប្រពៃណី, ទ្រីយ៉ាត្លុង, បាល់ទះ និងវូស៊ូ ។
យោងតាមវិបសាយផ្លូវការ seagames2015 បានសរសេរថា មានកីឡាចំនួន ៣៦ ប្រភេទ ក្នុងនោះ ៤០២ វិញ្ញាសា (ស្មើនឹង ៤០២ មេដាយមាស) នឹងដាក់ឱ្យអត្តពលិកមកពីប្រទេសចំនួន ១១ ក្នុងតំបន់អាស៊ីភាគអាគ្នេយ៍ធ្វើការប្រកួតប្រជែងគ្នា ក្នុងព្រឹត្តិការណ៍កីឡាស៊ីហ្គេមលើកទី ២៨ នៅប្រទេសសិង្ហបុរី នេះ ដែលនឹងចាប់ផ្ដើមជាផ្លូវការចាប់ពីថ្ងៃទី ៥ ដល់ ១៦ ខែ មិថុនា ឆ្នាំ ២០១៥ ខាងមុខ៕
អត្ថបទ៖ ម៉ឺន រស្មី
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
