មូលហេតុធ្វើឱ្យ ប៊ុន ផៃលីន មិនទាន់អាចទៅរស់នៅអូស្ត្រាលី
- 2015-04-15 12:00:31
- ចំនួនមតិ 0 | ចំនួនចែករំលែក 0
មូលហេតុធ្វើឱ្យ ប៊ុន ផៃលីន មិនទាន់អាចទៅរស់នៅអូស្ត្រាលី
ចន្លោះមិនឃើញ
ប៊ុន ផៃលីន អះអាងជាថ្មីថា ចំណងស្នេហាជាមួយបុរសអាណិកជនខ្មែរអូស្ត្រាលី នៅតែរឹងមាំជាធម្មតា មិនដូចពាក្យចចាមអារ៉ាមកន្លងមកនោះទេ និង កាន់តែស្និទ្ធស្នាលជាងមុនទៀតផង។ ទោះបីជាយ៉ាងណា តារាសិចស៊ី ប៊ុន ផៃលីន បញ្ជាក់មកកាន់ Sabay ថា មិនទាន់អាចទៅរស់នៅអូស្ត្រាលីនោះទេ ព្រោះតែហេតុផលមួយប៉ុណ្ណោះ។
នាងប្រាប់ Sabay ថា៖ "សំខាន់ឪពុកម្ដាយ និង បងប្អូនខ្ញុំនៅក្រណាស់ ត្រូវជួយពួកគាត់ជាមុនសិន ទើបអាចទៅអូស្ត្រាលីបាន"។ ស្រីស្អាតរូបនេះបន្តថា ទោះបីជាយ៉ាងណា មិនបានបោះបង់គម្រោងទៅរស់នៅក្រៅប្រទេសនោះទេ ព្រោះបុរសអាណិកជនខ្មែរវ័យ ៥០ ឆ្នាំនោះ កំពុងរង់ចាំនាងបំពេញកាតព្វកិច្ចកូន និង ជាបងស្រីល្អរួចរាល់សិន ទើបពូកគេអាចសម្រេចបំណងរួមរស់នៅជាមួយគ្នា។
ផៃលីន ឱ្យដឹងទៀតថា កំពុងរៀបចំធ្វើយ៉ាងណា ដើម្បីបង្កើតជាមុខរបរសម្រាប់បងប្អូន ដើម្បីឱ្យពូកគេចិញ្ចឹមជីវិតបាន។ ម្យ៉ាងទៀតក៏ត្រូវរៀបចំជម្រកសម្រាប់ប្អូនៗឱ្យបានរស់នៅសមរម្យផងដែរ ប៉ុន្តែគម្រោងនេះអាចត្រូវចំណាយពេលវេលាខ្លះដែរ ព្រោះពាក់ព័ន្ធទៅនឹងរ៉ាវលុយកាក់។
ប៉ុន្តែតារាស្រីរូបនេះបញ្ជាក់ថា មិនយូរពេកទេ ខណៈទំនាក់ទំនងជាមួយបុរសពោះម៉ាយកូនពីរខាងលើធ្វើឡើងជាញឹកញាប់តាមរយៈទូរសព្ទ ហើយគាត់ចង់ឱ្យ ផៃលីន បានទៅរស់នៅទីនោះឆាប់ៗ៕
អត្ថបទ៖ សំ ជំនាញ