ទារកចម្លែកដៃជើង៨ ផ្អើលមនុស្សមើលព្រោះគិតថាជាព្រះចាប់ជាតិ
- 2015-04-24 15:16:43
- ចំនួនមតិ 0 | ចំនួនចែករំលែក 0
ទារកចម្លែកដៃជើង៨ ផ្អើលមនុស្សមើលព្រោះគិតថាជាព្រះចាប់ជាតិ
ចន្លោះមិនឃើញ
ទារកអភ័ព្វម្នាក់ បានប្រសូតមកដោយមានដងខ្លួនតែមួយ តែមានអវយវៈ៨ កំពុងបង្កការភ្ញាក់ផ្អើលយ៉ាងខ្លាំងនៅប្រទេសឥណ្ឌា ព្រមទាំងទាក់ទាញមនុស្សជាច្រើនឲ្យទៅមើលដល់កន្លែង ព្រោះគិតថាជាព្រះក្នុងសាសនាហិណ្ឌូចាប់ជាតិ។
រឿងរ៉ាវដ៏ចម្លែកនេះ បានកើតឡើងនៅក្រុង Dumri-Isri ដែលជាតំបន់តូចមួយក្នុងប្រទេសឥណ្ឌា។ អ្នកកាន់សាសនារាប់ពាន់នាក់ បានកកកុញគ្នារង់ចាំមើលទារកអភព្វទើបកើត ព្រោះគិតថាជាព្រះក្នុងសាសនាហិណ្ឌូរបស់ពួកគេ។
លោក Kuntalesh Pandey បានរៀបរាប់ប្រាប់សារព័ត៌មានក្នុងស្រុកមួយថា លោកបានធ្វើដំណើរប្រហែល ១១៦គីឡូម៉ែត្រ ដើម្បីមកមើលទារកចម្លែកផ្ទាល់ភ្នែក។ បុរសជនជាតិឥណ្ឌារូបនេះបានបញ្ជាក់ថា "ពេលមិត្តខ្ញុំផ្ញើរូបមកដំបូង ខ្ញុំសរសេរតបវិញថាកាត់តទេ... តែពេលគេនិយាយថាជាការពិត ទើបដាច់ចិត្តមកមើលឲ្យឃើញជាក់នឹងភ្នែកតែម្ដង"។
ទារកដែលមិនទាន់មានឈ្មោះនេះ បានកើតមកជាមួយជើង៤ និងដៃ៤ ដែលអាចបណ្ដាលមកពីការបង្កកំណើតកូនភ្លោះមិនប្រក្រតី។ ទោះបែបក្ដី ប្រជាជនជាច្រើនក្នុងប្រទេសប្រទេសឥណ្ឌា បានចាត់ទុកទារកនេះជាព្រះក្នុងសាសនាហិណ្ឌូចាប់ជាតិ ព្រះនាម Ganesha ដែលមានរូបរាងស្រដៀងសត្វដំរី ព្រមទាំងមានដៃ៤៕
ចុចអាន៖ ផ្អើលរាប់ពាន់នាក់មើលទារកមានស្នាមដូចព្រះយេស៊ូគ្រិស្ត
ប្រែសម្រួល៖ គង់ វិសាល ប្រភព៖ Mirror
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
