សណ្ឋាគារបែបណាទើបអាចចាត់ថ្នាក់លំដាប់ផ្កាយ៥?

2015-06-04 21:52:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រិយមិត្តធ្លាប់តែដឹងថា សណ្ឋាគារផ្កាយប្រាំគឺជាសណ្ឋាគារដែលប្រណីតមួយដែលមានតម្លៃថ្លៃ មានទំហំធំ មានខ្យល់ឱកាសបរិសុទ្ធជាដើម។ ចុះប្រិយមិត្តដឹងឬនៅថាសណ្ឋាគារនោះប្រណិតយ៉ាងណាខ្លះ ទើបគេចាត់ចូលជាសណ្ឋាគារផ្កាយប្រាំ?

ការពិតទៅគេបែងចែកសណ្ឋាគារដោយកំណត់យកកម្រិតស្តង់ដារនៃសេវាបម្រើជាគោលការណ៍ចម្បង ពុំមែនយកទំហំសណ្ឋាគារ ឬរូបភាពខាងក្រៅនោះទេ។ នេះបើតាមសៀវភៅដំណើរការសណ្ឋាគាររបស់អ្នកនិពន្ធ ច្រឡឹងសុមេធា យ៉ែម ច័ន្ទរិទ្ធ និង វ៉ាត វីរៈ។

(រូបសណ្ឋាគារសុខាភ្នំពេញ)

ខាងក្រោមនេះគឺជាលក្ខណៈសេវាកម្មរបស់សណ្ឋាគារផ្កាយប្រាំ៖

ក្នុងបន្ទប់ទាំងអស់ត្រូវមានទឹកក្ដៅទឹកត្រជាក់ជាប្រចាំ - ត្រូវមានទូរសព្ទដាក់កាតនៅក្នុងរបៀងសណ្ឋាគារ -ក្នុងបន្ទប់ទាំងអស់ត្រូវមានម៉ាស៊ីនត្រជាក់ -ក្នុងបន្ទប់ទាំងអស់ត្រូវបំពាក់នូវគ្រឿងបរិក្ខារ និង មានប្រព័ន្ធអគ្គិសនី -អ្នកទទួលភ្ញៀវត្រូវនៅជាប្រចាំបម្រើភ្ញៀវ២៤ម៉ោង -ផ្ដល់អាហារពេលព្រឹកឱ្យភ្ញៀវ -ផ្ដល់ទឹកទទួលភ្ញៀវដែលអាចជាទឹកដាំ -បុគ្គលិកទទួលការបណ្ដុះបណ្ដាល ស្លៀកពាក់ឯកសណ្ឋានក្នុងពេលធ្វើការព្រមទាំងមានការត្រួតពិនិត្យផ្នែកសុខភាព -សម្បទាសង្គ្រោះបន្ទាន់ដូចជាបរិក្ខារពន្លត់អគ្គិភ័យ និងមធ្យោបាយសុវត្ថិភាពអេឡិចត្រូនិក -ត្រូវមានរបៀង (Lobby) ដែលមានកៅអី ឬ សាឡុង នៅជាប់ការិយាល័យទទួលភ្ញៀវ (Reception) -មានSafe សម្រាប់ភ្ញៀវផ្ញើប្រាក់ឬវត្ថុមានតម្លៃ -ក្នុងសណ្ឋាគារមានបន្ទប់យ៉ាងតិច ៥០ ឬ ១០០ សម្រាប់សណ្ឋាគារសង់ថ្មី -នៅតាមជាន់នីមួយៗក្នុងចំណោម២០បន្ទប់យ៉ាងច្រើន ត្រូវមានបន្ទប់ទឹករួមមួយដែលក្នុងនោះមានបង្គន់ស្រីនិងបង្គន់ប្រុស -បើសណ្ឋាគារលើសពី១ ជាន់ត្រូវមានជណ្ដើរយោង(Lift) សម្រាប់ដឹកជញ្ជូនភ្ញៀវ -ក្នុងបន្ទប់ទាំងអស់ត្រូវមានបន្ទប់ទឹកនៅក្នុងនោះ -គ្រប់បន្ទប់ទាំងអស់ ត្រូវមានទូរសព្ទដៃដែលអាចទូរសព្ទចេញទៅក្រៅ ប្រទេសបានដោយមិនបាច់ឆ្លងកាត់ការសុំអនុញ្ញាតពីបុគ្គលិកការិយាល័យទទួលភ្ញៀវ ហើយមានម៉ាស៊ីនគិតរយៈពេលនិងតម្លៃនៅការិយាល័យទទួលភ្ញៀវ -មានកន្លែងចតរថយន្តធំទូលាយ និង ហ្គារ៉ាស (Garage) ដាច់ពីគ្នា -សម្បទាបោកអ៊ុត និង បោកស្ងួត -មានកន្លែងផ្ញើឥវ៉ាន់ទុក -ក្នុងសណ្ឋាគារត្រូវមាន Suites ឬ Apartments -មានអាងហែលទឹក (Swimming Pool) និងសាវណា (Sauna) -ក្នុងសណ្ឋាគារត្រូវមានបន្ទប់សម្រាប់ Conference, Banquet -ក្នុងសណ្ឋាគារត្រូវមាន Business Hotel សម្រាប់ភ្ញៀវ -បុគ្គលិកនៅក្នុងការិយាល័យទទួលភ្ញៀវចេះភាសាបរទេសយ៉ាងតិច ៣ -យ៉ាងហោចណាស់ក្នុងសណ្ឋាគារទាំងមូលត្រូវមានកន្លែងស្រស់ស្រូបអាហារនិងភេសជ្ជៈយ៉ាងតិច៥ សម្រាប់ភ្ញៀវដែលក្នុងនោះ ២ គឺភោជនីយដ្ឋាន -ក្នុងភោជនីយដ្ឋាន គ្រឿងសង្ហារិមត្រូវតែប្រណីត

(រូបបន្ទប់សណ្ឋាគារសុខាភ្នំពេញ)

-គ្រប់បន្ទប់ គ្រប់ភោជនីយដ្ឋាន ឬ បន្ទប់ណាក៏ដោយត្រូវតែមានម៉ាស៊ីនត្រជាក់ -ក្នុងបន្ទប់ទាំងអស់ត្រូវមាន TV, Radio, Mini Bar, In-house Video និងតន្ត្រីចាក់ផ្សាយពីកន្លែងណាមួយ -ក្នុងសណ្ឋាគារត្រូវមានម៉ាស៊ីនតេឡេក្រាម ហ្វាក់ ម៉ាស៊ីនថតចម្លង និង ប្រព័ន្ធអ៊ីនធើណេត សម្រាប់បម្រើភ្ញៀវ -មានកន្លែងសម្រាប់លេងកីឡា ដូចជាបន្ទប់ហាត់ប្រាណ ឬទីលានបាល់បោះ បាល់ទះ ថេននីសឬមីនីហ្គូល -មានរថយន្តតាក់ស៊ីប្រចាំសណ្ឋាគារ -មានគ្រូពេទ្យប្រចាំសណ្ឋាគារ -ក្នុងសណ្ឋាគារមានការិយាល័យសម្រាប់ដាក់ជួលឱ្យអ្នកដទៃបើកអាជីវកម្មផ្សេងៗដូចជា Drug Store, Shop, Travel Agency, Souvenir Shop, Airline Office -Room Service ត្រូវមានរយៈពេល២៤ម៉ោង -មានBellmen សម្រាប់ជញ្ជូនឥវ៉ាន់ភ្ញៀវទៅបន្ទប់ -មាន Liftboy សម្រាប់ជូនភ្ញៀវជិះជណ្ដើរយោង -មានសេវា១៤មុខទៀតសម្រាប់បម្រើភ្ញៀវ។

មុននឹងកកើតសណ្ឋាគារប្រណីតៗឬ ផ្ទះសំណាក់ដែលសម្បូរបែបដូចបច្ចុប្បន្ន ខ្មែរធ្លាប់មានផ្ទះសំណាក់ តាំងពីរជ្ជកាលព្រះបាទជ័យវរ្ម័នទី៧មកម្ល៉េះ ដែលត្រូវបានកសាងសម្រាប់ឱ្យប្រជារាស្ត្រស្នាក់នៅបណ្ដោះអាសន្នដោយមិនគិតថ្លៃ និងពុំទាន់មានសេវាកម្មច្រើននៅឡើយទេ ពោលគឺមានមានតែការផ្ដល់នូវប្រដាប់សម្រាប់បង្កាត់ភ្លើងសម្រាប់បំភ្លឺនៅពេលយប់តែប៉ុណ្ណោះ។ នេះបើតាមឯកសារខាងលើ៕

ចុចអាន៖ សណ្ឋាគារប្រណិតតម្លៃជាង១០០លានដុល្លារនៅមុខវាំងសម្រេចបើកសម្ពោធព្រឹកនេះ

ចុចអាន៖ តម្លៃបន្ទប់សណ្ឋាគារប្រណិតៗលំដាប់ផ្កាយនៅភ្នំពេញ អ្នកអាចមិនដឹង!

អត្ថបទ៖ គង់ ច័ន្ទវ៉ាន់ណេង