មីញ៉ូប ជាជំងឺ? បើមែន តើអាចព្យាបាលជាដែរ?

2015-06-17 18:12:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ភ្នែកមីញ៉ូបជាអ្វី?

តាមពិតវេជ្ជបណ្ឌិតអះអាងថា នេះជាប្រភេទជំងឺមួយដែលមើលមិនបានឆ្ងាយ មើលឆ្ងាយមិនឃើញច្បាស់ ហើយមូលហេតុនាំឱ្យកើតជំងឺនេះមានដូចដែលលោកវេជ្ជបណ្ឌិត អេង គឹមបូរិទ្ធ ឯកទេសជម្ងឺភ្នែក នៃមន្ទីរពេទ្យបង្អែករាជធានីភ្នំពេញអធិប្បាយខាងក្រោម៖

-បញ្ហាកែវភ្នែកពីធម្មជាតិ -បណ្ដាលមកពីទំហំភ្នែកវែងជាងភ្នែកធម្មតា (ទំហំភ្នែកធម្មតាមានចន្លោះ ២៣ទៅ២៤មីលីម៉ែត្រ ) -កញ្ចក់ភ្នែកធំ -លែនភ្នែករបស់អ្នកជំងឺមានបញ្ហាពីកំណើត -បណ្ដាលមកពីសេនេទិច (តំណពូជ) -មើលច្រើន ឬសម្លឹងយូរក្នុងរយៈពេលដ៏វែងណាមួយ -កត្តារួមផ្សំដូចជា មើលសៀវភៅ ទូរទស្សន៍ ទូរសព្ទទៀតសោត ក្នុងចម្ងាយកៀកពេក

លោកវេជ្ជបណ្ឌិត អេង គឹមបូរិទ្ធ មានប្រសាសន៍យ៉ាងដូច្នេះថា ជំងឺមីញ៉ូបភ្នែកអាចពិបាកនឹងជាសះស្បើយ តែមានវិធីព្យាបាល។

-ទី១៖ អ្នកជំងឺអាចវាស់វែងកាត់វ៉ែនតាពាក់។ -ទី២៖ អ្នកជំងឺអាចប្រើកែវបិតលើភ្នែក (Contact Lenses) ប៉ុន្តែវិធីនេះអាចកកិតភ្នែក បណ្ដាលឱ្យដំបៅ ឬត្រូវចំណាយលុយច្រើនលើឧបករណ៍នេះ និងមិនអាចប្រើបានចំពោះប្រទេសដែលមានដីហុយ ព្រោះអាចប៉ះពាល់កាន់តែខ្លាំង។ -ទី៣៖ បើភ្នែកមីញ៉ូបមានសភាពធ្ងន់ធ្ងរ អ្នកជំងឺអាវប្រើវិធីព្យាបាលដោយធ្វើការវះកាត់ ឬដោយការបាញ់កាំរស្មីឡាស៊ែរ។ ការព្យាបាលប្រភេទនេះ ត្រូវការចំណាយខ្ពស់ និងត្រូវជ្រើសរើសអ្នកជំនាញមានបទពិសោធខ្ពស់។

កាន់តែពាក់វ៉ែនតា ភ្នែកកាន់តែឡើងដឺក្រេខ្ពស់ឬធំ តើបណ្ដាលមកពីអ្វី? ត្រង់ចំណុចនេះលោកវេជ្ជបណ្ឌិត គឹមបូរិទ្ធ ថ្លែងថា កត្តានេះមិនមែនមកពីការពាក់វ៉ែនតាទេ ហើយពាក់វ៉ែនតាក៏មិនប៉ះពាល់អ្វីដល់ភ្នែកដែរ។ បញ្ហាត្រង់ថា ក្មេងអាយុចន្លោះចាប់ពី១០ឆ្នាំ ទៅ២០ឆ្នាំ មានសរីរាង្គលូតលាស់ខ្លាំង ដូច្នេះដឺក្រេភ្នែកក៏ធំទៅតាមនឹងដែរ។

អ្នកពាក់វ៉ែនតា គួរទៅពិនិត្យ ឬវាស់វែងភ្នែកក្នុងរយៈពេល៦ខែទៅ១ឆ្នាំម្ដង។ លោកវេជ្ជបណ្ឌិត បញ្ជាក់៕

ប្រិយមិត្តណាខ្លះមានបញ្ហានេះ?

អ្នកជំនាញខ្មែរពីររូបប្រាប់ពីគុណវិបត្តិ និងគុណសម្បត្តិនៃការសម្រេចកាម

អត្ថបទ៖ អ៊ុំ សុភក្តិ