សាឡាត់ ស្រីឡាង ថាចូលសិល្បៈព្រោះស្មានតែងាយស្រួល

2015-06-17 17:38:45
ចំនួនមតិ 0 | ចំនួនចែករំលែក 0

ចន្លោះមិនឃើញ

សាឡាត់ ស្រីឡាង បានសម្រេចចិត្តឈានជើងចូលសិល្បៈដំបូង ក៏ព្រោះតែនឹកស្មានថា ងាយស្រួលដូចគេនិយាយតគ្នា។ ប៉ុន្តែសំដីទាំងនោះ ហាក់ផ្ទុយទៅនឹងអ្វី ដែលនាងបានជួបប្រទះនៅជីវភាពជាតារាសម្ដែងមួយរយៈចុងក្រោយ។

“ដល់ប្រឡូកទើបដឹងថាយ៉ាប់ទាំងការហូបចុក ស្នាក់នៅ ឬត្រូវចេញថត១យប់ទល់ភ្លឺក៏មានដែរ ហត់ណាស់"។ ស្រីឡាង បញ្ជាក់។ តារាវ័យ១៨ឆ្នាំរូបនេះបន្តថា ការងារលំបាកមានស្ទើរគ្រប់រឿងទាំងអស់ ជាពិសេសពេលចេញទៅថតនៅទីកន្លែងឆ្ងាយៗពីភ្នំពេញម្ដងៗ។

ប៉ុន្តែនាងនិយាយទៀតថា លំបាកយ៉ាងណាក៏នៅតែស៊ូទ្រាំដែរ ព្រោះដើម្បីបំពេញក្ដីបំណងស្រឡាញ់តាំងពីក្មេង និងចាត់ទុកជាអនាគតរបស់នាងផងដែរ។ ទោះបីមានការលំបាក ហត់នឿយផ្នែករូបរាងកាយខ្លះក៏ពិតមែន ប៉ុន្តែតារាខាងលើបញ្ជាក់ថា មិនដែលរងគំនាបផ្លូវចិត្ត ដោយទទួលការស្ដីបន្ទោសពីអ្នកដឹកនាំរឿងឡើយ ហើយមានតែការណែនាំបីរបៀបសម្ដែងទៅវិញទេ។

នាងបញ្ជាក់ថា៖ "សប្បាយចិត្តព្រោះជួបតែអ្នកល្អ។ បើសិនជាពួកគាត់ស្ដីឱ្យមែននោះ ក៏រីករាយទទួលយក ព្រោះចង់ឱ្យយើងល្អ"។ តួឯកក្នុងផលិតកម្ម "ភូមិពេជ្រ" និងផលិតកម្ម" LD Picture” រូបនេះឱ្យដឹងទៀតថា ការស្ដីបន្ទោសមិនមែនសុទ្ធតែជារឿងអាក្រក់នោះទេ ប៉ុន្តែគួរតែស្គាល់កាលវេលា និងមិនហួសហេតុពេក ទើបអាចទទួលយកបាន៕

អានអត្ថបទ៖ មាស សុខសោភា ជិះឃើញភ្លាម ចុះចូលចែកអំណោយភ្លែត

អានអត្ថបទ៖ សម្ដែងជិត ៣០ ឆ្នាំ ទេព រិនដារ៉ូ ថា កុនពីមុនសុទ្ធតែមានស្តង់ដារ