ប្រវត្តិស្នេហ៍ក្លែងក្លាយជាង២០ឆ្នាំរបស់ លី លានជា និងប្រពន្ធទី១

2015-06-18 13:05:27
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីឆ្នាំ១៩៨៧ តារាសម្ដែងចិន Jet Li (លីលានជា) បានរៀបការជាមួយប្រពន្ធទីមួយ គឺតារាសម្ដែង Huang Qiuyan ដែលជាមិត្តយល់ចិត្តគ្នាតាំងពីវ័យកុមារ ប៉ុន្តែចំណងអាពាហ៍ពិពាហ៍មួយនេះត្រូវបានបញ្ចប់ក្នុងរយៈពេលតែ៣ឆ្នាំ។ ក្រោយមក តារារូបនេះបានបញ្ជាក់ថា ខ្លួនមិនស្គាល់ថាស្នេហាពិតជាអ្វីឡើយ រហូតដល់បានជួបប្រពន្ធទីពីរ គឺ Nina Li។

ពីមិត្តក្លាយជាស្នេហា

Qiuyan បានជួប លីលានជា ក្នុងថ្នាក់រៀនក្បាច់គុនតាំងពីនាងមានអាយុ ១១ឆ្នាំ។ បើទោះជាពេលនោះនាងមានអាយុច្រើនជាង លីលានជា ២ឆ្នាំ ប៉ុន្តែពួកគេបានក្លាយជាមិត្តល្អនឹងគ្នាយ៉ាងឆាប់រហ័ស។ ទំនាក់ទំនងរបស់ពួកគេកាន់តែរឹងមាំ និងវិវត្តពីមិត្តភាពទៅជាស្នេហា ហើយក៏បានចាប់ដៃគ្នារៀបការ ក្នុងរយៈពេល ២០ឆ្នាំក្រោយ។

ពីរឆ្នាំមុនរៀបការ លីលានជា បានជួបគ្រោះថ្នាក់ធ្ងន់ធ្ងរមួយពេលថតរឿង "Martial Arts of Shaolin” ដែលស្ទើរតែធ្វើឲ្យគេពិការជើងទាំងសងខាង។ អំឡុងពេលនោះ Qiuyan បានបោះបង់ការងារចោលទាំងអស់ដើម្បីយកពេលវេលាមកមើលថែជំងឺសង្សារនៅមន្ទីរពេទ្យ រយៈពេលជាច្រើនខែ។ ដោយរំភើបនឹងទឹកចិត្តស្មោះស្ម័គ្ររបស់មិត្តស្រី Jet បានសុំនាងរៀបការ ហើយអ្នកទាំងពីរក៏បានចុះសំបុត្រអាពាហ៍ពិពាហ៍ជាមួយគ្នានៅឆ្នាំ១៩៨៧ ដោយគ្មានពិធីមង្គលការ និងគ្មានវត្តមានឪពុកម្ដាយណាមួយឡើយ។

មិនស្គាល់អត្ថន័យស្នេហ៍ពិត រហូតដល់ជួប Nina Li

ថ្វីបើ Qiuyan និង Jet Li បានស្គាល់ចិត្តថ្លើមគ្នាតាំងពីក្មេង និងមានកូនស្រីពីរនាក់ជាមួយគ្នាក៏ដោយ ប៉ុន្តែ Jet មិនមានអារម្មណ៍ថាមានសុភមង្គលឡើយក្នុងជីវិតអាពាហ៍ពិពាហ៍មួយនេះ។ ក្រោយពេលបានជួបបវរកញ្ញា Nina Li តារាសម្ដែងរូបនេះក៏បានសុំភរិយាចែកផ្លូវគ្នាតាមទូរសព្ទ ដោយប្រាប់មូលហេតុយ៉ាងខ្លីថាស្នេហាពួកគេមិនមែនជា "ស្នេហ៍ពិត" ឡើយ។

បើទោះជាខូចចិត្តយ៉ាងណា ប៉ុន្តែទីបំផុត Qiuyan បានយល់ព្រមលែងលះ។ Jet បានសម្រេចចិត្តប្រគល់ទ្រព្យសម្បត្តិមួយផ្នែកធំ រួមទាំងប្រាក់សន្សំរបស់ខ្លួនឲ្យទៅភរិយា។

Jet Li បានសារភាពដោយបើកចំហថា ក្ដីស្រឡាញ់របស់គេចំពោះ Qiuyan គឺត្រឹមតែ ២០ភាគរយប៉ុណ្ណោះ។ "ក្រោយពេលជួប Nina ខ្ញុំទទួលអារម្មណ៍ថាក្ដីស្រឡាញ់របស់ខ្ញុំចំពោះនាងអាចឲ្យខ្ញុំលះបង់គ្រប់យ៉ាង ទាំងកេរ្តិ៍ឈ្មោះ ទ្រព្យសម្បត្តិ និងជីវិតរបស់ខ្ញុំ។ ជាមួយស្នេហាចាស់ ខ្ញុំមិនដែលមានអារម្មណ៍ដូច្នេះឡើយ ហើយក៏មិនដែលយល់ថាអ្វីជាស្នេហាពិតនោះដែរ"។ Jet និយាយ។

លីលានជា និងប្រពន្ធទីពីរ

ពីស្នេហាក្លាយជាមិត្តម្ដងទៀត

ក្រោយពីលែងលះ Jet និង Qiuyan នៅតែជាមិត្តនឹងគ្នាដដែល។ ក្នុងរយៈពេលច្រើនឆ្នាំមកនេះ Qiuyan ក៏នៅតែរក្សាទំនាក់ទំនងយ៉ាងល្អដែរជាមួយម្ដាយរបស់ Jet។ នៅពេល Qiuyan រៀបការស្វាមីទីពីរនៅឆ្នាំ២០០៥ Jet Li បានចងដៃនាងចំនួន ៥ម៉ឺនដុល្លារ ៕