រឿងអាស្រូវធំៗដែលអាចបញ្ចប់អាជីពតារា Kpop ល្បី

2015-07-02 17:29:46
ចំនួនមតិ 0 | ចំនួនចែករំលែក 0

ចន្លោះមិនឃើញ

១ G-Dragon

https://www.youtube.com/watch?v=p8zpEnZK5rI

ក្នុងការប្រគំតន្ត្រី "Shine A Light” តារារ៉េបសំឡេងតូចក្នុងក្រុម Big Bang G-Dragon បានរងការចោទប្រកាន់ពីបទស្ទាបអង្អែលដោយចេតនាទៅលើអ្នករាំរហូតមានការស៊ើបអង្កេតពីអាជ្ញាធរកូរ៉េទៀតផង។ តែចុងក្រោយ អ្នករាំឈ្មោះ Aimee ចេញមកបកស្រាយការពិតថា វាមិនមែនជាការស្ទាបអង្អែលផ្លូវភេទអីទេ វាគ្រាន់ជាការសម្ដែងប៉ុណ្ណោះ។ ពេលនោះបើរកឃើញថា G-Dragon កេងចំណេញផ្លូវភេទមែន គេអាចនឹងជាប់ឃុំឃាំងដល់ ១ ឆ្នាំ។

២ Soohyun (U-KISS) និង Jo Kwon (2AM)

ក្នុងឆ្នាំ ២០០៨ សមាជិក UKISS Soohyun បានរងការចោទប្រកាន់ថា ស្រឡាញ់ភេទដូចគ្នាជាមួយសមាជិក 2AM Jo Kwon។ ចចាមអារ៉ាមកើតឡើងពេលតារាទាំងពីរចូលរួមកម្មវិធី "We Got Married” ហើយក្រោយមកលេចធ្លាយសំបុត្រស្នេហ៍ផ្អែមល្ហែមទៀតធ្វើឲ្យរឿងរ៉ាវកាន់តែធ្ងន់ធ្ងរ។ តែចុងក្រោយ Jo Kwon ចេញមកបដិសេធថា នោះគ្រាន់ជាការលេងសើចលក្ខណៈមិត្តភ័ក្ដិប៉ុណ្ណោះ។

៣ Seungri

នារីមិនបង្ហាញអត្តសញ្ញាណម្នាក់បានប្រាប់សារព័ត៌មានជប៉ុនថា សមាជិក Big Bang រូបនេះបានគេងជាមួយនាង។ មានរូបភាព Seungri កំពុងដេកលក់ផង នារីរូបនោះបានចោទប្រកាន់ Seungri ថា បានទុកនាងចោល មិនថើបនាងសូម្បីម្ដង។ Fan ជាច្រើនបានចេញមកបញ្ចេញទស្សនៈប្រឆាំងថា នោះជារឿងប្រឌិត ហើយរូបភាពជារូបក្លែងក្លាយប៉ុណ្ណោះ។ មកទល់នឹងពេលនេះ មិនទាន់មានការបញ្ជាក់ថា វាជារឿងពិត ឬអត់នោះទេ។

៤ Ivy

តារាចម្រៀងទោលរូបនេះបានរងគ្រោះដោយចចាមអារ៉ាមជាច្រើនដូចជា ការចម្លងវីដេអូតាមរឿង "Final Fantasy VII” ក្នុងបទ "Sonata of Temptation” ត្រូវមិត្តប្រុសជំរិតទារប្រាក់ជាថ្នូរនឹងការបង្ហោះវីដេអូសិច។ មិត្តប្រុសរបស់នាងត្រូវបានចាប់ខ្លួននៅពេលនោះ។ ក្រោយមកនៅឆ្នាំ ២០១០ មានចចាមអារ៉ាមមួយទៀតថា នាងលួចក្បត់មិត្តប្រុសទៅដេកជាមួយប្រុសផ្សេងដោយមានវីដេអូសិចនាងក្នុងនោះផង។ តែចុងក្រោយគ្រប់យ៉ាងបានសាបរលាបក្រោយរកឃើញថា វីដេអូនោះជានារីដទៃមិនមែននាង។

៥ KARA

ក្រុមចម្រៀង KARA ធ្លាប់ចង់រំសាយក្រុម និងដាក់ពាក្យប្ដឹងផលិតកម្ម DSP Media ពីបទប្រើពួកគេធ្វើការលើសម៉ោងដោយផ្ដល់កម្រៃទាបដូចទាសករ។ តែខាងផលិតកម្មបានចេញមកច្រានចោលពាក្យចោទប្រកាន់ទាំងនោះ។ ប៉ុន្មានខែក្រោយមក ក្រុមចម្រៀងនារីដដែលបានចូលរួមជាមួយផលិតកម្មវិញក្រោយឃើញចំនួនលក់អាល់ប៊ុមកើនឡើងដោយសារចចាមអារ៉ាមនោះ។

៦ Super Junior

ក្នុងឆ្នាំ ២០០៧ ផលិតកម្ម SM មានគម្រោងបង្កើតក្រុមចម្រៀង Super Junior តូចមួយដែលច្រៀងភាសាចិនដោយបន្ថែម Zhou Mi និង Henry ជាសមាជិកបន្ថែមទៀត។ ដោយខ្លាចថា ខាងផលិតកម្មនឹងបន្ថែមសមាជិកពីររូបនេះទៀតទៅលើក្រុម Super Junior ដើម Fan បានចេញមកតវ៉ានៅក្រៅអគារផលិតកម្មដោយសរសេរថា "ត្រូវការតែសមាជិក ១៣ នាក់ប៉ុណ្ណោះ"។ ពេលផលិតកម្មមិនអើពើ ក្រុម Fan ទាំងនោះបានយកលុយមកទិញភាគហ៊ុនរបស់ក្រុមហ៊ុនចំនួន ៥៨០០០ Share ហើយគំរាមថា នឹងធ្វើគ្រប់យ៉ាងជាមួយនឹង Share ដែលខ្លួនមានបើផលិតកម្មមិនស្ដាប់ពួកគេ។ ចុងបញ្ចប់ ខាងផលិតកម្មសម្រេចមិនបន្ថែមសមាជិកទាំងពីរនោះទៅក្នុងក្រុមដើម។

អាន៖ Lee Jong Suk និង Park Shin Hye ក្លាយជាគូស្នេហ៍មែនទែនហើយ?

ប្រែសម្រួល៖ សីហា ប្រភព៖ koreaboo