តារាថៃល្បីៗប៉ុន្មានដួង ស្ថិតក្នុងការឃ្លាំមើលរបស់តារាសម្ដែង មួយមួយ

2015-07-15 17:30:55
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង មួយមួយ បានប្រាប់ថា ជាយូរមកហើយ មានតារាល្បីៗថៃប៉ុន្មានដួង បានស្ថិតក្នុងការឃ្លាំមើលរបស់នាង ប្រយោជន៍ដើម្បីសិក្សាពីស្ទីល ក៏ដូចជាម៉ូដរបស់តារានៃប្រទេសមួយនេះ។

មួយមួយ ដែលស្ងាត់ពីការងារសិល្បៈមួយរយៈនោះ ថ្លែងថា នាងគឺជាមនុស្សដែលចូលចិត្តការច្នៃម៉ូដសំលៀកបំពាក់។ ដូច្នេះហើយ ទើបនាងតែងសម្លឹងមើលពីកិច្ចការសិល្បៈរបស់តារាថៃប៉ុន្មានដួងនោះ ដែលមានដូចជា នាង អាំផាត់រ៉ាផា ផ្លយ និងជំភូ ដែលទើបតែរៀបការហើយថ្មីៗ។

“និយាយស្ទើរគ្រប់តារាទាំងអស់នៅថៃ អោយតែខោអាវគាត់គួរឲ្យចាប់អារម្មណ៍ ខ្ញុំតែងកាត់តាម ចម្លងតាម និងស្លៀកតាម ហើយខ្ញុំអាចច្នៃម៉ូដខុសពីគាត់បន្តិចៗ"។ អតីតពិធីការិនីទូរទស្សន៍ CTN ក្នុងកម្មវិធី "គំនិតស្ត្រី" បន្ថែម។

ពាក់ព័ន្ធនឹងពាក្យ "ចម្លង" ប្រិយមិត្តបានធ្វើការរិះគន់ចាស់ដៃលើផលិតកម្មចម្រៀងក្នុងស្រុកមួយមួយ ដែលបានចម្លងបទចម្រៀងបរទេសក្នុងនោះក៏មានថៃផង មកធ្វើអាជីវកម្មធ្វើឲ្យប៉ះពាល់គុណភាពតែងនិពន្ធបទថ្មីៗ។ ការចម្លងម៉ូដសំលៀកបំពាក់ ក៏ជាកម្មវត្ថុមួយផ្ដើមឲ្យមានការរិះគន់ដែរ។ កន្លងមកតារាចម្រៀង ពេជ្រ សោភា ទេព បូព្រឹក្ស និងតារាសម្ដែង តូតា ជាដើម សុទ្ធតែត្រូវបានប្រិយមិត្តគាំទ្រដូចគ្នា ក្រោយពួកគេបានស្លៀកពាក់មានម៉ូដដូចតារាអន្តរជាតិ។

វិលមក មួយមួយ ដែលបាននិយាយដោយចំហក្នុងកម្មវិធីខួបកំណើតរបស់តារាសម្ដែង និងពិធីការិនី នេត សុចរិយា ថាតែងតែបានគន់មើល និងតែងតែចម្លងម៉ូដសំលៀកបំពាក់របស់តារាថៃនោះ បានថ្លែងថា នាងមិនបារម្ភចំពោះការរិះគន់ទេ។ "នាងខ្ញុំយល់ថាការរិះគន់ របស់បងប្អូន គឺអាចស្ថាបនាយើង អីចឹងអត់ខ្លាចការរិះគន់ទេ"។ មួយមួយ ថ្លែង។

តារាសម្ដែង ពិធីការិនី និងជាតារាម៉ូដែល បានស្ងប់ស្ងាត់ពីការងារសិល្បៈ ចាប់តាំងពីដកខ្លួនពីអាជីពពិការិនីក្នុងកម្មវិធី "គំនិតស្ត្រី" របស់ CTN។ ការស្ងប់ស្ងាត់នេះ សាមីខ្លួនបានអះអាងថា មិនបានឈប់ពីសិល្បៈទេ ប៉ុន្តែមកពីនាងរវល់នឹងការងារជំនួញផ្ទាល់ខ្លួនមួយចំនួនប៉ុណ្ណោះ៕

ព្រីម លីហ្សា ប្រកាន់ជំហរលោតផ្លោះខ្លួនឯងឲ្យខុសពីគេ

អត្ថបទ៖ ទារិកា