Original Song មួយបទនេះត្រៀមយកទៅលក់នៅអាមេរិក ម្ចាស់បទធានាថាឡូយ!

2015-08-06 17:37:47
ចំនួនមតិ 0 | ចំនួនចែករំលែក 0

ចន្លោះមិនឃើញ

បទចម្រៀង Original មួយបទរបស់តារាចម្រៀង សុគន្ធា ធារ៉ាត់ និងជែក មានចំណងជើងថា "សង្ឃឹមថាអូនទទួលយក" ត្រៀមនឹងយកទៅលើនៅអាមេរិក ក្រោយចំណាយពេលធ្វើយ៉ាងសម្រិតសម្រាំងបំផុត។ នេះបើតាម សុគន្ធ ធារ៉ាត់។

ដៃគូចម្រៀង សុគន្ធ ធារ៉ាត់ និង សុខ ជែក

“មួយបទហ្នឹងយើងធ្វើយូរណាស់ គឺធ្វើឲ្យ Full តែម្ដងដោយមានបញ្ចូលទាំងសំឡេង អ័គ ហ្គីតា ព្យ៉ាណូ និងសាក់សូទៀត គ្រាន់តែសាក់សូ ចំណាយពេលយូរណាស់ ព្រោះមានតែបងៗនៅហង្សមាសទេដែលចេះ តែពួកគាត់រវល់ច្រើន។ ភ្លេងទាំងអស់ហ្នឹង គឺលេងយកសំឡេងផ្ទាល់អត់បញ្ចូលតាមកុំព្យូទ័រ និយាយទៅគឺយកល្អតែម្ដង ព្រោះពេលចេញហើយយកទៅលក់នៅអាមេរិក"។

សមិទ្ធផលខាងលើ គឺជាការត្រៀមខ្លួនមួយ មុនការច្របាច់បញ្ចូលគ្នានៃបណ្ដាប្រទេសក្នុងតំបន់អាស៊ានឲ្យទៅជាសហគមន៍អាស៊ានតែមួយ ឬហៅថា សមាហរណកម្មអាស៊ាន ដែលតារាចម្រៀងវ័យក្មេងមើលឃើញថា បទចម្រៀងចម្លងគេ នឹងកាន់តែថមថយតម្លៃ ផ្ទុយទៅវិញបទ Original Song នឹងត្រូវបានលើកតម្កើង។

តារាចម្រៀងប្រុសដដែលរូបនេះ អះអាងទៀតថា ត្រឹមតែពេលបច្ចុប្បន្ន ប្រិយមិត្តចាប់ផ្ដើមឲ្យតម្លៃ បទ Original Song ហើយជាមួយគ្នានេះ បណ្ដាផលិតកម្មធំៗ ក៏បានប្ដូរយុទ្ធសាស្ត្រមកផលិតបទចម្រៀងប្រភេទនេះច្រើនដែរ។ មើលឃើញដូច្នេះហើយ ទើបលោក និងក្រុមការងារ ចាប់ផ្ដើមផលិតបទចម្រៀងប្រភេទខាងលើ និងបានដាក់ទីផ្សារសហរដ្ឋអាមេរិកជាគោលដៅ ព្រោះមានដៃគូពាណិជ្ជកម្មមួយចំនួនជួយជ្រោមជ្រែងផង។

“ដូចប្រាប់អីចឹងបង ក្រោយពេលចេញហើយ បទហ្នឹងនឹងយកទៅលក់នៅអាមេរិក ព្រោះមាន Production នៅស្រុកក្រៅច្រើន។ ម្យ៉ាង បងប្អូននៅទីនោះ ចូលចិត្តអ្វីដែលថ្មី ហើយជាស្នាដៃកូនខ្មែរ ដូចជាបទ Original Song នេះ។ អីចឹងហើយ បានយើងខំធ្វើឲ្យល្អ ឲ្យឡូយបំផុត តម្រូវតាមទីផ្សារទីនោះណាបង"។ សុគន្ធ ធារ៉ាត់ បន្ថែម។

សុគន្ធ ធារ៉ាត់ សច្ចាធ្វើតែបទ Original Song ហើយធ្វើឲ្យបានលេខ១ទៀត!

"សង្ឃឹមថាអូនទទួលយក" ច្រៀងដោយ សុគន្ធ ធារ៉ាត់ & សុខ ជែក និពន្ធបទភ្លេងថ្មីដោយ. ចំរើន មករា និងនិពន្ធទំនុកច្រៀងដោយ សុគន្ធ ធារ៉ាត់។ បទនេះ មិនទាន់មានជាវីដេអូចម្រៀង(MV)ផ្លូវការទេ គឺមានត្រឹមតែ Video Lyric ប៉ុណ្ណោះ។ អីចឹងតោះ...ស្ដាប់ទាំងអស់គ្នា ធានាថាឡូយ...!