តារា​សម្ដែង​កូរ៉េ​ Song Seung Hun និង​តារា​សម្តែង​ចិន​ Krystal Liu (Liu Yifei) បាន​បង្កើត​ចំណង​ស្នេហា​រវាង​គ្នា​កំឡុង​ពេល​​ថត​រឿង " The Third Way of Love” ជាមួយ​គ្នា។ អ្នក​ទាំង​ពីរ​ក៏បាន​ទទួល​ស្គាល់​រួច​ហើយ​ដែរ​ថា​ពូក​គេ​ពិតជា​កំពុង​ស្រលាញ់​គ្នា​ពិត​មែន​។

កាលពី​៦​ថ្ងៃ​មុន​ នៅ​ក្នុង​កម្មវិធី​​​ “演藝家中介” តារា​សម្ដែង​រូប​សង្ហា​ Seong Hun ​បាន​ប្រាប់​ថា​ខ្លួន​មិន​បាន​ចូល​ចិត្ត​ឲ្យ​អ្នក​ដទៃ​ដឹង​ឮ​រឿង​ស្នេហា​របស់​ខ្លួន​ឡើយ ប៉ុន្តែ​លោក​បាន​និយាយ​ទៀត​ថា​វា​គ្មាន​ជម្រើស​ទេ​ព្រោះ​អ្នក​ទាំង​អស់​គ្នា​បាន​ដឹង​រួច​អស់​ទៅ​ហើយ។ នៅ​ពេល​​ពិធីករ​​សួរ​ថា​អាច​នឹង​មាន​ពិធី​មង្គល​ការ​ក្នុង​ពេល​ឆាប់ៗ​នេះ​ទេ Seong Hun បាន​បង្ហើប​ថា មង្គលការ​នឹង​អាច​កើត​ឡើង​បើ​សិន​បើ​អ្នក​និង​មនុស្ស​ដែល​អ្នក​ស្រលាញ់​នៅ​ជា​មួយ​គ្នា​រហូត។

តារា​សម្ដែង​វ័យ ៣៧ឆ្នាំ​រូប​នេះ​ក៏​បាន​បង្ហាញ​ពី​ចំណាប់​អារម្មណ៍​របស់​ខ្លួន​ឯង​ដែរ​ថា​លោក​មិន​ចង់​បាន​ពិធី​អាពាហ៍ពិពាហ៍​ធំដុំ​អី​ទេ គឺ​គ្រាន់​តែ​មង្គលការ​តូច​តាច​ដូច​របស់ Won Bin​ និង Lee Na young និង​ដើរ​លេង​កម្សាន្ត​ជា​មួយ​គ្នា​គឺ​គ្រប់​គ្រាន់​ហើយ ៕

ចុចអាន៖សៀវ ឡុងនី រក​ឃើញ​ម្ចាស់​បេះដូង​ជា​តារា​ល្បី​កូរ៉េ Song Seung Hun

ប្រែ​សម្រួល៖ សុវណ្ណផៃ ប្រភព៖ asian-enews-portal