គន្លឹះក្នុងការស្រាវជ្រាវឯកសារនៅលើបណ្តាញអ៊ីនធឺណិតរបស់ជនពិការភ្នែក

2015-08-19 13:43:12
ចំនួនមតិ 0 | ចំនួនចែករំលែក 0

ចន្លោះមិនឃើញ

បើយើងធ្វើដំណើរពីភ្នំពេញទៅខេត្តកំពង់ចាម ឆ្លងកាត់ទន្លេមួយគ្មានទឹក គឺទន្លេអ៊ំ ហើយនៅខាងឆ្វេងដៃ មានសាលារៀនមួយ គឺសាលាកុមារពិការភ្នែក និង គថ្លង់ ។ នៅក្នុងសាលាកុមារពិការភ្នែក និង គថ្លង់មានសិស្សចំនួន ១៣២ នាក់ សិក្សាលើផ្នែកកុំព្យូទ័រ ។ គេតែងលាន់មាត់ថា តើជនពិការភ្នែក និង គថ្លង់ប្រើកុំព្យូទ័រ ម្តេចនឹងកើតទៅ?

លោកគ្រូ សេង អេង គ្រូបង្រៀនកុំព្យូទ័រសម្រាប់សិស្សពិការភ្នែក ប្រាប់ Sabay ថា“ ការប្រើប្រាស់កុំព្យូទ័រពិតជាមានការលំបាកមែនហើយសម្រាប់ជនពិការភ្នែក ប៉ុន្តែការសិក្សាកុំព្យូទ័ររបស់ជនពិការភ្នែកគេមានកម្មវិធីជំនួយ គឺ កម្មវិធី JAWS និង NVDAដែលកម្មវិធីទាំងពីរនេះ គឺជំនួយដល់ការអានជាភាសាអង់គ្លេស ឱ្យជនពិការភ្នែកស្តាប់ ។ សិស្សពិការភ្នែក ប្រើកុំព្យូទ័រដោយការស្ទាប រួចចុចហើយស្តាប់ការអានរបស់កម្មវិធី JAWS ឬ NVDA “ ។

សិស្សពិការភ្នែកទាំងពីរ ឆែម សុខហាច

សិស្សពិការភ្នែកទាំងពីរ ឡៃ សុខហេង

សិស្សពិការភ្នែកបានប្រើការចងចាំរបស់គាត់ដើម្បីប្រើប្រាស់កុំព្យូទ័រ ជាពិសេស Keys នៅលើ Keyboard ទាំងការងាររដ្ឋបាល ការងារគណនេយ្យ និង ការ

ប្រើប្រាស់ Internet ។ “សិស្សពិការភ្នែកមានវិធីសាស្ត្រសំខាន់ពីរក្នុងការស្រាវជ្រាវឯកសារនៅលើបណ្តាញ Internet គឺ៖

១). ការស្គាល់អាស័យដ្ឋានវេបសាយ ៖ សិស្សពិការភ្នែកតែងតែចងចាំនូវរាល់អាសយដ្ឋានរបស់ស្ថាប័នផ្សេងៗ និង វេបសាយបរទេសជាច្រើនទៀត ដូចជា វេបសាយគ្រូអប់រំរំ www.moeys.gov.kh វេបសាយ ឯកសារខ្មែរ www.khmerdocs.com និង វេបសាយមួយចំនួនទៀត ។

២). ការប្រើប្រាស់ពាក្យគន្លឹះ (Keyword)៖ សិស្សតែងតែវាយពាក្យគន្លឹះផ្សេងៗនៅក្នុងប្រអប់ Search Engine របស់ Google រហូតបានលទ្ធផល ” លោកគ្រូ អេង បន្ថែម ។

សូមប្រិយមិត្ត ងាកមកមើលវីដេអូ និង ស្ដាប់ សម្ដីរបស់ សិស្សពិការភ្នែករបស់ លោកគ្រូ សេង អេង ដែលបានបង្ហាញបទពិសោធន៍លើការស្រាវជ្រាវឯកសារលើបណ្ដាញអ៊ីនធឺណេត៖