កុំព្យូទ័រស៊េរីថ្មីរបស់ Dellតម្លៃជិត៣០០០ដុល្លារ មានអ្វីអស្ចារ្យ?

2015-08-21 22:30:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Dell បានធ្វើការបង្ហាញពីវត្តមានកុំព្យូទ័រ Alienware ជំនាន់ថ្មីរបស់ខ្លួន ដែលមានសមត្ថភាពខ្ពស់ សម្រាប់វាយលុកទីផ្សារកុំព្យូទ័រ។

កុំព្យូទ័រដែលគេបានបង្ហាញនោះ គឺ Alienware 18 ដោយកុំព្យូទ័រនេះផលិតឡើងមិនមែនសម្រាប់ការប្រើប្រាស់ធម្មតានោះទេ គឺសម្រាប់ការលេងហ្គេមបែប 3D និងសម្រាប់ការបំពេញការងារឌីស្សាញរូបភាព និងវីដេអូជាដើម។ កុំព្យូទ័រនេះក៏មានបំពាក់នូវអេក្រង់ទំហំដល់ទៅ១៨,៤អ៊ីញ ដែលអាចបង្ហាញរូបភាពក្នុងកម្រិត១០៨០p។ ចំណែកឯ CPU វិញ គេបានបំពាក់នូវប្រភេទ Intel Core Core i7-4910MQ ដែលមានល្បឿនរហូតដល់ ៤,១GHz ហើយក៏អាចបន្ថែមដល់ ៤,៤GHz បានដែរ។ អ្វីដែលពិសេសនោះគឺកុំព្យូទ័រនេះមានបំពាក់នូវក្រាហ្វិកភ្លោះប្រភេទ NVIDIA 970M ទំហំ ៦GB មាន RAM ប្រភេទ DDR3 ទំហំ ៣២GB និងមានកន្លែងដាក់ Hard Disk ដល់ទៅបួន ដែលមាន Hard Disk មកជាមួយស្រាប់ទំហំ ១TB។

សម្រាប់តម្លៃនៃកុំព្យូទ័រ Alienware 18 នេះគឺចាប់ពី ២៩៤៩,៩៩ ដុល្លារ ដល់ ៤៦៩៩,៩០ដុល្លារ អាស្រ័យលើសមត្ថភាពរបស់កុំព្យូទ័រនីមួយៗ៕