ក្លឹបសិល្បៈ DP បើកការប្រឡងដុះខាត់សមត្ថភាពយុវវ័យ

2015-08-25 13:11:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹបសិល្បៈ DP របស់លោក កុយ សីឌឿន បច្ចុប្បន្នកំពុងតែប្រលងចម្រាញ់យកតារាចម្រៀងសំឡេងល្អ ដើម្បីយកទៅប្រលងវគ្គផ្ដាច់ព្រ័ត្រ ដែលរង្វាន់ លេខ១ ទទួលបានម៉ូតូហុងដាសេរីថ្មី១គ្រឿង ទូរសព្ទ iPhine6 និង ទឹកប្រាក់ ជាច្រើនទៀត។

កុយ សីឌឿន ដែលជាប្រធានក្លឹបសិល្បៈ DP បានប្រាប់ថា ការប្រលងស្វែងរក តារាចម្រៀងឯកប្រចាំក្លឹប បានធ្វើរយៈពេលឆ្នាំជិតកន្លះឆ្នាំមកមកហើយ ហើយគោលបំណងរបស់លោក គឺផ្ដល់ឱកាសដល់យុវវ័យបានបញ្ចេញសមត្ថភាព និងដុះខាត់ពួកគេបន្ថែមទៀត។ ការប្រលងនេះ គ្រោងបញ្ចប់នៅដើម ឆ្នាំ ២០១៦ ខាងមុខ។ រយៈពេលដំណើរការមកនេះ លោកបានចម្រាញ់បានបេក្ខជនជិត១០នាក់ប៉ុណ្ណោះ ហើយបច្ចុប្បន្នកំពុងតែបន្តជ្រើសរើស។

ទីប្រឹក្សាក្រសួងព័ត៌មាន និងជាប្រធានក្រុមហ៊ុន DP បានថ្លែងថា ក្លឹបសិល្បៈរបស់លោកបានធ្វើប្រលងជារៀងរាល់ខែ ដោយក្នុងមួយខែ មានអ្នកដាក់ពាក្យមកចូលរួមប្រលង មិនតិចជាង ១០០នាក់នោះឡើយ ចំពោះអ្នកដែលមានសមត្ថភាព លោកបានបញ្ជូនទៅច្រៀងក្នុងវិធី វិទ្យុរបស់លោកថែមទៀតផង។

ដើម្បីឲ្យតារាចម្រៀងក្នុងក្លឹបសិល្បៈ DP នេះកាន់តែមានសមត្ថភាព និងបានយល់ដឹងពីមូលដ្ឋានសិល្បៈច្បាស់ ប្រធានក្លឹបសិល្បៈដដែលនេះ បានបញ្ជាក់ប្រាប់ថា ជារៀងរាល់ខែ លោកបានអញ្ជើញសាស្ត្រាចារ្យ មកពីសាកលវិទ្យាល័យវិចិត្រសិល្ប ព្រមទាំង តារាជើងចាស់ជាច្រើននាក់ មកពន្យល់ក៏ដូចជា ការដាក់ពិន្ទុ ដល់បេក្ខជនមកចូលរួមប្រលងផងដែរ។

តាមការបញ្ជាក់ពីលោក កុយ ស៊ីឌៀន ក្លឹបសិល្បៈDP គ្រោងជ្រើស តារាចម្រៀង១០នាក់ថែម ដើម្បីយកទៅប្រលងវគ្គផ្ដាច់ព្រ័ត្រ ដែលនឹងត្រូវធ្វើនៅដើមឆ្នាំ ២០១៦នេះ។ ដូចនេះ លោកបានសំណូមពរថា ប្រសិនបើយុវវ័យដែលគិតថា អាចមានសមត្ថភាពផ្នែកចម្រៀង អាចមកដាក់ពាក្យប្រលងចម្រៀងក្នុងក្លឹបសិល្បៈ DP របស់លោកបាន ដែលមានអាសយដ្ឋាន តាមបណ្ដោយផ្លូវសហព័ន្ធ រុស្ស៊ី ហួសស្ដុបមុខប្រលានយន្តហោះពោធិចិនតុង ប្រហែល ១០០ម៉ែត៕