យ៉ាង ម៉ីម៉ី សម្រេចចិត្តផ្អាកពីសិល្បៈ

2015-08-27 18:30:07
ចំនួនមតិ 0 | ចំនួនចែករំលែក 0

ចន្លោះមិនឃើញ

យ៉ាង ម៉ីម៉ី បានប្រកាសផ្អាកសិល្បៈបណ្ដោះអាសន្ន ក្រោយចូលប្រឡូកក្នុងវិស័យនេះ ដោយសារតែមមាញឹកក្នុងមុខជំនួញបើករួមគ្នាជាមួយឪពុក ហើយកំពុងកាក់កប។

តារាស្រីរូបនេះបញ្ជាក់ថា មុខរបរកំពុងទទួលជោគជ័យបណ្ដើរៗនោះ ជាប្រភេទភ្នាក់ងារសេវាកម្មទទួលភ្ញៀវទេសចរណ៍បរទេស ដែលមកកម្សាន្តនៅប្រទេសកម្ពុជា។ តារារាងតូចច្រឡឹងបន្តថា ជំនួញថ្មីទើបដំណើរការបាន ២ ខែប៉ុណ្ណោះ ប៉ុន្តែទទួលបានជោគជ័យគួរឱ្យកត់សម្គាល់ ដោយមានអតិថិជនកក់ទុកជាមុនយ៉ាងច្រើន ទោះស្ថិតក្នុងរដូវវស្សាមានភ្លៀងធ្លាក់ក៏ដោយ ធ្វើឱ្យនាងសម្រេចចិត្តផ្អាកពីសិល្បៈ។

“សិល្បៈគ្រាន់តែជាការស្រលាញ់ហើយ តែសំខាន់ប្រឹងរកលុយសិន ប្រសិនបើមានឱកាសដូច្នេះ"។ ម៉ីម៉ី បញ្ជាក់កាន់ Sabay ព្រឹកនេះ។ តួស្រីក្នុងផលិតកម្ម សាស្ដា ដដែលបន្ថែមទៀតថា នាងមានការសោកស្ដាយចំពោះការសម្រេចផ្អាកពីសិល្បៈ ខណៈកំពុងមានការទទួលស្គាល់ពីមហាជន និងផលិតកម្មនានាមួយរយៈចុងក្រោយ ដោយបដិសេធចំពោះការងារថតកុនទៀតផង។

ទោះបីជាយ៉ាងណា តារាស្រីដដែលបន្ថែមទៀតថា នៅមិនទាន់មានភាពប្រាកដប្រជាចំពោះការវិលចូលក្នុងវិស័យសិល្បៈវិញឡើយ ដោយត្រូវសម្រុកពង្រឹងលើមុខជំនួញឱ្យកាន់តែទទួលបានជោគជ័យបន្ថែមទៀត មុនពេលរដូវប្រាំងចូលដល់។ ប៉ុន្តែតារាស្រីវ័យ ២៤ ឆ្នាំខាងលើអះអាងថា ជំហានដំបូង នាងត្រូវរៀបចំក្រុមការងារឱ្យបានឆាប់ និងត្រឡប់ទៅប្រឡូកក្នុងវិស័យសិល្បៈវិញមិនខាន៕

អានអត្ថបទ៖ ប្រិមប្រិយ និង នាយ ក្រិន ត្រៀមទៅចោលទស្សនិកជនកន្លះឆ្នាំ

អានអត្ថបទ៖ ឧកញ៉ា ឃ្លោក ចង់បានងារមួយបន្ថែមទៀត