រឿង "Maze Runner” ចាប់បញ្ចាំងនៅ Major Cineplex by Cellcard មុនសហរដ្ឋអាមេរិក ១ សប្ដាហ៍

2015-09-10 21:21:12
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿង "Maze Runner” ផ្ដើមចាក់បញ្ចាំងជាផ្លូវការនៅរោងភាពយន្ត Major Cineplex by Cellcard ចាប់ពីថ្ងៃនេះហើយ ពោលគឺមុនការចាក់បញ្ចាំងនៅសហរដ្ឋអាមេរិកចំនួន ១ សប្ដាហ៍។ ផ្អែកតាម លោក ឯក សមសុម៉ានិត ជាបុគ្គលិកផ្នែកទីផ្សាររោងភាពយន្តមួយនេះ ប្រាប់ឲ្យដឹង។

លោកបញ្ជាក់ថា ជាមោទនភាពសម្រាប់រោងភាពយន្ត ដែលបាននាំយកភាពយន្តខ្នាតធំ ដែលទស្សនិកជនទូទាំងពិភពលោកកំពុងទន្ទឹងរង់ចាំមួយនេះ មកចាក់បញ្ចាំងនៅប្រទេសកម្ពុជា ឱ្យប្រជាជនខ្មែរបានទស្សនាបានមុនគេ។ លោកអះអាងថា ទស្សនិកជន នឹងទទួលបានទស្សនីយភាពប្លែកៗនៅក្នុងសាច់រឿងមិនខាន តាមរយៈសកម្មភាពបង្ហាញពីយុវជនមួយក្រុម រត់ចេញពីកន្លែងពិសោធន៍ពោរពេញដោយគ្រោះថ្នាក់បំផុត។

សមសុម៉ានិត បន្ថែមថា៖ "ឈុតឆាកមានភាពប្រទាក់ក្រឡាគ្នាពេញផ្ទៃរឿងទាំងមូល សកម្មភាពតួសម្ដែងធ្វើឱ្យយើងមានអារម្មណ៍ទៅតាមសាច់រឿងដែរ"។

ទោះបីជាយ៉ាងណា បុគ្គលិកផ្នែកទីផ្សារដដែលសង្ឃឹមថា មហាជននឹងចូលរួមទស្សនារឿង "Maze Runner” វគ្គ២កាន់តែច្រើនចាប់ពីថ្ងៃនេះតទៅ ដែលជាការលើកទឹកចិត្តសម្រាប់ការនាំមកចាក់បញ្ចាំងនៅប្រទេសកម្ពុជា។ ប្រសិនបើការនាំមកមុនគេបានទទួលជោគជ័យ រឿងផ្សេងទៀតក៏អនុវត្តន៍តាមគោលការណ៍នេះដែរ៕

អានអត្ថបទ៖ រឿង"Maze Runner” ចាប់បញ្ចាំងនៅ Major Cineplex by Cellcard មុនសហរដ្ឋអាមេរិក ១ សប្ដាហ៍

អានអត្ថបទ៖ តារាប្រុស៤នាក់ មានមុខមាត់ស្រដៀងតារាចម្រៀងល្បី