បេក្ខនារីសំឡេងខ្ពស់ពីអាស៊ីធ្វើឲ្យគណៈកម្មការ X Factor ញញឹមពេញចិត្តស្ដូក

2015-09-14 17:42:17
ចំនួនមតិ 0 | ចំនួនចែករំលែក 0

ចន្លោះមិនឃើញ

បេក្ខនារីក្នុងកម្មវិធី The X Factor 2015អង់គ្លេសម្នាក់ ដែលមានដើមកំណើតនៅប្រទេសហ្វីលីពីនមានឈ្មោះ Neneth Lyons បានធ្វើឲ្យគណៈកម្មាធិការទាំង៤រូបញញឹមនិងទះដៃពេញចិត្តយ៉ាងខ្លាំងចំពោះសំឡេងស្រែកដ៏ពីរោះរបស់នាង។

ក្នុងការប្រកួតកាលពីម្សិលមិញនេះ បេក្ខនារីវ័យ៣៦ឆ្នាំរូបនោះ បានលើកយកបទ “Somewhere” យកមកច្រៀងដែលជាសំនៀងដើមរបស់តារាចម្រៀងស្រីអាមេរិក Barbra Streisand ។ មុននឹងចាប់ផ្ដើមច្រៀង គណៈកម្មការNick បានសួរទៅកាន់បេក្ខនារីថា ហេតុអ្វីបានរើសបទនេះមកច្រៀង? នាងតបវិញថា ព្រោះឪពុករបស់នាងចូលចិត្តបទនេះ។

ក្នុងការចាប់ផ្ដើមច្រៀងក្បាលដំបូង Neneth បានធ្វើឲ្យគណៈកម្មការនិងទស្សនិកជនស្លុងអារម្មណ៍គ្រប់គ្នា។ នៅពេលដែលដល់ចំណុចមួយនាងបានស្រែកយ៉ាងខ្លាំងអមដោយទឹកដមពីរោះ ធ្វើឲ្យសំឡេងទះដៃបានបន្លឺឡើងសម្រាប់នាង។ ចុងបញ្ចប់ Neneth បានទទួលចម្លើយ "Yes" ពីគណៈកម្មការទាំង៤រូប។

ខាងក្រោមជាវីដេអូរបស់ Neneth ពេលកំពុងប្រលង៖