ឱកាសអាហារូបករណ៍ ១០០% ពីសាលាល្បីសម្រាប់សិស្សនិទ្ទេស A ឆ្នាំនេះ

2015-09-15 20:53:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ចំពោះសិស្សានុសិស្សប្រលងបាក់ឌុបជាប់និទ្ទេស A ឆ្នាំសិក្សា ២០១៤-២០១៥ ដែលចង់សិក្សាសាកលវិទ្យាល័យថ្លៃ ក្នុងពេលនេះឱកាសបានមកដល់ហើយ។

សាកលវិទ្យាល័យ ZAMAN គ្រោងផ្ដល់អាហារូបករណ៍ ១០០% ពេញ ដល់សិស្សជាប់និទ្ទេស A ទាំង ១០៨ រូប ដើម្បីជាការលើកទឹកចិត្ត។

ស្ថាប័នអប់រំមួយនេះ នឹងផ្ដល់អាហារូបករណ៍ ១០០% សិក្សាឥតបង់ថ្លៃរយៈពេល៤ឆ្នាំ ប៉ុន្តែមុនទទួលបានឱកាសនេះ សិស្សានុសិស្ស ត្រូវប្រលងតេស្តសមត្ថភាព ភាសាអង់គ្លេសជាមុនសិន។ នេះបើតាមការបញ្ជាក់របស់លោក ផាន់ នេង ប្រធានការិយាល័យទំនាក់ទំនងសាធារណៈ ប៉ុន្តែ បើសិស្សមានពិន្ទុចាប់ពី TOEFL iBT : 70 និង IELTS : 6.0 ហើយនោះ ពួកគេអាចចូលរៀនបាន ដោយស្វ័យប្រវត្តិ។

ការធ្វើតេស្តភាសាអង់គ្លេសនឹងធ្វើឡើងនៅថ្ងៃទី ២៦ ខែកញ្ញា ឆ្នាំ២០១៥ ដោយមានរយៈពេល ៤ ម៉ោង ពោលគឺចាប់ពីម៉ោង ៨ ព្រឹកដល់ ១២ ថ្ងៃត្រង់។

លោក ផាន់ នេង បញ្ជាក់ថា សិស្សជាបាក់ឌុបនិទ្ទេស A ម្នាក់ អាចជ្រើសរើសដេប៉ាតឺម៉ង់បានមួយប៉ុណ្ណោះ ក្នុងចំណោមដេប៉ាតឺម៉ង់ទាំង ៨ ខាងក្រោម៖ ១. ដេប៉ាតឺម៉ង់ វិស្វកម្មសំណង់ស៊ីវិល

២. ដេប៉ាតឺម៉ង់ វិស្វកម្មស្ថាបត្យកម្ម

៣. ដេប៉ាតឺម៉ង វិទ្យសាស្រ្តកុំព្យូទ័រ

៤. ដេប៉ាតឺម៉ង់ រចនាប្លង់ និងប្រព័ន្ធផ្សព្វផ្សាយ

៥. ដេប៉ាតឺម៉ង់ គ្រប់គ្រងព័ន្ធព័ត៌មានវិទ្យា

៦. ដេប៉ាតឺម៉ង់ គ្រប់គ្រងពាណិជ្ជកម្ម

៧. ដេប៉ាតឺម៉ង់ ធនាគារ និងហិរញ្ញវត្ថុ

៨. ដេប៉ាតឺម៉ង់ វិទ្យាសាស្រ្តនយោបាយ ទំនាក់ទំនងអន្តរជាតិ

ចុចអាន៖ ស្គាល់សិស្សពូកែនិន្ទេសAទាំង ៧ រូប នៅខេត្តបាត់ដំបងទេ?

ចុចអាន៖ គ្រូ ៣ រូបទទួលការគោរពស្រលាញ់ខ្លាំង ពីប្រជាជនខ្មែរក្នុងវិស័យអប់រំ

អត្ថបទ៖ អ៊ុំ សុភក្តិ