Frenz United B ធ្វើបានត្រឹមស្មើ U-18 ភ្នំពេញក្រោន ២-២ ក្នុងដីខ្លួនឯង
- 2015-09-17 16:19:34
- ចំនួនមតិ 0 | ចំនួនចែករំលែក 0
Frenz United B ធ្វើបានត្រឹមស្មើ U-18 ភ្នំពេញក្រោន ២-២ ក្នុងដីខ្លួនឯង
ចន្លោះមិនឃើញ
ក្រុមខ្លាំងរបស់ប្រទេសម៉ាឡេស៊ី Frenz United B ធ្វើបានត្រឹមស្មើក្លិបខ្លាំងរបស់កម្ពុជា U-18 ភ្នំពេញក្រោន ២-២ ប៉ុណ្ណោះ សម្រាប់ការប្រកួតពានរង្វាន់ 2015 U-18 Asia Champions Trophy នៅលើទឹកដីប្រទេសម៉ាឡេស៊ី កាលពីយប់មិញនេះ។
ការប្រកួតចាប់ផ្ដើមបានតែ១៨នាទីកីឡាករ Akhmar Haiqal របស់ក្លិប Frenz United B បានទម្លាយសំណាញ់ទីរបស់ក្រុមភ្ញៀវដើម្បីនាំមុខ១-០។ ការប្រកួតជិតនឹងបញ្ចប់តង់ទីមួយទៅហើយស្រាប់តែកីឡាករ Jason Thomas ខ្សែការពារមាឌធំរបស់ U-18 ភ្នំពេញក្រោនត្រូវបានពិន័យកាតក្រហមបណ្ដេញចេញពីការប្រកួត។
ការប្រកួតតង់ទី២ដល់នាទី៥៧ កីឡាករ អ៊ុក សុវណ្ណ របស់ភ្នំពេញក្រោនបានលើកបាល់យ៉ាងល្អឲ្យមិត្តរួមក្រុមកីឡាករ គឹម ឆៃយ៉ា តែតបញ្ចូលទីបានសម្រេចដើម្បីតាមស្មើ១-១។ ការប្រកួតបន្តមិនបានប៉ុន្មាននាទីផង ស្រាប់តែក្រុមម្ចាស់ផ្ទះរកបានមួយគ្រាប់ទៀតដើម្បីនាំមុខសារជាថ្មី ២-១ ប៉ុន្តែដល់នាទី ៦៥ខ្សែប្រយុទ្ធឆ្នើមរបស់ U-18 ភ្នំពេញក្រោនកីឡាករ Umaru Samura បានអូសបណ្ដើរបាល់ជិតពាក់កណ្ដាលទីទម្លាយសំណាញ់ទីម្ចាស់ផ្ទះដើម្បីតាមស្មើ ២-២។ លទ្ធផល២-២ នៅរក្សារហូតដល់ចប់ការប្រកួត។
ជំនូបគ្នាកាលពីរជើងទី១ ក្រុមទាំងពីរបញ្ចប់ទៅត្រឹមលទ្ធផល ១-១ នៅលើទឹកដី RSN របស់ភ្នំពេញក្រោន ដែលពេលនោះក្រុមភ្ញៀវ Frenz United B ក៏ទទួលបានកាតក្រហមដូចគ្នាបន្ទាប់ពីកីឡាករក្នុងក្រុមមកពីប្រទេសម៉ាឡេស៊ីមួយនេះ បង្កកំហុសកាតលឿងពីរដងស្មើកាតក្រហមបណ្ដេញចេញពីការប្រកួតនៅចុងតង់ទី២៕
ទស្សនាវីដេអូហាយឡាយ
អត្ថបទ៖ ស្រី សុវណ្ណដារ៉ា