ការ​តាម​ចុះ​ផ្សាយ​ពី​​​គេហទំព័រ New York Daily News តារា​​ចម្រៀង​អាមេរិក Madonna បាន​ចេញ​បញ្ជា​ឲ្យ​អ្នក​រាំ​ម្នាក់​​ថើប​ជើង​របស់​ខ្លួន បន្ទាប់​ពី​អ្នក​រាំ​មួយ​នេះ​បាន​បង្ហាញ​ខ្លួន​យឺត​ប្រហែល​ប៉ុន្មាន​នាទី​ក្នុង​ការ​ហាត់​សម​មួយ។

Madonna ជា​មនុស្ស​ម្នាក់​ដែល​តឹង​តែង​រឿង​ពេល​វេលា ដែល​ជា​មូល​ហេតុ​បណ្ដាល​ឲ្យ​តារា​ស្រី​រូប​នេះ​បញ្ជា​ឲ្យ​បុគ្គលិក​របស់​ខ្លួន​សូម​ទោស​ដោយ​របៀប​ខុស​គេ​បែប​នេះ។

​

ប្រភព​ផ្ទៃ​ក្នុង​មួយ​បាន​ប្រាប់​ថា "អ្នក​រាំ​​នោះ​មក​យឺត​តែ​​ប៉ុន្មាន​នាទី​ប៉ុណ្ណោះ​តែ​ត្រូវ​សូមទោស Madonna ឡើង​ដូច​ឆ្កួត"។ ប្រភព​ដដែល​នេះ​បាន​ប្រាប់​ថា រឿង​នេះ​បាន​កើត​ឡើង​នៅ​ពេល​ដែល​តារា​ចម្រៀង វ័យ ៥៧​ឆ្នាំ ហាត់​សម​សម្រាប់​ការ​ប្រគំ​តន្ត្រី​ទេសចរណ៍ "Rebel Heart Tour" នៅ​ទីក្រុង​ New York កាល​ពី​ពេល​ថ្មី​ៗ​នេះ។

អ្នក​រៀប​ចំ​កម្មវិធី​ឲ្យ​ការ​ប្រគំ​តន្ត្រី​នេះ​បាន​​ប្រាប់​ថា "នៅ​ពេល​ដែល​ដឹង​ថា Madonna នឹង​មក​ដល់​ រឿង​ទី​មួយ​ដែល​បុគ្គលិក​ធ្វើ​គឺ​​បោះ​ចោល​​ដប​ទឹក​ទាំង​អស់​ព្រោះ Madonna ​មិន​ចង់​ឃើញ​ដប​ទឹក​នៅ​រាយ​ប៉ាយ​គ្រប់​ទី​កន្លែង។ បន្ទាប់​មក​ពួក​គេ​​បិទ​ភ្លើង​និង​ដុត​ទៀន​នៅ​ក្នុង​បន្ទប់​ព្រោះ​តារា​ចម្រៀង​នេះ​ចង់​ឲ្យ​បន្ទប់​មាន​ក្លិន​ដែល​ខ្លួន​ចង់​បាន"៕

ចុចអាន៖Victoria Beckham ឈឺ​ដូច​គេ​ចាក់​ពេល​កូន​ស្រី​ប្រាប់​ថា​ចង់​ក្លាយ​ជា​កីឡា​ការិនី​​បាល់​ទាត់

ប្រែ​សម្រួល៖ សុវណ្ណផៃ ប្រភព៖ nydailynews