Canon PhotoMarathon 2015 ឆ្នាំនេះអស្ចារ្យយ៉ាងណាទៅ?

2015-10-01 22:25:04
ចំនួនមតិ 0 | ចំនួនចែករំលែក 0

ចន្លោះមិនឃើញ

Canon PhotoMarathon 2015 នឹងវិលត្រឡប់មកសាជាថ្មីសម្រាប់ព្រឹត្តិការណ៍ប្រកួតថតរូបដ៏ធំបំផុតនៅក្នុងប្រទេសកម្ពុជា ដោយមានការរំពឹងទុកថានឹងមានអ្នកចូលរួមប្រមាណ ១ ០០០ នាក់ ។

ឆ្នាំនេះជាឆ្នាំទី ៥ ដែលព្រឹត្តិការណ៍ប្រកួតថតរូបដ៏អស្ចារ្យ Canon PhotoMarathon បានរៀបចំជាថ្មីដែលនឹងប្រមូលផ្តុំអ្នកថតរូបពីគ្រប់ទិសទី ដើម្បីប្រកួតប្រជែងគ្នាលើប្រធានបទថតរូបចំនួន ៣ ក្នុងរយៈពេលពេញមួយថ្ងៃ។

ប្រិយមិត្តជាច្រើនក៏បានត្រៀមខ្លួនសម្រាប់ការចូលរួមក្នុងព្រឹត្តិការណ៍ដ៏រំភើបនេះ។ មុនបើកដំណើរការប្រកួតនៅប៉ុន្មានថ្ងៃទៀតនេះ តើប្រិយមិត្តដឹងអ្វីខ្លះពីការប្រកួត Canon PhotoMarathon ក៏ដូចជាការរៀបចំនៅឆ្នាំនេះ? Sabay បានសាកសួរអ្នកនាង ឈាវ សុវណ្ណនី បុគ្គលិកជាន់ខ្ពស់ផ្នែកទីផ្សារនិងក៏ជាតំណាងក្រុមហ៊ុន iQlick ដែលជាក្រុមហ៊ុនរៀបចំព្រឹត្តិការណ៍ប្រកួតថតរូប Canon PhotoMarathon 2015។

Sabay៖ តើព្រឹត្តិការណ៍ប្រកួតថតរូប Canon PhotoMarathon មានប្រវត្តិរៀបចំឡើងតាំងពីពេលណានិងកើតឡើងយ៉ាងដូចម្ដេច? ប្រទេសកម្ពុជារៀបចំប៉ុន្មានដងហើយ?

ឈាវ សុវណ្ណនី៖ Canon PhotoMarathonត្រូវបានផ្ដួចផ្ដើមឡើងចេញពីក្រុមហ៊ុន Canon ប្រទេសសិង្ហបុរីដែលជាកម្មវិធីប្រកួតថតរូបដ៏ធំមួយ ហើយដែលមានការប្រមូលផ្តុំអ្នកថតរូបពីគ្រប់ទិសទី ចូលរួមប្រកួតថតរូបពេញមួយថ្ងៃ។

ដោយគិតចាប់ពីឆ្នាំ ២០០២ មក កម្មវិធីនេះរៀបចំឡើងអស់រយៈពេលជាង ១៣ ឆ្នាំតាមប្រទេសចំនួន 10 នៅអាស៊ីខាងត្បូង និង អាស៊ីអាគ្នេយ៍ដូចជា សិង្ហបុរី ម៉ាឡេស៊ី ថៃ ឥណ្ឌា វៀតណាម ឥណ្ឌូណេស៊ី ប្រ៊ុយណេ កម្ពុជា ហុងកុង និង តៃវ៉ាន់។ ដោយឡែកសម្រាប់ប្រទេសកម្ពុជា Canon PhotoMarathon បានរៀបចំដំបូងក្នុងឆ្នាំ ២០១១ គិតមកទល់ឆ្នាំ ២០១៥ នេះមានរយៈពេល5ឆ្នាំហើយ។

Sabay៖ Canon Photo Marathon 2015ដែលនឹងកើតឡើងជាថ្មីម្តងទៀតនៅពេលខាងមុខ មានការខុសប្លែកពីឆ្នាំមុនៗយ៉ាងណាខ្លះ?

ឈាវ សុវណ្ណនី៖ សម្រាប់ Canon PhotoMarathon 2015ការរៀបចំមានលក្ខណៈស្រដៀងកាលពីឆ្នាំមុនដែរ ដោយយើងទទួលអ្នកឈ្នះចំនួន 18 សម្រាប់ប្រភេទសិស្សនិងបើកទូលាយ។ ប៉ុន្តែឆ្នាំនេះរឿងពិសេសគឺអំពីរង្វាន់។ យើងផ្តល់ជូននូវកាមេរ៉ាបែបអាជីពម៉ាក Canon ទៅអ្នកឈ្នះទាំងអស់។ ជាមួយគ្នានេះ ក៏មានការរំពឹងទុកថាចំនួនអ្នកចូលរួមនឹងមានការកើនឡើងរហូតដល់ ១០០០ នាក់។

Sabay៖ តើមានលក្ខខណ្ឌតម្រូវយ៉ាងណាខ្លះសម្រាប់ការចូលរួមកម្មវិធីនេះ?

ឈាវ សុវណ្ណនី៖ កម្មវិធីប្រកួតប្រជែងនេះមានលក្ខខ័ណ្ឌ 2 សម្រាប់ឲ្យបេក្ខជនជ្រើសរើសក្នុងការប្រកួតគឺលក្ខខ័ណ្ឌសម្រាប់សិស្សសាលា (Student Category) និងលក្ខខ័ណ្ឌប្រកួតបើកទូលាយ (Open Category)។ លក្ខខ័ណ្ឌប្រកួតសម្រាប់សិស្សសាលា (Student Category) បើកសម្រាប់ឲ្យបេក្ខជនដែលមានអាយុក្រោម18ឆ្នាំ ដែលនេះជាផ្នែកមួយនៃសកម្មភាពរបស់ Canon ក្នុងការលើកទឹកចិត្តឲ្យយុវជនវ័យក្មេង កម្ពុជាអភិវឌ្ឍន៍នូវចំណង់ចំណូលចិត្តរបស់ពួកគេក្នុងវិស័យថតរូប។ អ្នកចូលរួមក្រោមលក្ខខ័ណ្ឌប្រកួតសម្រាប់សិស្សសាលា ក៏ត្រូវគោរពតាមលក្ខន្តិកៈនានាព្រមទាំងប្រកួតក្រោមប្រធានបទដូចទៅលក្ខខ័ណ្ឌប្រកួតសម្រាប់អ្នកចូលរួមទូទៅផងដែរ។ ប៉ុន្តែអ្នកចូលរួមក្នុងលក្ខខណ្ឌនេះ នឹងទទួលរង្វាន់ខុសពីលក្ខខណ្ឌប្រកួតសម្រាប់អ្នកចូលរួមទូទៅ។

Sabay៖ តើអ្នកចូលរួមនឹងទទួលបានអ្វីខ្លះ សម្រាប់ការចូលរួមកម្មវិធីប្រកួតថតរូប Canon PhotoMarathon?

ឈាវ សុវណ្ណនី៖ សម្រាប់អ្នកចូលរួមនឹងទទួលបានអាវយឺតដ៏ស្រស់ស្អាតពីកម្មវិធី។ ក្នុងនោះពួកគេក៏នឹងមានឱកាសក្លាយជាជយលាភីក្នុងកម្មវិធីជាមួយរង្វាន់គួរឲ្យចាប់អារម្មណ៍ច្រើនជាងឆ្នាំមុនៗ និងការអភិវឌ្ឍជំនាញថតរូបកាន់តែប្រសើរ៕

Sabay៖ សម្រាប់ការផ្ដល់ពិន្ទុចំណាត់ថ្នាក់ជយលាភី តើមានភាពសុក្រឹតយ៉ាងណាដែរដើម្បីអ្នកចូលរួមពេញចិត្តនិងអាចទទួលយកបាន?

ឈាវ សុវណ្ណនី៖ គណៈកម្មការវិនិច្ឆ័យរបស់យើងគឺជាអ្នកថតរូបដែលមានជំនាញវិជ្ជាជីវៈហើយដែលពួកគេមានបទពិសោធន៍នៅក្នុងវិស័យថតរូបជាច្រើនឆ្នាំ។ ពួកគេបានទៅសិក្ខាសាលារូបថតជាច្រើនទាំងក្នុងស្រុកនិងក្រៅស្រុក និងក៏ជាសាស្ត្រាចារ្យថ្នាក់រៀន Canon Imangin Acedemy (CIA)របស់ក្រុមហ៊ុន i-Qlick។ ដូច្នេះយើងប្រាកដថាការដំណើរការការជ្រើសរើសអ្នកឈ្នះគឺមានភាពត្រឹមត្រូវនិងសុក្រឹតបំផុត។

Sabay៖ Canon PhotoMarthon បានជួយដល់ការអភិវឌ្ឍន៍វិស័យរូបភាពនៅក្នុងប្រទេសកម្ពុជាយ៉ាងណាដែរ?

ឈាវ សុវណ្ណនី៖ ការរៀបចំការប្រកួតនឹងជួយបណ្តុះស្មារតីនិងលើកស្ទួយដល់ការអភិវឌ្ឍន៍វិស័យថតរូបនៅក្នុងប្រទេសកម្ពុជាឲ្យកាន់តែមានភាពផុលផុស។ ជាមួយគ្នានេះក៏ជាការលើកទឹកចិត្តដល់អ្នកដែលមានទេពកោសល្យនិងស្នាដៃលើជំនាញថតរូបអាចបញ្ចេញសមត្ថភាពនិងការច្នៃប្រឌិតដើម្បីទទួលបានការគាំទ្រនិងការចាប់អារម្មណ៍ពីពលរដ្ឋ និងឈានទៅអភិវឌ្ឍអាជីពថតរូបសម្រាប់ពេលអនាគត។

Sabay៖ តើមានការរំពឹងទុកពីជោគជ័យយ៉ាងណាសម្រាប់កម្មវិធី Canon Photo Marathon 2015 ដើម្បីក្រុមហ៊ុនអាចឈានបន្តរៀបចំជាបន្តបន្ទាប់នៅឆ្នាំខាងមុខៗទៀត?

ឈាវ សុវណ្ណនី៖ យើងរំពឹងទុកថានឹងទទួលបានជោគជ័យជាងឆ្នាំមុនៗ ដោយសារនេះឆ្នាំនេះយើងមានការផ្សព្វផ្សាយកាន់តែទូលាយ ហើយការស្ទាបស្ទង់ ក៏ឃើញមានការចាប់អារម្មណ៍កាន់តែខ្លាំង។ យើងបានរៀបចំរង្វាន់ជាច្រើនសម្រាប់អ្នកឈ្នះដើម្បីជំរុញលើកទឹកចិត្តដល់បេក្ខជនក្នុងការអ្នកចូលរួមឲ្យផុលផុស បន្ថែមការទទួលបានឱកាសចូលរួមក្នុងមហោស្រពរូបថតអង្គរ និងការជ្រើសទៅចូលរួមគ្លីនិករូបថតនៅប្រទេសជប៉ុន៕

អត្ថបទ៖ ប៊ុណ្ណារ៉ា