U-18 ភ្នំពេញក្រោន ចាញ់ក្រុមខ្លាំងមកពីជប៉ុន Kashima Antlers ២-០

2015-10-15 02:53:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់យុវជនភ្នំពេញក្រោនអាយុក្រោម១៨ឆ្នាំ (U-18)បានប្រកួតចាញ់ក្រុមខ្លាំងមកពីប្រទេសជប៉ុន Kashima Antlers ដោយលទ្ធផល ២-០ នៅក្នុងដីខ្លួនឯងសម្រាប់ការប្រកួតពានរង្វាន់យុវជនអាស៊ី U-18 Asia Champions Trophy 2015។

ក្រុមយុវជនភ្នំពេញក្រោន

ការប្រកួតនៅតង់ទីមួយ ក្រុមម្ចាស់ផ្ទះភ្នំពេញក្រោនគ្រប់គ្រងបាល់បានយ៉ាងល្អដែលមានឱកាសនាំបាល់ទៅតំបន់គ្រោះថ្នាក់ជាច្រើនលើក និងបានស៊ុតចំរបាទីរបស់ Kashima Antlers ម្តង។ ចំពោះក្រុមភ្ញៀវបានលេងលក្ខណៈការពារច្រើនជាងវាយសម្រុក ប៉ុន្តែការប្រយុទ្ធរបស់គេមានប្រសិទ្ធភាពដែលធ្វើឲ្យមានឱកាសទម្លាយសំណាញ់ទីរបស់ភ្នំពេញក្រោនគ្រាប់ទី១ដោយកីឡាករ Kento Niimi នៅនាទីទី២២ និងបានបន្ថែម១គ្រាប់ទៀតដោយ Kanta Asuma នៅនាទីទី៤១។

ចំណែកនៅតង់ទីពីរ ទាំងក្រុមម្ចាស់ផ្ទះ និងភ្ញៀវបានព្យាយាមវាយសម្រុកគ្នាទៅវិញទៅមក ព្រមទាំងបានផ្លាស់ប្តូរកីឡាករថ្មីចូលរៀងៗខ្លួន ប៉ុន្តែនៅតែមិនអាចទម្លាយសំណាញ់ទីគ្នាទៅវិញទៅមកបានឡើយ។ ចប់ការប្រកួត Kashima Antlers បាន៣ពិន្ទុបន្ថែមទៀតពីភ្នំពេញក្រោន។ នៅថ្ងៃទី២២ ខែតុលា ខាងមុខនេះ ក្រុមយុវជនភ្នំពេញក្រោនត្រូវទទួលស្វាគមន៍ក្រុម PVF មកពីវៀតណាម សម្រាប់ការប្រកួតបញ្ចប់ពូល B៕