ឡា ចេញពីផលិតកម្ម Big Man បច្ចុប្បន្នចូល Diamond Music

2015-10-20 12:20:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ឡា អតីតតារាចម្រៀងប្រចាំផលិតកម្ម Big Man បានសម្រេចចិត្តផ្លាស់ប្ដូរទៅកាន់ទ្រនំផលិតកម្ម Diamond Music វិញម្ដង ក្រោយបញ្ចប់កុងត្រា ៥ ឆ្នាំរួចមក។

“ខ្ញុំសង្ឃឹមថា អាចស្វែងរកបទពិសោធន៍ថ្មីបន្ថែមទៀត ហើយសង្ឃឹមថា កន្លែងនេះអាចផ្ដល់ឱកាសបានច្រើនដូចតារាផ្សេងទៀតដែរ"។ ឡា ថ្លែងមកកាន់ Sabay មុននេះ។ អតីតតារាឯក ហុងដា ខាងលើបន្តថា រូបគេបានសម្រេចចិត្តចុះកុងត្រាជាមួយផលិតកម្មជាមួយ Diamond Music រយៈពេល ៣ ឆ្នាំបន្តទៀត ហើយជាការចាប់ផ្ដើម រូបគេក៏ត្រៀមចេញបទចម្រៀងថ្មីមួយចំនួនផងដែរ។ ក្នុងនោះបទ "អាយុមិនអស់ បងនៅតែស្រលាញ់អូន" ដែលជាទីសង្ឃឹមសម្រាប់ជំហានដំបូងក្នុងផលិតកម្ម។

តារាវ័យ ២៨ ខាងលើបន្ថែមទៀតថា ទ្រនំថ្មីមានតារាចម្រៀងល្បីឈ្មោះជាច្រើនរូបដូចជា ជុំ លីណូ ជាដើម ជាហេតុនាំឱ្យរូបគេសង្ឃឹមថា នឹងអាចអភិវឌ្ឍន៍សមត្ថភាពបន្ថែមទៀតក្នុងអាជីពចម្រៀង។ ម្យ៉ាងទៀត ផលិតកម្មខាងលើក៏កំពុងមានការទទួលស្គាល់ពីមហាជនទូទៅ ហើយរូបគេក៏កំពុងសម្រាំងបទចម្រៀងបន្ថែមទៀត ដើម្បីបង្កើនប្រជាប្រិយភាព។ ទោះបីជាយ៉ាងណា តារារូបនេះបញ្ជាក់ថា មិនភ្លេចទ្រនំចាស់នោះទេ ព្រោះបើគ្មានផលិតកម្ម Big Man ក៏គ្មានអ្នកស្គាល់ដូចបច្ចុប្បន្នឡើយ ខណៈការចាកចេញក៏ធ្វើឡើងដោយសន្តិវិធី។

ជាមួយគ្នានោះ តារាចម្រៀងមានប្រភពមកពីខេត្តបាត់ដំបងខាងលើ ស្នើឱ្យប្រិយមិត្តបន្តគាំទ្ររូបគេ ទោះបីជាផ្លាស់ប្ដូរផលិតកម្មក៏ដោយ។ រូបគេអះអាងថា នឹងសហការជាមួយផលិតកម្ម ដើម្បីបង្កើតបទចម្រៀងស្នាដៃថ្មីៗ បំពេញតាមការចង់បានរបស់អ្នកស្ដាប់ដោយយល់ឃើញថា ពួកគេចូលចិត្តស្ដាប់បទចម្រៀងជាស្នាដៃបង្កើតថ្មីជាងស្នាដៃថតចម្លង៕

អានអត្ថបទ៖ ឡា ចេញពីផលិតកម្ម Big Man បច្ចុប្បន្នចូល Diamond Music

អានអត្ថបទ៖ តារាស្រី៣នាក់នេះផ្ទុះរឿងដើមទ្រូងខ្លាំង ចុះទីផ្សារវិញ?