U-18 ក្រោនហាលអាវក្រោយស្មើ PVF វៀតណាម ពានរង្វាន់ ACT

2015-10-23 16:37:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមយុវជនភ្នំពេញក្រោនអាយុក្រោម១៨ឆ្នាំ (U-18) អស់តួនាទីក្នុងពានរង្វាន់ Asia Champions Trophy 2015 បន្ទាប់ពីការប្រកួតចុងក្រោយល្ងាចមិញនេះ ស្មើជាមួយក្រុមយុវជនវៀតណាម PVF ០-០ នៅកីឡដ្ឋាន RSN។

ឈុត U-18 ក្រោន

U-18 ក្រោនបានបើកទ្វារកីឡដ្ឋាន RSN របស់ខ្លួនស្វាគមន៍ក្រុមយុវជនវៀតណាម កាលពីម៉ោង៧ល្ងាចម្សិលមិញនេះសម្រាប់ការប្រកួតចុងក្រោយក្នុងពូល B ពានរង្វាន់ ACT ។ ការទទួលបានលទ្ធផលស្មើ ០-០ នេះមានន័យថាពួកគេអស់ឱកាសដើម្បីឡើងទៅវគ្គបន្ទាប់ទៀតហើយ ព្រោះ៦ប្រកួតកន្លងមកនេះ បានត្រឹមស្មើ៤ និងចាញ់២ប្រកួត។

កីឡាករក្រោនកំពុងលេងលើទីលាន

ចំពោះ៦ប្រកួតកន្លងមកគឺចាញ់ក្រុមខ្លាំងជប៉ុន Kashima Antlers ក្រៅដីដោយលទ្ធផល ៥-០ និងក្នុងដីខ្លួនឯង ២-០ ប៉ុន្តែស្មើក្រុមម៉ាឡេស៊ី Frenz United B នៅក្នុងដីខ្លួនឯង ១-១ ហើយបន្តស្មើក្រុមនេះនៅទឹកដីម៉ាឡេស៊ី២-២ ទៀត។ ចំណែកឯជួបក្រុមវៀតណាមវិញ ឈុតយុវជនក្រោននៅតែធ្វើមិនបានល្អទៀត ដោយប្រកួតទឹកដីវៀតណាមស្មើ ២-២ និងក្នុងដីខ្លួនឯងស្មើ ០-០ ។ លទ្ធផលនេះដែរគឺមានន័យថា U-18 ក្រោនចាញ់តែក្រុមខ្លាំងជប៉ុនមួយប៉ុណ្ណោះ ៕

អត្ថបទ៖ មុន្នី រម្យ