ឱកាសប្រឡងរាំបានមកដល់ហើយមានទាំង Hip-Hop ថែមទៀត

2015-10-26 17:10:51
ចំនួនមតិ 0 | ចំនួនចែករំលែក 0

ចន្លោះមិនឃើញ

សហព័ន្ធកីឡារាំកម្ពុជាដែលទទួលស្គាល់ដោយគណៈកម្មាធិការជាតិអូឡាំពិកកម្ពុជា និងក្រសួងអប់រំ យុវជន និងកីឡាបានប្រកាសចុះឈ្មោះពីការប្រកួតរាំជាលើកដំបូងរបស់ខ្លួនដែលមានឈ្មោះ Rivive Award បន្ទាប់ពីសហព័ន្ធបានបង្កើតឡើង។

នៅក្នុងសន្និសីទសារព័ត៌មានកាលពីថ្ងៃអាទិត្យម្សិលមិញដែលមានការចូលរួមដោយលោកស្រី ម៉ក់ វណ្ណស៊ីថា អភិបាលរងរាជធានីភ្នំពេញ និងលោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជា លោកស្រី ញ៉ែម មរកត ប្រធានសហព័ន្ធកីឡារាំកម្ពុជា និងជាអនុរដ្ឋលេខាធិការក្រសួងកិច្ចការនារីបានឲ្យដឹងថា នេះជាលើកដំបូងហើយដែលសហព័ន្ធរាំកម្ពុជារៀបចំការប្រកួតរាំ បន្ទាប់ពីសហព័ន្ធបានបង្កើតឡើង។

លោកស្រីបន្តថា ការរៀបចំប្រកួតនេះជាការបើកផ្លូវមួយសម្រាប់អ្នកចូលចិត្តរាំគ្រប់វ័យ និងគ្រប់ភេទចូលរួមការប្រកួតដែលនឹងធ្វើឲ្យវិស័យរាំកម្ពុជាទទួលបានការចាប់អារម្មណ៍ពីមហាជន និងរីកចម្រើនឈានឆ្ពោះទៅរកព្រឹត្តិការណ៍កីឡាស៊ីហ្គេមឆ្នាំ២០២៣ដែលប្រទេសកម្ពុជាធ្វើជាម្ចាស់ផ្ទះ។ ដូច្នេះកីឡារាំនឹងអាចក្លាយជាកីឡាមួយប្រភេទក្នុងព្រឹត្តិការណ៍ស៊ីហ្គេមឆ្នាំ២០២៣។

លោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជាបានឲ្យដឹងថា នៅលើឆាកអន្តរជាតិ កីឡារាំត្រូវបានបែកជាពីរប្រភេទគឺ Standard Dance និង Latin Dance។ ក្នុងប្រភេទនីមួយៗត្រូវមានចំណុច៥យ៉ាងដូចគ្នាថែមទៀតដែលគេបែងចែកសម្រាប់ការប្រកួតរាំង។ សម្រាប់ការប្រកួតនៅកម្ពុជាលើកទីមួយនេះមិនទាន់ទាមទារឲ្យមានកម្រិតស្តង់ដារអន្តរជាតិឡើយ ពីព្រោះសហព័ន្ធទើបតែបង្កើតឡើង និងមិនទាន់ចូលសមាជិកសហព័ន្ធកីឡារាំអន្តរជាតិនៅឡើយ។

លោកលើកឡើងថា ៖«យើងស្វាគមន៍អ្នកចូលចិត្តរាំគ្រប់វ័យ គ្រប់ភេទដែលមានបំណងចូលរួមប្រកួតប្រជែង។ មិនត្រឹមតែប៉ុណ្ណោះក្បាច់ Hip-hop និង Cheer leaders ក៏អាចចូលរួមប្រកួតដែរ ព្រោះយើងចង់បំផុសឲ្យចូលរួមបានច្រើន។ ជាពិសេសចុះឈ្មោះចូលរួមប្រកួតដោយអត់បង់ថ្លៃដែលខុសនឹងប្រទេសគេ ត្រូវបង់ថ្លៃទើបចូលរួមបាន»។

សម្រាប់ការប្រកួតរាំងលើកទី១នេះត្រូវបានត្រូវបានបែងចែកជា៣ប្រភេទគឺទី១ ការប្រកួតក្បាច់រាំអន្តរជាតិ (Standard Dance និង Latin Dane) ទី២ការប្រកួតក្រុមលើកទឹកចិត្ត (Cheer Leader Competition)ដែលត្រូវមានសមាជិកចាប់ពី៨នាក់ដល់១៦នាក់ និងទី៣ការប្រកួតក្រុម Hip Hop ដែលត្រូវមានសមាជិកចាប់ពី៤នាក់ដល់១០នាក់។

ការចុះឈ្មោះចាប់ផ្តើមពីថ្ងៃទី២៥ ខែវិច្ឆិកា ឆ្នាំ២០១៥តទៅនៅទីស្នាក់ការគណៈកម្មាធិការជាតិអូឡាំពិកកម្ពុជា។ សម្រាប់ការប្រកួតវិញនឹងចាប់ផ្តើមនៅថ្ងៃទី២៩ ខែវិច្ឆិកា ឆ្នាំ២០១៥នៅមជ្ឈមណ្ឌលប៉ូយ៉ុងខ្មែរ-តេក្វាន់ដូក្នុងពហុកីឡដ្ឋានជាតិ៕

អត្ថបទ៖ ជាន ចាន់រ៉ា

ពាក្យទាក់ទង

កីឡារាំកម្ពុជា

អត្ថបទពេញនិយម

ឧកញ៉ា គិត ស៊ូឡា ឡើងជានាយកគ្រប់គ្រងផ្នែកប្រតិបត្តិការ ក្រុមហ៊ុន រ៉ូយ៉ាល់គ្រុប អន្តរជាតិ

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

ត្រៀមកន្លែងថតរូបថ្មី! អាជ្ញាធរខេត្តកំពត ចាប់ផ្តើមសាងសង់ប្រាសាទលោកយាយម៉ៅលើកំពូលភ្នំទ្វារ ឡានម៉ូតូក៏អាចបើកឡើងដល់ដែរ

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

ផ្លូវជាតិលេខ៤៨ ស្រែអំបិល-កោះកុង សម្រេចសាងសង់បានពាក់កណ្តាលហើយ និងគ្រោងបញ្ចប់ចាក់កៅស៊ូឆ្នាំក្រោយ

ដោយសារភ្លៀងសិប្បនិម្មិត Cloud Seeding ឬ ទើបធ្វើឱ្យឌូបៃ ជួបប្រទះគ្រោះទឹកជំនន់ធ្ងន់ធ្ងរបំផុត?

អត្ថបទថ្មី

វគ្គ Semi Final របស់ Europa League ឆ្នាំនេះ សុទ្ធតែគីឡូធ្ងន់

ចាប់ផ្តើមដំណើរឆ្ពោះទៅរកភាពភ្លឺថ្លា POND'S Bright Miracle បង្ហាញពីភាពច្នៃប្រឌិតក្នុងការថែរក្សាស្បែក

តើក្រុមបាល់ទាត់ជម្រើសជាតិប្រទេសណាជាប់លេខ១ នៅទ្វីបអាស៊ី?

ត្រៀមខ្លួនហើយឬនៅ សម្រាប់ដំណើរទៅលេងបុណ្យភ្នំ-ឧទ្យានជាតិគិរីរម្យ នាដើមខែឧសភា ឆ្នាំ២០២៤ នេះ?

៣ ចំនុចដែលអ្នកគួរដឹង បើចង់ក្លាយជាម្ចាស់មកុដ MUC 2024

ងាយៗ! ពិនិត្យមើលសំបកកង់៣ចំណុចធំៗនេះដោយខ្លួនឯងបាន ចៀសវាងបែកកង់តាមផ្លូវ