អ្នកជំនាញប្រាប់ពីតិចនិកថែរក្សាស្បែកមិនឲ្យស្ងួតខូច

2015-10-26 20:52:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្បែកស្ងួតតែងកើតឡើងនៅក្នុងរដូវធ្លាក់ខ្យល់រងា ហើយបញ្ហានេះជាកង្វល់ខ្លាំងសម្រាប់ស្រីៗគ្នាយើង ព្រោះវាអាចធ្វើឲ្យស្បែកខូច រមាស់ ជ្រួញ ឡើងអាចម៍រុយដោយមិនដឹងខ្លួន បើសិនយើងមិនប្រុងប្រយ័ត្ន ខណៈដែលភាគច្រើនមិនសូវយល់ដឹងពីវិធីថែរក្សាត្រឹមត្រូវនោះឡើយ។ នេះជាការលើកឡើងរបស់ បរមី ហៅ Mini Angel អ្នកគ្រប់គ្រងហាង Mini Angel Makeup Arts & Studio។

ស្រីស្អាតស្បែកសរូបនេះ បានបង្ហើបប្រាប់ទំព័រសុខភាព និងសម្រស់របស់ Sabay ពីតិចនិកងាយៗក្នុងការថែរក្សាស្បែកមិនស្ងួតខូចនាខែធ្លាក់ខ្យល់៖

១. ប្រើឡេលាបមុខ និងដងខ្លួនប្រភេទ Moisturizer ឬ Moisturizer for Sensitive Skin

សម្រាប់អ្នកមានស្បែកស្ងួតធម្មតា សូមប្រើឡេលាបការពារសំណើមមួយថ្ងៃពីរដង គឺព្រឹក និងល្ងាច។ ករណីអ្នកមានស្បែកស្ងួតខ្លាំង អ្នកអាចលាយប្រេង Baby Oil ៧ ឬ ៨ តំណក់ទៅក្នុងដបឡេ ហើយលាបស្បែកក្នុងរយៈពេល ៤ ម៉ោងម្ដង។ Baby Oil ជាប្រេងផ្ដល់សំណើម និងធ្វើឲ្យស្បែកទន់រលោង ព្យាបាលកន្ទួលរមាស់ ការពារស្បែករបក និងប្រិត។

បញ្ជាក់៖ ជ្រើសរើស Moisturizer សម្រាប់ស្បែកមុខមកលាបលើផ្ទៃមុខ និង Moisturizer សម្រាប់ស្បែកខ្លួនមកលាបលើស្បែកដងខ្លួននិងដៃជើង។

២. ប្រើទឹកឃ្មុំសុទ្ធលាយជាមួយម្សៅពន្លៃ និងទឹកដោះគោឆៅ

តាមបែបធម្មជាតិមានលទ្ធផលខ្ពស់ អ្នកអាចប្រើទឹកឃ្មុំលាយជាមួយម្សៅពន្លៃ និងទឹកដោះគោឆៅ។ បន្ទាប់មកលាបលើស្បែក ទុករយៈពេល ១៥នាទី សឹមលាងជម្រះនឹងទឹកស្អាត។ ធ្វើបែបនេះ មិនត្រឹមតែបន្ថែមសំណើមស្បែកទន់រលោងប៉ុណ្ណោះទេ ថែមទាំងជួយឲ្យស្បែកសទៀតផង។

៣. ប្រើប្រេងអូលីវ លាយជាមួយម្សៅពន្លៃ

បើរកទឹកឃ្មុំសុទ្ធគ្មាន អ្នកអាចប្រើប្រេងអូលីវលាយជាមួយម្សៅពន្លៃ រួចលាបស្បែក ទុក១៥នាទី សឹមលាងជម្រះនឹងទឹកស្អាត។ ប្រេងអូលីវជួយផ្ដល់សំណើមដល់ស្បែក។ បន្ថែមលើវិធីសាមញ្ញទាំង៣ខាងលើនេះ អ្នកត្រូវទទួលទានទឹក និងបន្លែឲ្យបានគ្រប់គ្រាន់ផងដែរ ដើម្បីបន្ថែមសំណើមដល់ស្បែក។

បើសិនអ្នកគ្មានពេលគ្រប់គ្រាន់ដើម្បីរកគ្រឿងផ្សំបែបធម្មជាតិខាងលើ អ្នកអាចថែរក្សាសុខភាពស្បែកមុខ ដងខ្លួន និងដៃជើង ដោយការជ្រើសរើសផលិតផលគុណភាពខ្ពស់ដែលអាចផ្ដល់សំណើមដល់ស្បែកអ្នក ហើយថែមទាំងជួយឲ្យសស្អាតទៀតផង។

ខែតុលានេះ ផន និងវ៉ាសឺលីន មានកម្មវិធីផ្ដល់ជូនពិសេសនៅតាមផ្សារទំនើប និងឱសថស្ថានទំនើបៗនៅភ្នំពេញ ដូចជា ផ្សារឡាក់គី, ផ្សារអ៊ីអន, Guardian, Ucare Pharma, BA Outlet របស់ផន។ ទិញក្រែមលាបមុខ Pond Flawless White 50g ឬឡេលាបស្បែកវ៉ាសឺលីន 400ml នឹងទទួលបានកាបូប Makeup ផន, អាវយឺត, ឆ័ត្រ, កាបូបយួរ, កន្សែងបង់ក។ លើសពីនេះ ក៏មានការទិញ១ ថែម១ផងដែរ។ ការផ្ដល់ជូនពិសេសអាចខុសគ្នាតាមផ្សារទំនើប និងខែ៕