គង់ វិច្ឆិកា ធ្វើខួប២០ឆ្នាំយប់មិញ

2015-11-18 17:17:43
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង និង ជាពិធីការិនី កញ្ញា គង់ វិច្ឆិកា បានធ្វើខួបគម្រប់២០ឆ្នាំរបស់ខ្លួន កាលពីយប់មិញនេះ នៅឯភោជនីយដ្ឋាន ម្ដាយអតីតតារាសម្ដែង សារ៉ាយ សក្ខណា ស្ថិតក្នុងខណ្ឌទួលគោក ខួបរបស់នាងមានអ្នកសិល្បៈចូលរួមតិចតួចប៉ុណ្ណោះ។

វិច្ឆិកា បានថ្លែងឲ្យដឹងថា ខួបរបស់នាងកាលពីយប់មិញនេះ បានអញ្ជើញភ្ញៀវប្រហែលជិត១០តុ ហើយក្នុងនោះមានអ្នកសិល្បៈតែជាង១០នាក់ តែប៉ុណ្ណោះ។ មូលហេតុដែលនាំឲ្យ តារាស្រីម្នាក់នេះ មិនបានអញ្ជើញអ្នកសិល្បៈច្រើនមកចូលរួមក៏ព្រោះ ក្រុមគ្រួសារនាង ឧស្សាហ៍មានកម្មវិធី មិនចង់ រំខានគេច្រើន។ "កាលឆ្នាំមុនខ្ញុំធ្វើម្ដងហើយ កាលណោះខ្ញុំហៅតារាច្រើន តែឆ្នាំនេះ ខ្ញុំហៅតែអ្នកជិតស្និទ្ធទេ មិនចង់រំខានគេច្រើនដង"។

កញ្ញា គង់ វិច្ឆិកា បានបញ្ជាក់ថា ខួបយប់មិញនេះមិនមានអ្នកណាចេញមុខឧបត្ថម្ភពីក្រោយខ្នងឡើយ ការចំណាយទាំងអស់ខ្លួននាងជាអ្នករ៉ាប់រង។

គង់ វិច្ឆិកា បានបោះជំហានចូលសិល្បៈជាង ៣ឆ្នាំប៉ុណ្ណោះ ដោយធ្លាប់ថតខ្សែភាពយន្តបាន៥ ទៅ៦ រឿងមកហើយ ការសម្ដែងរបស់នាងបានត្រឹមតួអង្គបន្ទាប់បន្សំទេ។ ថ្មីៗនេះ នាងត្រូវបានស្ថានីយទូរទស្សន៍ហង្សមាស ផ្ដល់ឱកាសឲ្យធ្វើជាពិធីការិនី ក្នុងកម្មវិធី "តំបន់យុវវ័យ" ដោយការមកចាប់អាជីពពិធីការិនីកម្មវិធីផ្សាយផ្ទាល់នេះ វិច្ឆិកា ទើបតែធ្វើបាន២សប្ដាហ៍តែប៉ុណ្ណោះ។

ឆ្នាំ ២០១៤ កន្លងទៅនាងធ្លាប់ធ្វើខួបកំណើតទ្រង់ទ្រាយធំមួយ ដោយមិត្តសិល្បៈខ្លះអះអាងថា គឺជា ការជួយឧបត្ថម្ភពីគូស្នេហ៍នៅក្រៅប្រទេស ប៉ុន្តែ តារារូបនេះបដិសេធន៍៕