Porsche ប្រាប់ថា Paul Walker ជាអ្នកបង្កហេតុស្លាប់ដោយខ្លួនឯង

2015-11-18 21:55:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពេលត្រូវកូនស្រីរបស់អតីតតារាសម្ដែង Paul Walker ដាក់ពាក្យប្ដឹងពាក់ព័ន្ធការស្លាប់របស់ឪពុកនាង ក្រុមហ៊ុន Porsche ដែលក្រុមហ៊ុនរថយន្តអាល្លឺម៉ង់បានឆ្លើយតបវិញថាកំហុសគឺស្ថិតនៅលើអ្នកបើកបរទាំងស្រុង។

អ្នកតំណាងរបស់កូនស្រីអតីតតារាសម្ដែងអាមេរិក Paul Walker បានប្រាប់ទៅកាន់បណ្ដាញសារព័ត៌មាន TMZ ថា ក្រុមហ៊ុនរថយន្ត Porsche បានប្រកែកមិនទទួលខុសត្រូវចំពោះហេតុការណ៍តក់ស្លុតឆក់យកជីវិតរបស់ Paul Walker។ "ពិតជាគួរឲ្យសោកស្ដាយខ្លាំងណាស់ដែល Porsche មិនទទួលខុសត្រូវហើយបែរជាទម្លាក់កំហុសឲ្យទៅជនរងគ្រោះទៅវិញ"។ អ្នកតំណាងរបស់ Meadow Walker បានបន្ថែមទៀតថា៖ "Paul បានបាត់បង់ជីវិតនៅក្នុងឡាន Carrera GT របស់ Porsche។ ខុសពីអ្វីដែលម៉ាករថយន្តនេះលើកឡើង ពួកយើងដឹងច្បាស់ថាការរចនាកៅអីរបស់ឡាននេះគឺមិនត្រូវតាមស្តង់ដារ ហើយទាំងល្បឿនកំណត់គឺមិនដូចជាអ្វិដែលគេផ្សាយក្នុងពាណិជ្ជកម្មទាល់តែសោះ។ បើសិនជា Porsche បានច្នៃឲ្យត្រឹមត្រូវស្តង់ដារម្ល៉េះពេលនេះ Paul កំពុងថតរឿង "Fast & Furious 8” នៅឡើយ ហើយ Meadow ក៏មិនក្លាយទៅជាកូនកំព្រាឪពុកដែរ"។

ឆ្លើយតបទៅនឹងការចោទប្រកាន់របស់ Meadow Walker ក្រុមហ៊ុនរថយន្តអាល្លឺម៉ង់មួយនេះបានលើកឡើងថា "Paul ជាអ្នកចេះដឹងនិងចេះបើកបររថយន្ត មិនគួរណាបើកឡានក្នុងល្បឿនហួសកំណត់ទាំងដែលឡានកំពុងមានបញ្ហានោះទេ"។ តំណាងរបស់រថយន្តម៉ាកល្បីមួយនេះក៏បានបន្តថា៖ "រថយន្តមួយនេះត្រូវបានប្រើហួសកំណត់ ហើយម្ចាស់របស់វាក៏មិនបានថែទាំវាឲ្យបានត្រឹមត្រូវដែរ"៕

ចុចអាន៖Paul Walker ជាប់ក្នុងបញ្ជីតារាស្លាប់ដែលរកចំណូលបានច្រើនជាងគេ លើកដំបូង

ប្រែសម្រួល៖ សុវណ្ណផៃ ប្រភព៖tmz