នំបញ្ចុកពោះគោទឹកប្រហុក រសជាតិឆ្ងាញ់ជាប់មាត់

2015-12-08 18:33:09
ចំនួនមតិ 0 | ចំនួនចែករំលែក 0

ចន្លោះមិនឃើញ

នំបញ្ចុកសម្លប្រហើរ សម្លការី ឬសម្លណាំយ៉ា អ្នកប្រាកដជាធ្លាប់ស្គាល់រសជាតិ និងញ៉ាំជាញឹកញាប់ ប៉ុន្តែនំបញ្ចុកពោះគោទឹកប្រហុកវិញ អ្នកប្រហែលជាមិនធ្លាប់ភ្លក់ឡើយ។

សំបូរដោយបន្លែបូករួមជាមួយពោះគោទឹកប្រហុក ចំណិតគល់ស្លឹកគ្រៃ និងសណ្ដែកដីបុក ធ្វើឱ្យនំដ៏សក្បុសមានរសជាតិប្លែកមាត់។ ម្យ៉ាងទៀតគ្រឿងផ្សំមិនអាចចោលបាន ក្រូចឆ្មារ និងម្ទេសក្រហមឆ្អៅ ដែលពោរពេញដោយជាតិជូរនិងហឹរ ធ្វើឱ្យនំសរសៃវែងៗនេះ កាន់មានឱជារសកាន់តែឆ្ងាញ់។

នំបញ្ចុកពោះគោដែល Sabay បានរៀបរាប់នេះ មានលក់នៅផ្លូវកាច់ជ្រុង ទល់មុខសាលាសង្កាត់ផ្សារកណ្ដាល ១។ បើចង់សាករសជាតិថ្មី ប្រិយមិត្តអាចបញ្ជាទិញបាន តាមរយៈទូរសព្ទលេខ ០១២ ៩៨៩ ៦៧០ ឬ ០១៦ ២៩១ ៩៥៩ ប៉ុន្តែអ្នកស្រី នាថ ដែលជាអ្នកលក់ប្រាប់ថា មិនមានសេវាដឹកជញ្ជូនដល់កន្លែងទេ៕

ចុចអាន៖ យុវតីបីនាក់នាំយកតៅហ៊ូអាំងរសជាតិដើមពីប៉ោយប៉ែតមកភ្នំពេញ

ចុចអាន៖ ហាងមាន់បំពងល្បីឈ្មោះពីកូរ៉េ រសជាតិថ្មី ហឹរផ្អែមប្លែកមាត់

អត្ថបទ៖ អ៊ុំ សុភក្តិ