៥យ៉ាង អាចទាយដឹងថា Crush មានចិត្តស្រលាញ់អ្នកវិញ ច្បាស់ជាងការទាយដោយបកត្របកផ្កា

2016-01-05 20:31:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ទម្លាប់មួយដែលគេនិយមលេងតៗគ្នា នៅពេលចង់ដឹងថា នរណាម្នាក់ដែលអ្នកលួចស្រលាញ់ (Crush) ថាតើគេស្រលាញ់យើងវិញឬអត់ គឺការទាយតាមការបេះត្របកផ្កា រួចនិយាយថាស្រលាញ់....មិនស្រលាញ់....ស្រលាញ់....។ ពេលខ្លះវាបានក្លាយជាការពិត លើពាក្យថាស្រលាញ់ ឬ មិនស្រលាញ់នោះ ដោយផ្អែកលើរឿងពិតនៃគូស្នេហ៍មួយចំនួន។

ជាល្បែងមួយមានប្រភពមកពីប្រទេសបារាំង ការទាយខាងលើនោះ គេបានធ្វើវាឡើងលើផ្កាម្យ៉ាងឈ្មោះ Oxeye Daisy ដើម្បីបញ្ជាក់ថាតើមនុស្សដែលអ្នកលួចស្រលាញ់ គេស្រលាញ់យើងវិញឬអត់? ការបកស្រាយតាមបែបវិទ្យាសាស្ត្រ គេមិនអាចបញ្ជាក់ថាការទាយតាមរយៈបេះត្របកផ្កាជាការពិតនោះទេ ប៉ុន្តែគេបានបង្ហាញនូវសញ្ញាមួយចំនួន ដែលជាសញ្ញាណអាចឲ្យដឹងថា Crush ចាប់ផ្ដើមលួចស្រលាញ់អ្នកវិញដែរ៖

១. គេចាប់ផ្ដើមនិយាយរកអ្នកនៅក្បែរអ្នកមុន

គេមិនសូវនិយាយរកអ្នកដោយផ្ទាល់ទេ ប៉ុន្តែគេព្យាយាមក្លាយជាមិត្តនឹងអ្នក។ ពេលគេខ្លះអ្នកអាចនិយាយចំឈ្មោះអ្នកដោយប្រយោល។ អ្នកអាចរកឃើញថា គេព្យាយាមស្វែងយល់ពីអ្នកឲ្យច្បាស់ តាមរយៈការសួរនាំឬបង្ហាញភាពជិតស្និទ្ធជាមួយមិត្តភ័ក្ដិអ្នក សួរនាំពីគណនី Facebook អ្នករៀនសាលាណា ធ្វើការនៅឯណា? នោះហើយជាសញ្ញាណដំបូង។

២. គេញញឹមពេលសម្លឹងមើលមុខអ្នក

ម្ដងម្កាល អ្នកអាចចាប់បានថា គេលួចញញឹមពេលសម្លឹងឃើញមុខអ្នក។ បើអ្នករកឃើញថាមានសកម្មភាពបែបនោះច្រើនដង ប្រាកដណាស់ថា គេក៏មានចិត្តលើអ្នកវិញដែរ ប៉ុន្តែគេមិនហ៊ាន និងមានអារម្មណ៍ខ្មាសអៀន ច្រើនជាងអ្នក។

៣. គេចាប់ផ្ដើមសរសើរពីអ្នក

គេចាប់ផ្ដើមនិយាយល្អពីអ្នក លើកសរសើរពីគំនិតរបស់អ្នក ដោយអ្នកបានធ្វើអ្វីមួយដែលលេចធ្លោ ត្រូវនឹងចំណង់ចំណូលចិត្ត ឬភាពងប់ងុលរបស់គេ។

៤. គេបង្ហាញអារម្មណ៍អន់ចិត្ត ពេលអ្នកនៅជាមួយអ្នកផ្សេង

គេមិនហ៊ាននិយាយនោះទេ តែកាយវិការរបស់គេអាចអ្នកដឹងបាន។ អ្នកអាចសម្គាល់ឃើញថា គេបង្ហាញអារម្មណ៍មិនសប្បាយចិត្តពេលអ្នកនៅជាមួយអ្នកផ្សេងច្រើនដង។ ទឹកមុខស្រពាប់ស្រពោន ធ្វើការមិនល្អ ជាដើម។

៥. គេចាប់ផ្ដើមជឿទុកចិត្តលើអ្នក

ពេលគេពិបាកចិត្ត ឬមានបញ្ហាអ្វីមួយ គេចាប់ផ្ដើមសុំជំនួយពីអ្នក។ សកម្មភាពនោះនឹងក្លាយជាទម្លាប់ ហើយនោះក៏ព្រោះតែអ្នកបានធ្វើឲ្យគេជឿជាក់លើអ្នកដែរ។ គេចាប់ផ្ដើមខ្វល់ពីអ្នកខ្លះៗ ខុសប្លែកពីពេលមុន និងព្យាយាមការពារអ្នកផងដែរ៕

ចុះអ្នកមានសង្កេតឃើញ Crush អ្នកប្រែប្រួលដូចខាងលើទេ?

ចុចអាន៖ វិធីសាស្ត្រ៩យ៉ាង ដើម្បីយកឈ្នះបេះដូង Crush របស់អ្នក

ប្រែសម្រួល៖ មាន រតនា ប្រភព៖ likelovequotes