HTC បន្ថែមពណ៌ស៊ីជម្ពូលើទូរសព្ទ One A9 ធ្វើឲ្យកាន់តែដូច iPhone 6s

2016-01-08 15:44:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ទូរសព្ទ One A9 ដែលក្រុមហ៊ុន HTC បានបញ្ចេញកាលពីខែវិច្ឆិកាកន្លងទៅ គឺមានជម្រើសតែបួនពណ៌ប៉ុណ្ណោះ ប៉ុន្តែពេលថ្មីៗនេះក្រុមហ៊ុនបានបន្ថែមពណ៌ស៊ីជម្ពូ ជាពណ៌ថ្មីមួយទៀត។

ការបន្ថែមពណ៌ស៊ីជម្ពូនេះកាន់តែធ្វើឲ្យទូរសព្ទដែលធ្លាប់ត្រូវបានគេរិះគន់ថាចម្លងម៉ូដតាម iPhone 6 និង iPhone 6s នោះ មានលក្ខណៈដូចគ្នាកាន់តែខ្លាំងឡើងមួយកម្រិតទៀត។ គួរបញ្ជាក់ថាក្រៅពីមានពណ៌ថ្មីទូរសព្ទនេះមិនមានលក្ខណៈសម្បត្តិពិសេសអ្វីខុសពីទូរសព្ទពណ៌ដទៃទៀតនោះទេ។

ទូរសព្ទពណ៌ស៊ីជម្ពូនេះនេះបច្ចុប្បន្នមានលក់តែនៅទឹកដីកោះតៃវ៉ាន់ដែលជាទីតាំងកំណើតនៃក្រុមហ៊ុនតែប៉ុណ្ណោះ ហើយខាងក្រុមហ៊ុនក៏មិនបានឲ្យដឹងថានឹងមានដាក់លក់នៅជុំវិញពិភពលោកឬយ៉ាងណានោះទេ។

នៅថ្ងៃទី១៥ ខែមករាទូរសព្ទខាងមុខ នឹងមានដាក់លក់លើទីផ្សារនៃកោះតៃវ៉ាន់ ដោយប្រភេទ RAM ២GB/អង្គចងចាំ ១៦GB មានតម្លៃប្រមាណ ៤៥០ដុល្លារ និងប្រភេទ RAM ៣GB/អង្គចងចាំ ៣២GB មានតម្លៃប្រមាណ ៤៨០ដុល្លារ៕

ចុចអាន៖ Lumia 950XL បំពាក់កាមេរ៉ាយក្ស មុខងារស្កេនប្រស្រីភ្នែក ដាក់លក់លើទីផ្សារកម្ពុជាហើយ!

ប្រែសម្រួល៖ ហៃ សុខហេង ប្រភព៖ GSMArena