ក្តារចុច Phum Keyboard មានអ្នកទាញយក ១ លានដងពី Play Store
- 2016-01-14 17:15:55
- ចំនួនមតិ 0 | ចំនួនចែករំលែក 0
ក្តារចុច Phum Keyboard មានអ្នកទាញយក ១ លានដងពី Play Store
ចន្លោះមិនឃើញ
គិតត្រឹមថ្ងៃម្សិលមិញ ក្តារចុចខ្មែរ Phum Keyboard មានអ្នកទាញយក ១ លានដងពី Play Store បន្ទាប់ពីដាក់ប្រើប្រាស់បានជាង ៣ ឆ្នាំ។
លោក ខេង វ៉ាន់ថា អ្នកដឹកនាំក្រុម Biz Solution ជាក្រុមអភិវឌ្ឍក្តារចុច Phum Keyboard បានឲ្យដឹងថា ការទាញយកទៅប្រើប្រាស់យ៉ាងច្រើននេះ បង្ហាញពីការគាំទ្រសម្រាប់ការបង្កើតក្តារចុចខ្មែរនេះ។ ការសម្រេចបានជោគជ័យដ៏សម្បើមនេះ ក៏ដោយសារមានការជួយជ្រោមជ្រែងពីក្រុមហ៊ុនជាដៃគូសហការ ដែលបានគាំទ្រការប្រើប្រាស់ក្តារចុចរបស់លោកលើឧបករណ៍បច្ចេកវិទ្យារបស់ពួកគេ។
ក្តារចុចខ្មែរ Phum Keyboard អាចប្រើប្រាស់បានទាំងនៅលើ iOS និង Android។ ក្តារចុចនេះមានមុខងារអាចទស្សន៍ទាយពាក្យទាំងភាសាខ្មែរនិងអង់គ្លេស មាន Theme ផ្សេងៗគ្នាសម្រាប់ឱ្យអ្នកប្រើប្រាស់ជ្រើសរើស រួមទាំងអាចវាយអក្សរខ្មែរយូនីកូដតាម Bluetooth Keyboard ទៀតផង។ ក្តារចុចខ្មែរនេះ ក៏ត្រូវបានអភិវឌ្ឍស្របតាមស្តង់ដាអក្សរខ្មែរផងដែរ។
លោកវ៉ាន់ថាបានបន្តថា ឆ្លើយតបការគាំទ្រ ក្រុមលោកនឹងបន្តអភិវឌ្ឍក្តារចុចខ្មែរ Phum Keyboard ដោយបន្ថែមមុខងារពិសេសជាច្រើនទៀតដើម្បីធ្វើឲ្យការប្រើប្រាស់កាន់តែប្រសើរ៕
-ទាញយក Phum Keyboard សម្រាប់ iOs/Android
អានអត្ថបទ៖ ជៀប គន្ធា គ្មានជំនាញ IT អាចបង្កើត App រៀនតែតាម YouTube
អត្ថបទ៖ ប៊ុណ្ណារ៉ា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
