លោកតាក្បាលដែក ក្នុងរឿងបាល់ទាត់ទិនហ្វី ឈប់ពីសិល្បៈ៧ឆ្នាំ ឡើងទម្ងន់ដល់ ៨៧គីឡូ

2016-01-18 18:21:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីបាត់ខ្លួនពីវិស័យសិល្បៈអស់ជាយូរឆ្នាំ ថ្មីៗនេះតារាសម្ដែងហុងកុងជើងចាស់ Wong Yat-feiបានបង្ហាញខ្លួនក្នុងកម្មវិធីមួយ ប៉ុន្តែអ្វីដែលអ្វីដែលធ្វើឲ្យមនុស្សម្នាភ្ញាក់ផ្អើល ដោយសារតារារូបនេះឡើងទម្ងន់យ៉ាងខ្លាំង។ នេះផ្អែកតាម HKChannel។

តារាវ័យ៧០ឆ្នាំរូបនេះបង្ហាញខ្លួននៅសាធារណៈចុងក្រោយកាលពីប៉ុន្មានឆ្នាំមុន ហើយរាងកាយរបស់លោកស្ថិតក្នុងសភាពធម្មតាមិនដូចសព្វថ្ងៃទេ។ តារាកើតនៅម៉ាកាវរូបនេះបាននិយាយថា៖"ខ្ញុំចេញពីសិល្បៈ៧ឆ្នាំ ចាប់តាំងពីពេលនោះមកគីឡូខ្ញុំចាប់ផ្ដើមឡើង។ ពេលនេះខ្ញុំមានទម្ងន់៨៧គីឡូក្រាមគឺឡើង២០គីឡូក្រាមបើប្រៀបធៀបនឹងឆ្នាំមុនៗ។ ជាមួយគ្នានេះដែលសុខភាពក៏កាន់តែចុះខ្សោយ។ ខ្ញុំពិបាកក្នុងការដើរ ដកដង្ហើមមិនស្រួលដូចធម្មតា។ ពេលនេះខ្ញុំកំពុងមានជំងឺសន្លាក់ឆ្អឹងធ្ងន់ធ្ងរទៀត"។

គ្រូពេទ្យបានផ្ដល់ដំបូន្មានឲ្យ Wong Yat-fei សម្រាកឲ្យបានល្អ ព្យាយាមសម្រក់ទម្ងន់និងហាត់ប្រាណធ្វើចលនារាងកាយខ្លះដើម្បីកុំឲ្យប្រឈមមុខនឹងបញ្ហាខ្វិនជើងទាំងពីរ។ តួអង្គតាក្បាលដែកក្នុងរឿង “Shaolin Soccer” បានចាកចេញពីហុងកុងទៅរស់នៅទីក្រុង Shenzhen ជាមួយគ្រួសារអស់រយៈពេល២ឆ្នាំមកហើយ។ និយាយពីឱកាសចូលប្រឡូកការសម្ដែងវិញ Yat-fei និយាយថា វាដូចជាសុបិនមួយនៅឆ្ងាយ ព្រោះពេលនេះលោកធាត់ខ្លាំងដើរមិនចង់រួចទៅហើយ៕