អ្នកគ្មានលិខិតបញ្ជាក់ទីលំនៅដើម្បីសុំផ្ដល់អត្តសញ្ញាណប័ណ្ណសញ្ជាតិខ្មែរ អាចធ្វើបានហើយ

2016-02-05 17:57:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ដើម្បីធានាឲ្យការចេញលិខិតបញ្ជាក់ទីលំនៅសម្រាប់គោលដៅនៃការស្នើសុំផ្ដល់អត្តសញ្ញាណប័ណ្ណសញ្ជាតិខ្មែរ ក្នុងឃុំសង្កាត់ ជូនប្រជាពលរដ្ឋដែលពុំទាន់មានសៀវភៅស្នាក់នៅ និងសៀវភៅគ្រួសារ ប្រព្រឹត្តដោយរលូននិងប្រសិទ្ធភាព ក្រសួងមហាផ្ទៃបានរៀបចំបែបបទសុំធ្វើ និងផ្ដល់អត្តសញ្ញាណប័ណ្ណសញ្ជាតិខ្មែរ ដូចខាងក្រោម៖

ប្រជាពលរដ្ឋខ្មែរត្រូវទៅបង្ហាញខ្លួនដោយផ្ទាល់នៅចំពោះមុខនាយប៉ុស្តិ៍នគរបាលរដ្ឋបាលដែលសាម៉ីខ្លួនមានលំនៅស្ថាននៅក្នុងឃុំសង្កាត់ដែលខ្លួនត្រូវបំពេញបែបបទដើម្បីស្នើសុំផ្ដល់អត្តសញ្ញាណប័ណ្ណសញ្ជាតិខ្មែរត្រូវភ្ជាប់មក៖

សំបុត្រកំណើតបញ្ជាក់ពីសញ្ជាតិខ្មែរ ឬឯកសារផ្លូវការបញ្ជាក់ពីសញ្ជាតិខ្មែរ -សាក្សី១រូបដែលមានលំនៅស្ថានក្នុងឃុំសង្កាត់ជាមួយ។ សាក្សីត្រូវនាំមកជាមួយអត្តសញ្ញាណប័ណ្ណសញ្ជាតិខ្មែរ និងសៀវភៅស្នាក់នៅឬសៀវភៅគ្រួសាររបស់ខ្លួន។

សិទ្ធសុំលិខិតបញ្ជាក់ទីលំនៅ បានតែនៅក្នុងឃុំសង្កាត់ដែលសាម៉ីខ្លួនមានលំនៅស្ថាន និងដែលខ្លួនត្រូវបំពេញបែបបទដើម្បីស្នើសុំផ្ដល់អត្តសញ្ញាណប័ណ្ណសញ្ជាតិខ្មែរប៉ុណ្ណោះ។ ចំពោះការចេញលិខិតនេះមិនតម្រូវឲ្យប្រជាពលរដ្ឋបង់ថ្លៃសេវារដ្ឋបាលនោះទេ។

លិខិតបញ្ជាក់ទីលំនៅសម្រាប់គោលដៅនៃការស្នើសុំផ្ដល់អត្តសញ្ញាណប័ណ្ណសញ្ជាតិខ្មែរនេះមិនសម្រាប់បញ្ជាក់អំពីភាពជាកម្មសិទ្ធិលើលំនៅស្ថានឬទីសំណាក់នោះឡើយ៕

សូមចុចអាន៖ ហេតុផល ៣ ចំណុច ញ៉ាំងឲ្យកំណើននៃការធ្វើ និង ប្ដូរអត្តសញ្ញាណប័ណ្ណថ្មីធ្លាក់ចុះដើមឆ្នាំនេះ

គំរូលិខិតបញ្ជាក់ទីលំនៅ