ខាត់ សុឃីម និយាយពីឧបសគ្គជីវិតគ្រានាងជាម្ដាយមិនបានរៀបការ

2016-02-10 17:00:14
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង និងជាពិធីការិនីល្បីឈ្មោះអ្នកនាង ខាត់ សុឃីម ទម្លាយពីឧបសគ្គខ្លះៗក្នុងដំណើរជីវិតលើវិថីសិល្បៈ និងជីវិតឯកជនរបស់នាង។ អ្នកនាង ខាត់ សុឃីម បានរំឭកពីឧបសគ្គក្នុងជីវិត និងកត្តាប្រឈមការដែលនាងមានបុត្រដោយមិនបានរៀបការ។

តារាដែលមិនធ្លាប់បាត់មុខពីសិល្បៈចាប់តាំងពីចាប់អាជីពសិល្បៈរូបនេះ បានប្រាប់កម្មវិធី “ការណាត់ជួបដ៏អស្ចារ្យ” របស់ស្ថានីយទូរទស្សន៍ PNN ដែលផ្សាយនៅថ្ងៃអង្គារម៉ោង៨:៣០នាទី ថា ការមានបុត្រដោយមិនទាន់រៀបការពិតជារឿងដ៏ប្រឈមមួយនៅក្នុងជីវិត។ នាងថា ជាម្ដាយដែលមិនបានរៀបការ នាងតែងត្រូវបានគេរិះគន់ជារឿយៗនៅក្នុងសង្គម។

លើសពីនោះទៅទៀត ខាត់ សុឃីម បានលើកឡើងថា ការដែលនាងត្រូវមើលថែកូនដោយផ្ទាល់ដៃតែម្នាក់ឯងគឺពិតជារឿងមួយដ៏លំបាក។

“សម្រាប់នាងខ្ញុំជាមនុស្សម្នាក់ដែលមានកូន ហើយកូនទី១នោះគេចាត់ទុកថាជាកូនអត់ឪពុក ចឹងទៅយើងរងនឹងពាក្យនិន្ទាគេច្រើន ដែលគេថាយើងមានកូនអត់ប្ដីអ៊ីចឹង...”

ខាត់ សុឃីម និងស្វាមីរបស់នាង លោក អ៊ិន សុបញ្ញា បាននិយាយថា សុឃីម រងការរិះគន់សូម្បីតែនៅពេលដែលពួកគេប្រកាសថានឹងរៀបការ។ គូស្វាមីភរិយានេះនិយាយថា អ្នកខ្លះរិះគន់ព្រោះតែលោក បញ្ញា នៅក្មេងពេក មិនទាន់ចាស់ទុំអាចធ្វើជាប្ដីល្អបាន។

“ខ្ញុំមិននឹកស្មានដល់ថា ការស្រលាញ់គ្នារបស់ពួកខ្ញុំធ្វើឲ្យមហាជនចាប់អារម្មណ៍ខ្លាំង ហើយធ្វើឲ្យអ្នករិះគន់ខ្លាំង ហើយមានអ្នកដាក់ទោសខ្ញុំច្រើន ខ្ញុំមិននឹកស្មានដល់ ព្រោះការស្រលាញ់គ្នាគ្មានកំហុសទេ”។

រហូតមកទល់នឹងពេលនេះមិនមែនតែអ្នកនាង ខាត់ សុឃីម ទេដែលបាននិយាយពីរឿងរ៉ាវជីវិតពិតរបស់ខ្លួននៅក្នុងកម្មវិធី “ការណាត់ជួបដ៏អស្ចារ្យ” ។ កាលពីវគ្គមុនពិធីការិនីល្បីឈ្មោះកញ្ញា ថន លក្ខិណា បានទម្លាយរឿងរ៉ាវគ្រួសារឲ្យមហាជនបានដឹង។ ពិធីការិនីរូបនេះបានសម្រក់ទឹកភ្នែកពេលដែលរំឭកពីអតីតកាលរបស់គ្រួសារនាង។ តារាផ្សេងទៀតក៏ធ្លាប់បានបង្ហាញខ្លួនក្នុងកម្មវិធីនេះដែរ មានដូចជា ចាន់ គង់កា នេន ទុំ និងអ៊ុន សុធាជាដើម។

កម្មវិធីផ្សាយថ្មីរបស់ PNN បានដាក់បញ្ចូលកម្មវិធីកម្សាន្តជាច្រើនដែលក្នុងនោះរួមមានកម្មវិធី ស៊ីអារម្មណ៍ ដែលកំពុងទទួលបានប្រជាប្រិយភាពខ្លាំង និងដំណើរការកម្មវិធីដោយលោក ប៉ែន ចំរ៉ុង។

ដោយមានការស្នើពីក្រសួងព័ត៌មាន PNN បានផ្លាស់ការដាក់បញ្ចាំងខ្សែភាពយន្តភាគថៃនៅម៉ោង៦ល្ងាច និងម៉ោង៩យប់វិញ។ ចាប់ពីម៉ោង៧ដល់ម៉ោង៩យប់ គឺជាការផ្សាយព័ត៌មាន និងកម្មវិធីកម្សាន្ត៕

អត្ថបទ៖ ពាណិជ្ជកម្ម

ពាក្យទាក់ទង

ការផ្សាយពាណិជ្ជកម្ម

អត្ថបទពេញនិយម

ស្រោមអនាម័យ ប្រវែង ២០សង់ទីម៉ែត្រ សល់ពី ២០០ឆ្នាំមុន ត្រូវបានដាក់តាំងបង្ហាញនៅសារមន្ទីរ

ស៊ូ មេឡូឌី (Melody Sou) ស្រ្តីខ្មែរទី១ នាំយក កីឡាភីឡាធីស (Pilates) មកប្រទេសកម្ពុជា មានចក្ខុវិស័យធំ ក្នុងការនាំយកប្រទេសកម្ពុជាទៅឆាកអន្តរជាតិ

ថៃ ហៅអនុព័ន្ធយោធាបរទេស ៤២ប្រទេស មកស្តាប់អំពីស្ថានការណ៍តានតឹង នៅព្រំដែន កម្ពុជា-ថៃ

ព្រឹទ្ធសភាថៃ ជំរុញរដ្ឋាភិបាល បើកសម័យប្រជុំពិសេសមួយ រកដំណោះស្រាយ ចំពោះជម្លោះព្រំដែន

កាន់តែទាក់ទាញ ទេសចរណ៍នៅសៀមរាប ម៉តូធំអូសរម៉កបំពាក់បាសធំៗត្រៀមជូនភ្ញៀវដើរលេងកម្សាន្ត

កូនស្រី ពិធីការិនី គង់ សុជាតិ បង្កើតស្នាដៃកាន់តែអស្ចារ្យក្នុងវិស័យដើរម៉ូដ កាន់តែទាក់ភ្នែកមហាជន

អត្ថបទថ្មី

គ្រូពេទ្យឯកទេសផ្នែកសើស្បែកបានបង្ហាញពីមូលហេតុ ដែល Olay វីតាមីន C ត្រូវបានណែនាំសម្រាប់ទទួលបានស្បែកភ្លឺថ្លា ក្មេងជាងវ័យ

គម្រោងហេដ្ឋារចនាសម្ព័ន្ធស្ពានឆ្លងកាត់ទន្លេមេគង្គខេត្តក្រចេះ និងផ្លូវតភ្ជាប់ សម្រេចបាន ៧០,១០% ហើយ

ដំណើរជីវិតលោក Dave Leduc ពីកីឡាករសាមញ្ញម្នាក់នៅប្រទេសកាណាដា មកក្លាយជាកំពូលកីឡាករប្រដាល់ Lethwei របស់ប្រទេសមីយ៉ាន់ម៉ា

ឱសថស្ថាន UCARE នឹងបើកទីតាំងថ្មីនៅអាកាសយានដ្ឋានអន្តរជាតិតេជោ និងកោះពេជ្រ

ក្រសួងការងារ បញ្ជូនមណ្ឌលការងារចល័ត ទៅព្រំដែនកម្ពុជា-ថៃ ផ្តល់ការងារ និងបណ្តុះបណ្តាលវិជ្ជាជីវៈ

កម្ពុជា បានដាក់បណ្តឹងទៅ តុលាការយុត្តិធម៌អន្តរជាតិ ICJ ជុំវិញតំបន់ជម្លោះព្រំដែន ៤ ជាមួយថៃ