តេង លក្ខិណា ដឹកដៃប្អូនប្រុសទៅលំហែនៅ ឌូបៃ
- 2016-02-18 15:11:09
- ចំនួនមតិ 0 | ចំនួនចែករំលែក 0
តេង លក្ខិណា ដឹកដៃប្អូនប្រុសទៅលំហែនៅ ឌូបៃ
ចន្លោះមិនឃើញ
ឆេកូ ដែលជាប្អូនប្រុសរបស់ កញ្ញា តេង លក្ខិណា បានថ្លែងមកកាន់ Sabay ថាខ្លួន និងបងស្រីកំពុងតែសម្រាកលំហែកាយនៅទីក្រុង ឌូបៃ នៃប្រទេសអារ៉ាប់រួម។
តារាចម្រៀងបងប្អូនបង្កើតដែលស្ថិតនៅក្រោមផលិតកម្ម M នោះ បានចាកចេញពីប្រទេសកម្ពុជាតាមយន្តហោះកាលពីថ្ងៃ ១៦ ខែកុម្ភៈឆ្នាំ ២០១៦ ម្សិលមិញ ហើយបានចុះចតនៅប្រទេសថៃ មុនពេលបន្តដំណើរទៅទីក្រុង ឌូបៃ។
" ខ្ញុំស្នាក់នៅទីនេះមួយសប្ដាហ៍ ឬអាចច្រើនជាងហ្នឹងបង ព្រោះថាពួកខ្ញុំចង់ដើរលេងជុំវិញទីក្រុង ឌូបៃ និងស្វែងយល់ក៏ដូចសិក្សាពីទីនេះឲ្យបានច្រើន ជាពិសេស គឺយើងចង់ដើរ Shopping របស់របរប្រើប្រាស់មួយចំនួននៅទីនេះផង" ឆេកូ ថ្លែង។
លោកបន្តថា សម្រាប់ការវិលត្រឡប់មកវិញនោះលោកមិនទាន់ច្បាស់នោះទេព្រោះចង់នៅមើលទេសភាពអាគារប្រណិតៗនៅឌូបៃ ឲ្យបានយូរបន្តិច ដោយយោងលើហេតុផលថា មិនងាយមានពេលទៅនោះទេ។
តោះ...ចំណាយពេលបន្តិច ទៅលេងឌូបៃជាមួយ ឆេកូ និង លក្ខិណា ទាំងអស់គ្នា...!!!
អត្ថបទ៖ SAMEDY រូបភាព៖ ផ្ដល់ឲ្យ