យល់ដឹងពីមូលហេតុ ៩ យ៉ាងដែលជំរុញឲ្យបុរសគ្មានសមត្ថភាពមានកូន

2016-03-03 13:25:16
ចំនួនមតិ 0 | ចំនួនចែករំលែក 0

ចន្លោះមិនឃើញ

លទ្ធផលនៃការសិក្សារបស់ក្រុមអ្នកស្រាវជ្រាវក្នុងពេលកន្លងទៅថ្មីនេះបានបង្ហាញ ឲ្យដឹងថា គូស្រករជាច្រើនកំពុងប្រឈម មុខជាមួយបញ្ហាគ្មានកូនដែលការសិក្សានោះ បានបញ្ជាក់ថា ក្នុងចំណោមគូស្រករថ្មី ចំនួន ១០ គូ យ៉ាងហោចណាស់ក៏មាន ចាប់ពី ២ ទៅ៣ គូដែរ ដែលពិបាកក្នុង ការមានកូន ហើយបញ្ហានេះបានក្លាយជាក្តីបារម្ភមួយដ៏ធំសម្រាប់ជីវិតគូស្រករ ជា ពិសេសសម្រាប់បុរស។ ក្រុមអ្នកអ្នកស្រាវជ្រាវក៏បានបញ្ជាក់ដែរថា ផលអាក្រក់ជាច្រើនដែលអាចបណ្តោលមកពីទម្លាប់នៃការរស់នៅ និងភាពអវិជ្ជមាន មួយចំនួន ត្រូវបានចាត់ទុកថាជាបុព្វហេតុដ៏សំខាន់នៃការកាត់បន្ថយឱកាសមានកូន ចំពោះបុរស ជាពិសេសនោះគឺមូលហេតុ ទូទៅ ៩ យ៉ាងដូចខាងក្រោម ដែលជំរុញឲ្យសមត្ថភាពមានកូនរបស់បុរសថយចុះខ្លាំងដូចជា៖

១. ធាត់ពេក ឬស្គមពេក ៖ ចំនួននៃមេជីវិតឈ្មោលរបស់បុរសម្នាក់ដែលលើសទម្ងន់ ឬអ្នកដែលមានស្ថានភាពស្គមពេក អាចត្រូវបានកាត់បន្ថយយ៉ាងច្រើន។ ក្រៅ ពីនេះបញ្ហានៃការមិនមានកូន ជាទូទៅនៅលើបុរសដែលខ្វះលំហាត់ប្រាណ រួមជា មួយនឹងរបបអាហារ ឬកាឡូរីទាប ឬក៏អ្នកទាំងឡាយណាដែលទទួលរងពីការបរិភោគច្រើនតាមចំណង់។ ២. ពិសាគ្រឿងស្រវឹង ៖ ការទទួលទាន គ្រឿងស្រវឹងជាប្រចាំ អាចកាត់បន្ថយចលនា នៃមេជីវិតឈ្មោលដ៏ដូចជាចំនួននៃមេជីវិតឈ្មោលដែលនាំអោយគ្មានកូន។ ៣. ជក់បារី ៖ ឱកាសនៃការព្យាបាល ការមានកូន នឹងត្រូវបានថយចុះយ៉ាងខ្លាំងក្នុងករណីបុរសជក់បារី។ ក្រៅពីនេះ ស្ថានភាពនៃការរលូតកូនក៏កើតមានឡើងកាន់តែច្រើននៅក្នុងគូស្វាមីភរិយាដែល មានទម្លាប់បែបនេះ។ លើសពីនេះទៀតការជក់បារីអាចកាត់បន្ថយគុណភាព និងបរិមាណនៃមេជីវិតឈ្មោល ព្រមទាំងបង្កើនហានិភ័យនៃជំងឺងាប់លិង្គសម្រាប់បុរស។ ៤. ភាពចាស់ ៖ ការមានកូនរបស់បុរសនឹងមានការថយចុះទៅតាមអាយុកាល ជាពិសេសក្រោយពេលពីអាយុ ៣៥ ឆ្នាំ បណ្តាលមកពីការបាត់បង់នូវគុណភាព មេជីវិតឈ្មោល។ ក្រៅពីនេះបញ្ហាសុខភាពដែលទាក់ទងទៅនឹងវ័យចំណាស់ក៏អាចប៉ះពាល់ដល់ការមានកូនរបស់បុរស។ ៥. កង្វះនៃការធ្វើលំហាត់ប្រាណ ៖ កង្វះ ការហាត់ប្រាណសម្រាប់រាងកាយអាចជាមូលហេតុនៃការធាត់ នេះក៏ជាកត្តាដែល បណ្តាលឲ្យបុរសគ្មានកូនផងដែរ។ ៦. ការសេពគ្រឿងញៀន ៖ ការសេពគ្រឿងញៀនគឺជាកត្តាមួយដែលអាចបង្កើនហានិភ័យនៃការគ្មានកូនចំពោះបុរសដែលបណ្តាលមកពីការកាត់បន្ថយគុណភាពនៃមេជីវិតឈ្មោល ឬប្រសិនបើមានកូន អាចនឹងមិនមានលក្ខណៈគ្រប់គ្រាន់ និង ទារកមានសុខភាពមិនល្អប្រសើរដូចគេ។ ៧. ការព្យាបាលជំងឺដោយវិទ្យុសកម្ម ៖ កម្មវិធីនៃការព្យាបាលដោយវិទ្យុសកម្មក្នុងការព្យាបាលជំងឺមហារីក ដែលអាចប៉ះពាល់ដល់សុខភាពរួមទាំងប្រព័ន្ធបន្តពូជរបស់ បុរស។ ម្យ៉ាងវិញទៀតការព្យាបាលដោយ វិទ្យុសកម្មនេះ ក៏អាចប៉ះពាល់ដល់គុណភាព និងបរិមាណមេជីវិតឈ្មោលរបស់ បុរស ដែលជាមូលហេតុឈានទៅរកការ គ្មានកូន។ ៨. លក្ខខណ្ឌវេជ្ជសាស្ត្រ ៖ មានបញ្ហាសុខភាពដែលទាក់ទងទៅនឹងការថយចុះនៃការមានកូន ចំពោះបុរសដូចជាបញ្ហា អ័រម៉ូន, ជំងឺតម្រងនោម និងជំងឺផ្សេងៗមួយចំនួនទៀតជាដើម។ ៩. បញ្ហាជាតិពុល ៖ ទោះបីជាអ្នកមាន សុខភាពល្អ និងមានរបៀបរស់នៅល្អ ការមានកូនរបស់អ្នកក៏អាចត្រូវទទួលរងនូវ ផលប៉ះពាល់ផងដែរ ប្រសិនបើការរស់នៅក្នុងបរិស្ថានកខ្វក់។ ជាពិសេសការបំពុល និងជាតិពុលរបស់ថ្នាំសម្លាប់សត្វល្អិតក៏ជាមូលហេតុជំរុញឲ្យបង្កើនហានិភ័យសម្រាប់ការគ្មានកូនរបស់បុរសផងដែរ៕ អត្ថបទ៖ លោក វុទ្ធា ប្រភព៖ Khmerdaily