តារាដើមទ្រូង ប៊ុន ផៃលីន សម្ពោធផ្ទះជួលជាង២០ម៉ឺនដុល្លារ

2016-03-07 16:42:46
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាល្បីខាងដើមទ្រូង កញ្ញា ប៊ុន ផៃលីន ទើបបានធ្វើពិធីសម្ពោធផ្ទះជួលរបស់ខ្លួនដែលមានតម្លៃរហូតជាង២០ម៉ឺនដុល្លារកាលពីថ្ងៃសៅរ៍ចុងសប្ដាហ៍កន្លងទៅ។

ជាប្រភេទផ្ទះល្វែង ប៉ុន្តែសង់ជាបន្ទប់សម្រាប់ជួល ដែលមានទីតាំង ក្នុងភូមិ អង្គ សង្កាត់ ចោមចៅ ខណ្ឌ ពោធិសែនជ័យ រាជធានី ភ្នំពេញ ជាតំបន់ពោរពេញដោយរោងចក្រកាត់ដេរជាច្រើន។ ផៃលីន បានប្រាប់ថា ផ្ទះខាងលើនាងទើបតែទិញ ក្នុងតម្លៃជាង២០ម៉ឺនដុល្លារមាន២ល្វែង ដែលមានបន្ទប់ទាំងអស់៤០បន្ទប់។

តារាស្រីរូបនេះបានបន្តឲ្យដឹងទៀតថា បន្ទប់នីមួយៗ នាងបានដាក់ជួលចាប់ពី៤០ ដុល្លារ រហូតដល់១៣០ ដុល្លារ ក្នុងមួយខែ ហើយជាមធ្យមនាងអាចរកចំណូលបានពីផ្ទះជួលខាងលើ ខ្ទង់២ពាន់ដុល្លារក្នុងមួយខែ។ ក្រៅពីមានផ្ទះជួល ប៊ុន ផៃលីន ត្រូវបានគេដឹងថា គឺជាអ្នករកស៊ីចងការប្រាក់ល្បីឈ្មោះនៅតំបន់នោះផងដែរ។

ភាពមានបានយ៉ាងរហ័សរបស់ ប៊ុន ផៃលីន ត្រូវបានគេសង្ស័យមានប្រុសស្នេហ៍ជាអ្នកមានទ្រព្យម្នាក់ចាំជួយឧបត្ថម្ភ ត្បិតអីថ្ងៃសម្ពោធនោះមានមន្ត្រីធំក៏ដូចជាអ្នកជំនួញច្រើនណាស់មកចូលរួម ហើយតារាស្រីម្នាក់នេះ បានសំណូមពរកុំឱ្យអ្នកសារព័ត៌មានថតភ្ញៀវទាំងនោះថែមទៀត។

ទោះបីជាយ៉ាងណា ប៊ុន ផៃលីន បានបញ្ជាក់ថា ទ្រព្យដែលខ្លួនមានបច្ចុប្បន្ន គឺខ្លួនខំសន្សំធ្វើការរកស៊ីទាំងញើសឈាម ដោយខ្លួនឯង មិនមានអ្នកណាឧបត្ថម្ភ ឡើយ។ ដោយសារតែមានទីតាំងឆ្ងាយ ប៊ុន ផៃលីន មិនសូវហៅអ្នកសិល្បៈចូលរួមច្រើនឡើយ គឺបានហៅតែអ្នកជិតស្និទ្ធ២០ទៅ៣០នាក់ប៉ុណ្ណោះ៕