Cambodian DJ Championship 2016 រកឃើញបេក្ខជន ៨ នាក់ឡើងទៅវគ្គពាក់កណ្ដាលផ្ដាច់ព្រ័ត្រ

2016-03-14 22:56:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយការប្រកួតជម្រុះជាច្រើនសប្ដាហ៍រួចមក កម្មវិធី Cambodian Djs Championship 2016 បានរកឃើញបេក្ខជនជា DJ ចំនួន ៨ នាក់សម្រាប់ឡើងទៅវគ្គពាក់កណ្ដាលផ្ដាច់ព្រ័ត្រ។

បើតាមអ្នកគ្រប់គ្រងកម្មវិធី គង់ ចាន់សីហា បាននិយាយថា បេក្ខជនទាំងអស់ខាងលើ ត្រូវត្រៀមខ្លួនសម្រាប់ប្រកួតក្នុងវគ្គពាក់កណ្ដាលផ្ដាច់ព្រ័ត្រ នឹងប្រព្រឹត្តនៅថ្ងៃទី១៨ ខែមីនាខាងមុខ នៅក្នុង ZEUS ក្លឹប នៃមណ្ឌលកម្សាន្ត Rock ហើយក៏មានការចាក់ផ្សាយលើកញ្ចក់ទូរទស្សន៍ MY TV ដើម្បីឱ្យមហាជនទូទៅបានទស្សនាផងដែរ។

លោកបញ្ជាក់ថា បេក្ខជន DJ ទាំងអស់ត្រូវបែងចែកជា ២ ក្រុម(AនិងB) ដោយមានសមាជិក ៤ នាក់ ហើយពួកគេធ្វើការប្រកួតប្រជែងគ្នា ក្រោមការវិនិច្ឆ័យយ៉ាងយកចិត្តទុកដាក់ពីគណៈកម្មការខ្មែរ និងបរទេសផងដែរ សម្រាប់វិញ្ញាសាដូចគ្នាដែលកម្មវិធីបានកំណត់។

អ្នកគ្រប់គ្រងកម្មវិធីដដែលអះអាងទៀតថា ទោះបីស្ថិតក្នុងក្រុមជាមួយគ្នាមែន ប៉ុន្តែការផ្ដល់ពិន្ទុមិនដូចគ្នាទេ គឺអាស្រ័យលើសមត្ថភាពរៀងខ្លួន។ ហើយក្នុងវគ្គនេះ កម្មវិធីជម្រុះយកបេក្ខជនមានសមត្ថភាពខ្ពស់ចំនួន៤នាក់ប៉ុណ្ណោះ ដើម្បីចូលរួមក្នុងវគ្គផ្ដាច់ព្រ័ត្រនៅថ្ងៃទី ៣០ ខែមីនា ខាងមុខនេះ។ លោកសង្ឃឹមថា នឹងមានការចូលរួមទស្សនាឱ្យបានច្រើន ដើម្បីលើកទឹកចិត្តដល់បេក្ខជន ដែលបានចូលរួមប្រកួតប្រជែង៕