ទស្សនាវដ្ដីអាមេរិកល្បីឈ្មោះមួយផ្សាយថា Galaxy S7 ជាស្មាតហ្វូនល្អដាច់គេ

2016-03-24 17:07:21
ចំនួនមតិ 0 | ចំនួនចែករំលែក 0

ចន្លោះមិនឃើញ

Consumer Reports ដែលជាទស្សនាវដ្ដីអាមេរិកដ៏ល្បីឈ្មោះមួយបានចុះផ្សាយថា Samsung Galaxy S7 ជាស្មាតហ្វូនល្អផ្ដាច់គេ ក្នុងចំណោមស្មាតហ្វូនដែលទស្សនាវដ្ដីនេះបានវាយតម្លៃកន្លងមក។

ទស្សនាវដ្ដីខាងលើបានលើកឡើងថាទាំង Galaxy S7 និង S7 Edge មានថាមពលថ្មដែលកាន់បានយូរ កាមេរ៉ាកំពូល ដំណើរការមានល្បឿនលឿន ហើយថែមទាំងមានអេក្រង់ដែលមានកម្រិត Resolution ខ្ពស់ទៀតផង។ មិនតែប៉ុណ្ណោះមុខងារមិនជ្រាបទឹក និងការដែលមានរន្ធសម្រាប់ដោយ SD Card ក៏ត្រូវបានគេកោតសរសើរផងដែរ។

លោក Mike Gikas ការីនិពន្ធជាន់ខ្ពស់នៃទស្សនាវដ្ដីបានថ្លែងថា ៖ "ម៉ូដែលថ្មីទាំងពីរនេះមិនត្រឹមតែជាម៉ូដែលល្អបំផុតរបស់ Samsung ប៉ុណ្ណោះទេ ប៉ុន្តែអាចជាស្មាតហ្វូនល្អដាច់គេក្នុងចំណោមស្មាតហ្វូនទាំងឡាយ"។

គួររំឭកថា Consumer Reports ជាទស្សនាវដ្ដីអាមេរិកដែលបានចាប់ដំណើរការឡើងរយៈពេល៨០ឆ្នាំមកហើយ ដោយមានផ្សាយពីការវាយតម្លៃផលិតផលអេឡិចត្រូនិកជាច្រើន ផ្អែកលើការលទ្ធផលនៃការតេស្តរបស់ពួកគេ ហើយទស្សនាវដ្ដីនេះមិនទទួលនូវការផ្សព្វផ្សាយពាណិជ្ជកម្មពីបណ្ដាក្រុមហ៊ុនណាមួយនោះឡើយ៕

ចុចអាន៖ បរិមាណនៃការលក់ Galaxy S7/S7 Edge កើនឡើងលើសការរំពឹងទុក

ប្រែសម្រួល៖ ហៃ សុខហេង ប្រភព៖ SamMobile