អនុស្សាវរីយ៍មិនអាចបំភ្លេចបានរវាងអធិរាជសំឡេងមាស ស៊ិន ស៊ីសាមុត និង ឌី សាវ៉េត

2016-03-30 14:01:35
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាជើងចាស់ ឌី សាវ៉េត បានលាតត្រដាងអនុស្សាវរីយ៍ខ្លះៗ មិនអាចបំភ្លេចបានរវាង អធិរាជសំឡេងមាស ស៊ិន ស៊ីសាមុត ជាមួយអ្នកស្រីតាមរយៈ Sabay ត្បិតថាអធិរាជរូបនេះ បានលាចាកលោកទៅហើយក្តី ប៉ុន្តែកេរ្តិ៍ឈ្មោះនៅតែល្បីរន្ទឺ និងដក់ជាប់ក្នុងបេះដូងកូនខ្មែរជានិច្ចរហូត។

អ្នកស្រី ឌី សាវ៉េតថ្លែង៖ "ខ្ញុំចាំបានថា កាលខ្ញុំនៅពីក្មេង ពេលឡើងកម្មវិធីតាមទូរទស្សន៍ម្ដងៗ ខ្ញុំច្រៀងតែបទ លោក ស៊ិន ស៊ីសាមុត ទោះជាបទមនុស្សប្រុសក៏ដោយ ចង់អ្នករៀបចំកម្មវិធីថាបទហ្នឹងជាបទប្រុស ក៏ខ្ញុំនៅតែច្រៀង"។

(រូបអធិរាជសំឡេងមាស ស៊ិន ស៊ីសាមុត៖ យកពីយូធូប)

តារាជើងចាស់បន្ត៖ "ឧទាហរណ៍ថាបទ ហ្នឹង ចំណងជើង "បំភ្លេចបងទៅ" ខ្ញុំក្រឡៃចេញជា "បំភ្លេចអូនទៅ" វិញម្តង បទលោកស៊ិន ស៊ីសាមុត ដដែលគ្រាន់តែពាក្យ "បង" ជំនួសទៅ "អូន" វិញតែប៉ុណ្ណឹង"។

តួឯកស្រីក្នុងរឿង "ជីវិតផ្សងព្រេង" បន្តរំលឹករឿងរ៉ាវអ្នកស្រីពាក់ព័ន្ធនឹង អធិរាជសំឡេងមាស ស៊ិន ស៊ីសាមុត ថា ជាមនុស្សម្នាក់ថ្លៃថ្នូរមិនចេះលើកខ្លួនឯងថាជាមនុស្សពូកែអស្ចារ្យ មិនចេះមើលងាយគេ ជាមនុស្សស្ងាត់ស្ងៀម និងគួរឲ្យគោរព។ នេះបើតាមការលើកឡើងពី ឌី សាវ៉េត។

លើសពីនេះទៀត អ្វីដែលអ្នកស្រី ឌី សាវ៉េត ចងចាំបំផុត និងរំភើបក្នុងចិត្តនោះ គឺពេលមួយលោកតា ស៊ិន ស៊ីសាមុត តែងបទចម្រៀងមួយបទហើយបានមកសួរយោបល់ពីអ្នកស្រី។

“មានពេលមួយគាត់តែងបទមួយ គាត់មកសួរហើយពិគ្រោះយោបល់ជាមួយខ្ញុំថា បទនេះពីរោះទេ អាចយកបានទេ។ និយាយទៅឲ្យតែរំលឹកពីលោក ស៊ិន ស៊ីសាមុត ខ្ញុំចង់តែយំ រកមនុស្សដូចគាត់មិនបានទេ ស្ដាយគាត់ព្រោះគាត់មិនមែនស្លាប់ដោយសារជំងឺឈឺស្កាត់ អីទេ ខ្ញុំពិតមិនអស់ចិត្ត"៕

អត្ថបទ៖ ថា ម៉ាលីដា

ពាក្យទាក់ទង

ជុំវិញតារាជាតិ

អត្ថបទពេញនិយម

ស្រោមអនាម័យ ប្រវែង ២០សង់ទីម៉ែត្រ សល់ពី ២០០ឆ្នាំមុន ត្រូវបានដាក់តាំងបង្ហាញនៅសារមន្ទីរ

ស៊ូ មេឡូឌី (Melody Sou) ស្រ្តីខ្មែរទី១ នាំយក កីឡាភីឡាធីស (Pilates) មកប្រទេសកម្ពុជា មានចក្ខុវិស័យធំ ក្នុងការនាំយកប្រទេសកម្ពុជាទៅឆាកអន្តរជាតិ

ថៃ ហៅអនុព័ន្ធយោធាបរទេស ៤២ប្រទេស មកស្តាប់អំពីស្ថានការណ៍តានតឹង នៅព្រំដែន កម្ពុជា-ថៃ

ព្រឹទ្ធសភាថៃ ជំរុញរដ្ឋាភិបាល បើកសម័យប្រជុំពិសេសមួយ រកដំណោះស្រាយ ចំពោះជម្លោះព្រំដែន

កាន់តែទាក់ទាញ ទេសចរណ៍នៅសៀមរាប ម៉តូធំអូសរម៉កបំពាក់បាសធំៗត្រៀមជូនភ្ញៀវដើរលេងកម្សាន្ត

កូនស្រី ពិធីការិនី គង់ សុជាតិ បង្កើតស្នាដៃកាន់តែអស្ចារ្យក្នុងវិស័យដើរម៉ូដ កាន់តែទាក់ភ្នែកមហាជន

អត្ថបទថ្មី

តស់ៗ! ឱកាសដ៏កម្រឈ្នះរង្វាន់ពី Carlsberg នាំអ្នកទៅទស្សនាផ្ទាល់ ការប្រកួតបាល់ទាត់លំដាប់ពិភពលោក ក្រុមហង្សក្រហម Liverpool FC ប៉ះ ពស់ថ្លាន់ Milan នៅហុងកុង ថ្ងៃទី ២៦ កក្កដា ២០២៥

ក្រុមហ៊ុន ២ រកចំណូលបានច្រើនបំផុតនៅកម្ពុជា គិតត្រឹមពាក់កណ្ដាលឆ្នាំ២០២៥ នេះ

ក្រុមហ៊ុន OCIC នឹងសម្ពោធដីឡូត៍មាត់ទន្លេនៅកោះពេជ្រនៅខែមិថុនា

Facebook៖ រាល់ការផុសវីដេអូទាំងអស់ នឹងចូលទៅក្នុង Reels

ក្រុមហ៊ុន Smart Axiata មានការផ្ដល់ជូនពិសេសដល់អតិថិជន ដើម្បីជាការថ្លែងអំណរគុណកំឡុងពេលដែលក្រុមហ៊ុនផ្លាស់ប្ដូរបណ្ដាញ IP

ទូរសព្ទ Trump T1 កំពុងដាក់ឲ្យ Pre-Order ក្នុងតម្លៃ 499$