រកឃើញហើយ ជយលាភីលេខ១ Cambodia DJ Championship ២០១៦ ជានារី

2016-03-31 18:13:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីបំផុតកម្មវិធី Cambodian DJ Championship ២០១៦ បានរកម្ចាស់ជយលាភីចំណាត់ថ្នាក់លេខ១ ហើយកាលពីយប់មិញនេះ គឺបេក្ខនារីឈ្មោះ DJ SNOW Y មកពីខេត្តសៀមរាប។

DJ SNOWY ជយលាភីលេខ១

ចំពោះជយលាភីលេខ ២ បានទៅលើ DJ NAGA, ជយលាភីលេខ៣ បានលើ DJ អូន និងជយលាភីលេខ៤បានលើ DJ Kid។ លោក Raindy នាយកគ្រប់គ្រងទីផ្សារនៃមណ្ឌលកម្សាន្ត Rock និយាយថា ជាលើកទី១ហើយដែលមណ្ឌលកម្សាន្តមួយនេះ សហការជាមួយ Power live International Agency និង Stronghold Entertainment រៀបចំឡើង ដើម្បីស្វែងរក DJ ពិតប្រាកដនៅប្រទេសកម្ពុជា។

"យើងក៏ចង់បង្ហាញប្រទេសដទៃទៀតថា ប្រទេសយើងក៏មានDJ ប្រចាំប្រទេសយើងដែរ មិនចាញ់ប្រទេសគេនោះទេ"។ ថ្លែងមកកាន់ Sabay កាលពីយប់មិញ។

លោក Raindy អះអាងថា ការវាយតម្លៃពិតជាតម្លាភាពប្រាកដមែន ព្រោះគណៈកម្មការមកពីច្រើនប្រទេសចូលរួមដូចជា អាហ្វ្រិក សហរដ្ឋអាមេរិក ឌូបៃ សិង្ហបុរី និងម៉ាឡេស៊ី ជាដើម។ ពួកគេសុទ្ធតែមានបទពិសោធន៍ លើការងារជានេះជិត ២០ ឆ្នាំមកហើយ ហើយលេងភ្លេងក្នុងកម្មវិធីលំដាប់ពិភពលោកនានាទៀតផង។ ដោយឡែកសម្រាប់រូបលោក ជាគណៈកម្មការវាយតម្លៃអាកប្បកិរិយារបស់បេក្ខជន។

លោក Raindy ប្រធានគ្រប់គ្រងផ្នែកទីផ្សារ

ប្រធានផ្នែកទីផ្សាររូបនេះបន្ថែមថា បេក្ខជនជយលាភីទាំងអស់ទទួលបានឱកាសជាច្រើនទៅក្រៅអំពីទឹកប្រាក់ទទួលបានពីកម្មវិធី។ ជាក់ស្ដែងជយលាភីទាំងអស់ មានឱកាសទៅសម្ដែងនៅទីក្រុង Las Vegas សហរដ្ឋអាមេរិក និងម៉ាឡេស៊ី ឆាប់ៗទៀតផង ហើយក៏នៅមានឱកាសជាច្រើនទៀត។ ពួកគេអាចស្វែងយល់បន្ថែម និងធ្វើឱ្យវិស័យនេះរីកចម្រើននៅកម្ពុជាដូចបណ្ដាប្រទេសផ្សេងទៀតដែរ។

លោកអះអាងថា នឹងធ្វើឱ្យកាន់តែប្រសើរឡើងសម្រាប់ឆ្នាំក្រោយៗទៀតមិនខាន ព្រោះនេះជាលើកដំបូងនៅប្រទេសកម្ពុជា និងរិះរកវិញ្ញាសាកាន់ខ្លាំងជាងឆ្នាំនេះបន្ថែមទៀត៕