HTC 10 ជាទូរសព្ទដំបូងគេដែលកាមេរ៉ា Selfie មានមុខងារទប់លំនឹងរូបភាព

2016-04-08 15:46:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្របពេលដែលជិតដល់ពេលវេលា HTC 10 បង្ហាញវត្តមានជាផ្លូវការ មានពាក្យចចាមអារ៉ាមក៏ដូចជាព័ត៌មានជាច្រើនបានបែកធ្លាយ។ ជាក់ស្ដែងថ្មីៗនេះមានរូបភាពបែកធ្លាយដែលបង្ហាញថា HTC 10 នឹងជាទូរសព្ទដំបូងគេក្នុងលោកមានកាមេរ៉ា Selfie ដែលមានបំពាក់បច្ចេកវិទ្យាទប់លំនឹង OIS។

រូបភាពបែកធ្លាយគឺគេទទួលបានពីក្រុមផលិតឈ្មោះថា SmileBooth ដែលពួកគេទំនងជាបានសាកល្បងកាមេរ៉ា Selfie របស់ HTC 10ហើយក៏បានបង្ហោះរូបភាពដែលថតសាកល្បងនោះលើបណ្ដាញ Twitter។ មើលលើរូបភាពប៉ុន្មានសន្លឹកនេះឃើញថា សមត្ថភាពចាប់យករូបភាពនៃកាមេរ៉ាខាងមុខរបស់ HTC 10 ពិតជាមិនធម្មតាឡើយ។

គួរបញ្ជាក់ថាក្រុមហ៊ុន HTC នឹងបង្ហាញជាផ្លូវការពីវត្តមាន HTC 10 ដែលជាទូរសព្ទប្រចាំឆ្នាំរបស់ខ្លួន នាថ្ងៃទី១២ ខែមេសា ឆាប់ៗនេះហើយ ដូចនេះរង់ចាំតាមដានទាំងអស់គ្នាថាតើកាមេរ៉ា Selfie របស់វាពិតជាមានបច្ចេកវិទ្យា OIS មែនឬយ៉ាងណា៕

ចុចអាន៖ Apple ទំនងជាលក់ iPhone បាន១ប៊ីលានគ្រឿងត្រឹមខែកក្កដាឆ្នាំនេះ

ប្រែសម្រួល៖ ហៃ សុខហេង ប្រភព៖ Phandroid