HP បង្កើនផលិតភាពការងារផ្នែកបច្ចេកវិទ្យា

2016-04-25 20:37:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ផលិតភាពការងារផ្នែកបច្ចេកវិទ្យា សំដៅទៅលើការប្រឹក្សាយោបល់ ការផ្ដល់សេវាកម្មល្អ រួមដំណោះស្រាយបញ្ហាផ្សេងៗទាក់ទងផលិតផលបច្ចេកវិទ្យាថ្មីៗ ដែលត្រូវបានសហការគ្នារវាងក្រុមហ៊ុន HP និង Thakral One កម្ពុជា។

លោក Vijay Balan ដែលជានាយកគ្រប់គ្រងក្រុមហ៊ុន HPE (Hewlett Packard Enterprise) បាននិយាយថា ការងារផ្នែកបច្ចេកវិទ្យា ត្រូវមានទាំងសេវាកម្មល្អ រួមដំណោះស្រាយយ៉ាងរហ័ស ទើបធ្វើឱ្យដំណើរការអាជីវកម្មមានភាពរលូន។

ការសហការគ្នាដើម្បីជួយជម្រុញដល់ដំណើរការធ្វើជំនួញលើវិស័យបច្ចេកវិទ្យារបស់អតិថិជនកម្ពុជា ទទួលបានសមិទ្ធផលឈានសម្រេចបានគោលដៅជោគជ័យ និងមានទំនុកចិត្តខ្ពស់ តាមរយៈសេវាកម្មល្អ និងការប្រឹក្សាយោបល់ក្រុមហ៊ុន។

លោក Ashish Fitkariwala នាយកគ្រប់គ្រងក្រុមហ៊ុន Thakral One Cambodia បានមានប្រសាសន៍ថា Thakral One មានទីស្នាក់ការធំនៅក្នុងប្រទេសសិង្ហបុរី និងកំពុងប្រតិបត្តិការជាង 12 ប្រទេស។ ក្រុមហ៊ុនមានអ្នកប្រឹក្សាក្នុងស្រុកជាង 800 នាក់ ដែលនឹងធ្វើឱ្យដៃគូសហការមានទំនុកចិត្តទាំងប្រតិបត្តិការហិរញ្ញវត្ថុ បទពិសោធន៍បច្ចេកទេស ដំណើរការអភិវឌ្ឍន៍ការងារ និងការផ្លាស់ប្ដូរជំនួញជាដើម។

អានបន្ត៖ កុំព្យូទ័រ HP ស៊េរីថ្មី មានកម្រាស់ត្រឹម១០,៤ម.ម ស្ដើងជាងគេលើលោក

អត្ថបទ៖ រក្សា